ବାଇକ ଚାଳକଙ୍କୁ ରକ୍ଷା କରିବାକୁ ଯାଇ କାର ହେଲା ଦୁର୍ଘଟଣାର ଶିକାର

ଓଡ଼ିଶା ତାଜା ନ୍ୟୁଜ (୨୦ ଅକ୍ଟୋବର ଗୁରୁବାର ) ବୈପାରିଗୁଡା :-  ବିନା ଡିଏଲ ଥିବା ବାଇକ ଚାଳକଙ୍କୁ ଦୁର୍ଘଟଣାରୁ ରକ୍ଷା କରିବାକୁ ଯାଇ ଜଣେ କାର ଚାଳକ ନିଜେ ଦୁର୍ଘଟଣାର ଶିକାର ହୋଇଥିବାର ଜଣାପଡିଛି । ବୈପାରିଗୁଡା ଥାନା ପକ୍ଷରୁ ବୈପାରିଗୁଡା ଅଂଚଳର ବିଭିନ୍ନ ସ୍ଥାନରେ ପ୍ରତିଦିନ ଯାନବାହାନ ଯାଂଚ ଚାଲିଥିବା ବେଳେ ଯେଉଁ ଦିନ ବୈପାରିଗୁଡା ଥାନା ଅଂଚଳରୁ ବିଫୁଳ ପରିମାଣର ଫେକ୍ ଡ୍ରାଇଭିଂ ଲାଇସେନ୍ସ କାରବାର ଚାଲଇଥିବା କଥା ପଦାକୁ ଆସିଲା ପର ଠାରୁ ଥାନା ଆଇଆଇସି ଅଶ୍ୱିନୀ କୁମାର ପଟ୍ଟନାୟକଙ୍କ ନିର୍ଦ୍ଦେଶ୍ୟ କ୍ରମେ ବୈପାରିଗୁଡା ପୋଲିସ ଯାନବାହାନ ଯାଂଚ କୁ ବହୁ ମାତ୍ରାରେ ଗୁରୁତ ଦେଇ ଗାଡି ଚାଳକଙ୍କ ଠାରୁ ଡ୍ରାଇଭିଂ ଲାଇସେନ୍ସ ଓ ଗାଡିର କାଗଜପତ୍ର ମାଗି ଯାଂଚ କରୁଥିବାର ଦେଖିବାକୁ ମିଳିଛି । ଘଟଣାରୁ ପ୍ରକାଶ ଯେ ବୈପାରିଗୁଡା ପୋଲିସ ରାଂଚି ବିଜୟୱାର୍ଡା ଜାତୀୟ ରାଜପଥ ତଥା ବୈପାରିଗୁଡା ମାଲକାନଗିରି ରାସ୍ତାର ଡାଲଖାଇ ପାଖରେ ଯାନବାହନକ଼ୁ ଅଟକାଇ ଯାଂଚ କରୁଥିଲା ।

ସେହି ସମୟରେ ଏକ ବାଇକ ପୋଲିସକୁ ଦେଖି ରାସ୍ତା ଉପରେ ହିଁ ବାଇକକୁ ବୁଲାଇବା ବେଳେ ମାଲକାନଗିରି ପଟରୁ ଏକ କାର ନଂ ଓଡି ୦୮ ସି ୫୫୫୫ ଜୟପୁର ଯାଉଥିବା ବେଳେ ବାଇକ ଚାଳକଙ୍କୁ ବଂଚାଇବାକୁ ଯାଇ ରାସ୍ତା କଡରେ ଓଲଟି କାର ଦୁର୍ଘଟଣା ଗ୍ରସ୍ତ ହୋଇଛି । ତେବେ ଏହି ଘଟଣାରେ ଉଭୟ ବାଇକ ଓ କାର ଚାଳକଙ୍କୁ ସାମାନ୍ ମାଡ ବାଜିଥିବା ବେଳେ ପୋଲିସ ଘଟଣାସ୍ଥଳରେ ପହଂଚି ଗାଡି ଜବତ କରି ଥାନାରେ ଅଟକ ରଖିଥିବାର ଜଣାପଡିଛି । ପୋଲିସର ଏହି ପରି ଯାଂଚକୁ ଓ ଡ୍ରାଇଭିଂ ଲାଇସେନ୍ସ କୁ ଗୁରୁତ ଦେଉଥିବାରୁ ପୋଲିସର କାର୍ଯ୍ୟାନୁଷ୍ଠାନକୁ ସବୁ ମହଲରେ ସ୍ୱାଂଗତ ମଧ୍ୟ କରାଯାଇଛି । ତେବେ ବଡ ଦୁର୍ଘଟଣାରୁ ରକ୍ଷା ପାଇଛନ୍ତି ବାଇକ ଚାଳକ ।