ବେଦାନ୍ତ ଲାଞ୍ଜିଗଡ଼ ପକ୍ଷରୁ କର୍ମଚାରୀ ରାଜ୍ୟ ବୀମା ନିଗମ (ଇଏସଆଇସି) ସହିତ ଏମଓୟୁ ସ୍ୱାକ୍ଷର

ଏହା ଅଧିନରେ ବେଦାନ୍ତ ହସପିଟାଲ ଲାଞ୍ଜିଗଡ଼ ଇଏସଆଇସି-ସ୍ୱୀକୃତ ମେଡିକାଲ କେନ୍ଦ୍ରର ନେଟୱର୍କରେ ଯୋଗଦେବ ଓ ଲଞ୍ଜିଗଡ଼ର ପ୍ରଥମ କର୍ମଚାରୀଙ୍କ ୟୁଟିଲାଇଜେସନ ଡିସପେନସରି ହେବ ।

ଓଡ଼ିଶା ତାଜା ନ୍ୟୁଜ (୨୮ ଅକ୍ଟୋବର ଶୁକ୍ରବାର ) ଲାଞ୍ଜିଗଡ଼, କଳାହାଣ୍ଡି ଜିଲ୍ଲା :- ବେଦାନ୍ତ ଲିମିଟେଡ, ଲାଞ୍ଜିଗଡ଼଼ ଭାରତର ଅଗ୍ରଣି ମେଟାରଲଜିକାଲ ଗ୍ରେଡର ଆଲୁମିନିୟମ ନିର୍ମାତା କର୍ମଚାରୀ ରାଜ୍ୟ ବୀମା ନିଗମ ସହିତ ସହଭାଗୀ ହୋଇ ଏହାର ସପଫ୍ଲୋର ସ୍ତରୀୟ କର୍ମଚାରୀ ଓ ବ୍ୟବସାୟ ସହଯୋଗୀଙ୍କୁ ଏହି କଲ୍ୟାଣକାରୀ ସୁବିଧା ଉପଲବ୍ଧ କରାଇବ । ଏହି ସହଭାଗୀତାର ଅଂଶ ଭାବରେ ଲାଞ୍ଜିଗଡ଼଼ କଳାହାଣ୍ଡି ଓଡ଼ିଶାର ବେଦାନ୍ତ ଡାକ୍ତରଖାନା ବର୍ତମାନ ଏକ ନିଯୁକ୍ତିଦାତା ଡିସପେନସାରି ଭାବେ ମାନ୍ୟତା ପାଇଛି । ଏହି ସ୍ୱିକୃତି ପାଇବା ଦ୍ୱାରା ବେଦାନ୍ତ ହସପିଟାଲରେ ହୀତାଧିକାରୀମାନେ ମାଗଣାରେ ଚିକିତ୍ସା ସେବା ସୁବିଧା ପାଇପାରିବେ । ଇଏସଆଇସି ସାଧାରଣ ସ୍ୱାସ୍ଥ୍ୟ ଜନିତ ଆପଦକୁ ତିନିସ୍ତରୀୟ ସହାୟତା ଯଥା ପ୍ରାଥମିକ, ମାଧ୍ୟମିକ ଓ ତୃତୀୟ ଶ୍ରେଣୀରେ ବିଭକ୍ତ କରିଛି ଯେଉଁଥିରେ ଜଣେ ଇଏସଆଇସିର ହୀତାଧିକାରୀ ଚିକିତ୍ସା ପାଇପାରିବେ ।

