ହେଲମେଟ ପରିଧାନକୁ ବାଧ୍ୟତାମୂଳକ କରିବା ପାଇଁ ପୋଲିସର ସଚେତନତା

ଓଡ଼ିଶା ତାଜା ନ୍ୟୁଜ (୧୯ ଅକ୍ଟୋବର ବୁଧବାର ) କଳାହାଣ୍ଡି :-  ନର୍ଲା ପୋଲିସ ପକ୍ଷରୁ ହେଲମେଟ ପରିଧାନକୁ କଡାକଡି କରାଯାଇଛି । ଲୋକମାନଙ୍କୁ ସଚେତନତା ସୃଷ୍ଟି କରିବା ପାଇଁ ପ୍ଲା କାର୍ଡ ମାଧ୍ୟମରେ ଜନସଚେତନତା କରାଯାଇଛି । ନର୍ଲା ଆଇଆଇସି ଗଙ୍ଗାଧର ମେହେରଙ୍କ ନେତୃତ୍ବରେ ନର୍ଲା ଏସ୍ଆଇ ଦେବରାଜ ମାଝୀ,ଏଏସ୍ଆଇ ଗଜାନନ ପଟ୍ଟନାୟକ, ଏଏସ୍ଆଇ ଆର ଏନ ନିଶିକା ସହ ଉପସ୍ଥିତ ପୋଲିସ ନର୍ଲା ଚାରିଛକ ଠାରେ ହେଲମେଟ ପରିଧାନ କରି ନ ଥିବା ଗାଡ଼ି ଚାଳକଙ୍କୁ ଅଟକାଇ ହେଲମେଟ ପରିଧାନ କରିବା ପାଇଁ ପ୍ରବର୍ତ୍ତାଇ ଥିଲେ ।

ଏହି କାର୍ଯ୍ୟକ୍ରମରେ ଘଣ୍ଟମାଳ ସରପଞ୍ଚ ଦେବେନ୍ଦ୍ର ସା, ସମାଜସେବୀ ତୀର୍ଥ ବୁଦ୍ଧିଆ ପ୍ରମୁଖ ସହଯୋଗ କରିଥିଲେ । ପୂର୍ବରୁ ନର୍ଲା ପୋଲିସ ପକ୍ଷରୁ ବ୍ୟାପକ ଭାବେ ରୁପ୍ରାରୋଡ, ନର୍ଲା, ବାଲିପଡା, ଛତିକୁଡା ଛକମାନଙ୍କରେ ନିୟମିତ ଭାବେ କଡାକଡି ହେଲମେଟ ଚେକିଂ ହୋଇଛି ।