ଏହି ପରିପ୍ରେକ୍ଷୀରେ ବେଦାନ୍ତ ଡାକ୍ତରଖାନା ପ୍ରାଥମିକ ସ୍ତରରେ ଚିକିତ୍ସା ସହାୟତା ଯୋଗାଇବ । ବେଦାନ୍ତ ଡାକ୍ତରଖାନା ଲାଞ୍ଜିଗଡ଼଼ରେ ଅବସ୍ଥିତ ଓ ଏଠାରେ ୨୦ ଶଯ୍ୟା ବିଶିଷ୍ଟ ଅତ୍ୟାଧୁନିକ ଚିକିତ୍ସା ସୁବିଧା ରହିଛି । ଏହି ଡାକ୍ତରଖାନାଟି ଡାକ୍ତର, ଫିଜିଓଥେରାପିଷ୍ଟ, ଭ୍ରମଣକାରୀ ବିଶେଷଜ୍ଞ ଓ ରେଫରାଲ ପାଇଁ ଆମ୍ବୁଲାନସ ସୁବିଧା ସହ ସଜ୍ଜିତ । ଏଠାକୁ ପ୍ରତିଦିନ ୨୦୦ରୁ ଅଧିକ ରୋଗୀ ସ୍ୱାସ୍ଥ୍ୟ ସେବା ପାଇଁ ଆସିଥାନ୍ତି । ଏଠାରେ କର୍ମଚାରୀମାନେ ଇଏସଆଇସିରୁ ମାଧ୍ୟମିକ ଓ ତୃତୀୟ ସ୍ତରୀୟ ଚିକିତ୍ସା ପାଇଁ ଆର୍ଥିକ ସହାୟତା ପାଇପାରିବେ । ଅଧିକନ୍ତୁ, କର୍ମଚାରୀ ଓ ବ୍ୟବସାୟିକ ସହଯୋଗୀମାନେ ଅକ୍ଷମତା, ମାତୃତ୍ୱ, ନିର୍ଭରଶୀଳ ଓ ବେକାରୀ ସମ୍ବନ୍ଧୀୟ ଅନେକ ଅତିରିକ୍ତ ଯୋଜନାରୁ ଲାଭ ପାଇ ପାରିବେ ।

ଇଏସଆଇସି ସହିତ ଏହି ସହଭାଗୀତା ସଂପର୍କରେ ଶ୍ରୀ ଜିଜି ପାଲ, ଡେପୁଟି ସିଇଓ- ଆଲୁମିନା ବିଜିନେସ କହିଛନ୍ତି ଯେ ଆମ କର୍ମଚାରୀ ଓ ବ୍ୟବସାୟିକ ଭାଗିଦାରୀଙ୍କ କଲ୍ୟାଣ ଆମ ପାଇଁ ସବୁଠାରୁ ମୂଲ୍ୟବାନ । କର୍ମଚାରୀ ରାଜ୍ୟ ବୀମା ନିଗମ ସହିତ ଆମର ସହଭାଗୀତା ଆମ କର୍ମଚାରୀ ଓ ସେମାନଙ୍କ ପରିବାର ସଦସ୍ୟଙ୍କୁ ଇଏସଆଇସିର କଲ୍ୟାଣକାରୀ ଯୋଜନାରୁ ଲାଭ ମିଳିବ । ଏଠାରେ ଥିବା ବେଦାନ୍ତ ହସପିଟାଲ ଲୋକମାନଙ୍କୁ ଅନେକଦିନ ଅର୍ଥାତ ୧୫ ବର୍ଷ ହେଲା ଚିକିତ୍ସାସେବା ଯୋଗାଇ ଆସୁଛି । ଏହି ହସପିଟାଲ ଦ୍ୱାରା ଆମେ ଏବେ ଇଏସଆଇସି ର ଅତିରିକ୍ତ ଚିକିତ୍ସା ସେବା ପ୍ରଦାନ କରିବୁ । ଓଡ଼ିଶାର ଭୁବନେଶ୍ୱର ସ୍ଥିତ ଇଏସଆଇସିର ଆଂଚଳିକ ନିର୍ଦ୍ଦେଶକ ଶ୍ରୀ ପାର୍ଥ ସାରଥୀ ପଣ୍ଡା କହିଛନ୍ତ ଯେ ଶ୍ରମିକମାନେ ହେଉଛନ୍ତି ରାଷ୍ଟ୍ରର ଶକ୍ତି, କାରଣ ସେମାନେ ଅର୍ଥବ୍ୟବସ୍ଥାକୁ ଅକାର ପ୍ରଦାନ କରିଥାନ୍ତି ଓ ଇଏସଆଇସି ଏହି ଶ୍ରମିକମାନଙ୍କୁ ସୁରକ୍ଷା ଦେବା ପାଇଁ ପଦକ୍ଷେପ ଗ୍ରହଣ କରିଛି ।

ଆମେ ଖୁସିଯେ ବେଦାନ୍ତ ଏହାର ହସପିଟାଲ ସହିତ ଇଏସଆଇସିକୁ ସାମିଲ କରାଇଛି ଯାହାଦ୍ୱାରା ସ୍ଥାନୀୟ ଗୋଷ୍ଠୀ ବହୁ ଲାଭବାନ ହେବେ । ଏହି ପଦକ୍ଷେପ ଦ୍ୱାରା ବେଦାନ୍ତର କର୍ମଚାରୀମାନେ ବିଶେଷ ଭାବରେ ଉପକୃତ ହେବେ । ବେଦାନ୍ତ ଲାଞ୍ଜିଗଡ଼଼ କର୍ମଚାରୀ ଓ ସ୍ଥାନୀୟ ଜନବର୍ଗଙ୍କ କଲ୍ୟାଣ ପାଇଁ ଅନେକ ଗୁଡ଼ିଏ ପଦକ୍ଷେପ ଗ୍ରହଣ କରିଛି । ଏହା ବ୍ୟତୀତ ଲାଞ୍ଜିଗଡ଼଼ରେ ଅତ୍ୟାଧୁନିକ ହସପିଟାଲ ଦ୍ୱାରା ସ୍ୱାସ୍ଥ୍ୟ ସେବା ସହାୟତା ପ୍ରଦାନ କରୁଛି । ଗୋଷ୍ଠାରେ ଭ୍ରାମ୍ୟମାଣ ସ୍ୱାସ୍ଥ୍ୟସେବା ଯୋଗାଣଠାରୁ ଆରମ୍ଭ କରି ସଚେତନତା ମୂଳକ କାର୍ଯ୍ୟକ୍ରମ ଜରିଆରେ କୁପୋଷଣ ଓ ମ୍ୟାଲେରିଆର ପ୍ରତିକାର ପାଇଁ ଯତ୍ନ ନିଆଯାଉଛି । ବେଦାନ୍ତ ଆଲୁମିନିୟମ ବ୍ୟବସାୟ ହେଉଛି ବେଦାନ୍ତ ଲିମିଟେଡ଼ର ଏକ ଅଂଶ ଯିଏକି ଭାରତର ଅଗ୍ରଣୀ ଆଲୁମିନିୟମ ନିର୍ମାତା ପ୍ରାୟତଃ ଏହା ଭାରତର ଅର୍ଦ୍ଧେକ ଆଲୁମିନିୟମ ଉତ୍ପାଦନକାରୀ ଓ ଆର୍ଥିକ ବର୍ଷ ୨୨ ରେ ୨.୨୬ ନିୟୁତ ଟନ୍ ଆଲୁମିିନିୟମ ଉତ୍ପାଦନ କରିଥିବା ସଂସ୍ଥା ।

ବେଦାନ୍ତ ଆଲୁମିନିୟମର ର‌୍ୟାଙ୍କ ଡାଓ ଜୋନସ ସସଟାନବିଲିଟି ଇଣ୍ଡେକ୍ସ ୨୦୨୧ରେ ୪ର୍ଥ ର‌୍ୟାଙ୍କ ଧାରୀ ଓ ସ୍ଥାୟୀ ବିକାଶ ଅବଲମ୍ବନକାରୀ ସଂସ୍ଥା । ୨୦୦୭ରେ କଂପାନି ୨ ଏମଟିପିଏ କ୍ଷମତା ଆଲୁମିନିୟମ ରିଫାଇନାରି ଲଂଜିଗଡ଼ରେ ପ୍ରତିଷ୍ଠା କରିଛି ଓ ୯୦ ମେଗାୱାଟ ପାୱାର ପ୍ଲାଂଟ ପରିଚାଳନା କରୁଛି । ବେଦାନ୍ତ ମୂଲ୍ୟଯୁକ୍ତ ଆଲୁମିନିୟମ ଉତ୍ପାଦ ନିର୍ମାଣ କରିବାରେ ଅଗ୍ରଣୀ ଭୂମିକା ନିର୍ବାହ କରିବା ସହ ଔଦ୍ୟୋଗିକ କ୍ଷେତ୍ରରେ ସର୍ବବୃହତ ଜ୍ଞାନକୌଶଳକୁ ଆପଣାଇ ବିଶ୍ୱ ଶ୍ରେଣୀୟ ସ୍ମେଲ୍‌ଟର, ପାୱାର ପ୍ଲାଂଟ ଓ ଆଲୁମିନା ରିଫାଇନାରୀ କାର୍ଯ୍ୟ କରୁଛି । ଏକ ସବୁଜ ଭ ।ବିଷ୍ୟତ ପାଇଁ ମେଟାଲ ଅଫ୍‌ ଦି ଫ୍ୟୁଚର ଭାବରେ ଆଲୁମିନିୟମର ପ୍ରୟୋଗକୁ ପ୍ରସାରିତ କରିବା ପାଇଁ କମ୍ପାନୀ ତାର ଲକ୍ଷ୍ୟ ପୂରଣ କରୁଛି ।