ଓଡ଼ିଶା ତାଜା ନ୍ୟୁଜ (୧୫ ଅକ୍ଟୋବର ଶନିବାର) ବୈପାରିଗୁଡା :- ରାଜ୍ୟସରକାରୀ ଦୁର୍ଘଟଣାକୁ କମାଇବା କୁ ଯାଇ ଯାନବାହାନ ଯାଂଚକୁ ଗୁରୁତ ଦେଇ ପ୍ରତିଦିନ କେଉଁ କେଉଁ ଠି ନା କେଉଁ ଠି ପୋଲିସ କିମ୍ବା ପରିବହନ ବିଭାଗର କର୍ମଚାରୀ ମାନେ ରାସ୍ତାରେ ଜଗି ଯାନବାହାନ ଯାଂଚ କରୁଥିବା ବେଳେ ଜରିମାନା ଠାରୁ ରକ୍ଷା ପାଇବା ନେଇ ଗାଡି ଚାଳକ ମାନେ ଡିଏଲ କିମ୍ବା ଏଲଏଲ କରୁଥିବା ବେଳେ ସେଗୁଡିକ ସମ୍ପର୍ଣ୍ଣ ଭାବେ ଫେକ୍ ଥିବା ଜାଣି ବୈପାରିଗୁଡା ପୋଲିସ ତଦନ୍ତ ଚଳାଇ ଥିବା ବେଳେ ଏହି ଘଟଣାରେ ଜଣେ ଯୁବକ ଗିରଫ ହୋଇଥିବାର ଜଣାପଡିଛି । ଗତ କିଛି ଦିନ ହେବ ବୈପାରିଗୁଡା ଥାନା ଆଇଆଇସି ଅଶ୍ୱିନୀ କୁମାର ପଟ୍ଟନାୟକଙ୍କ ନେତୃତ୍ୱରେ ଥାନା କର୍ମଚାରୀ ମାନେ ବୈପାରିଗୁଡାର ବିଭିନ୍ନ ସ୍ଥାନରେ ଗାଡିମଟର ଯାଂଚ କରୁଥିବା ବେଳେ ଗାଡି ଚାଳକଙ୍କୁ ତାଙ୍କ ଗାଡିର କାଗଜପତ୍ର ସହିତ ଡ୍ରାଇଭିଂ ଲାଇସେନ୍ସ ମାଗି ଯାଂଚ ମଧ୍ୟ କରୁଥିବା ସମୟରେ ଏକାଧିଂକ ଗାଡି ଚାଳକଙ୍କ ଠାରୁ ଫେକ୍ ଡିଏଲ ଓ ଏଲଏଲ ବାହାରିଥିଲା ।
ତେବେ ଏହି ଘଟଣାକୁ ଥାନା ଅଧିକାରୀ ଶ୍ୱିନୀ କୁମାର ପଟ୍ଟନାୟକ ଗୁରୁତର ଭାବେ ନେଇ ତଦନ୍ତ ଆରମ୍ଭ କରିଥିଲେ । ତଦନ୍ତ କରିବା ସମୟରେ ପୋଲିସ ଏହି ଫେକ୍ ଡିଏଲ ଘଟଣାର ଫର୍ଦ୍ଦାଫାଶ କରି ଜୟପୁର ସଦର ଥାନା ଅନ୍ତର୍ଗତ ବାରିଣୀପୁଟ ଅଂଚଳର ଜଣେ ଯୁବକଙ୍କୁ ଗିରଫ କରିବାରେ ବଡ ସଫଳତା ହାସଲ କରିଛି । ଆଜି ଜୟପୁର ଏସଡିପିଓ ଅରୂପ ଅଭିଷେକ ବେହେରା ବୈପାରିଗୁଡା ଥାନାରେ ଏକ ସାମ୍ବାଦିକ ସମ୍ମିଳନୀ କରି ଘଟଣା ବିଷୟରେ ସମ୍ପର୍ଣ୍ଣ ତଥ୍ୟ ପ୍ରଦାନ କରିଥିଲେ । ଏହା ସହ ମଧ୍ୟ କହିଥିଲେ ଯେ ଜଣ ବ୍ୟକ୍ତିଙ୍କୁ ବାଣିନିପୁଟ ଅଂଚଳର ଜଣେ ଯୁବକ ଡ୍ରାଇଭିଂ ଲାଇସେନ୍ସ କରାଇଦେବା କହି ସେହି ବ୍ୟକ୍ତି ଜଣଙ୍କୁ ଫେ୍କ ଡିଏଲ ପ୍ରଦାନ କରିଥିଲେ ଏବଂ ପରବର୍ତିୀ ସମୟରେ ଜଣାପଡିଥିଲା ଯେ ସେହି ଡିଏଲ ଫେକ୍ ଥିବା ଜାଣି ବୈପାରିଗୁଡା ଥାନାରେ ଲିଖିତ ଅଭିଯୋଗ ମଧ୍ୟ କରିଥିଲେ ।
ବୈପାରିଗୁଡା ପୋଲିସ ଏହି ଏତଲାକୁ ଭିର୍ତି କରି ବାରିଣୀପୁଟ ଗ୍ରାମକୁ ଯାଇ ଯୁବକଙ୍କୁ ଗିରଫ କରିବା ସହିତ ସେଠାରୁ ଲ୍ୟାପଟପ୍, ୨ ଟା ପିଣ୍ଟର, ବହୁ ଗୁରୁତପୂର୍ଣ୍ଣ କାଗଜପତ୍ର, ଫେକ୍ ଡିଏଲ ଏଲଏଲ, ଆଧାର କାର୍ଡ ସହ ବହୁ ଜିନିଷପତ୍ର ଜବତ କରିଛି । ତେବେ ଆଦିବାସୀଙ୍କୁ ଏହି ଯୁବକ ଜଣକ ନିଜକୁ ଆରଟିଓ ଏଜେଣ୍ଠ କହି ବୈପାରିଗୁଡା ଅଂଚଳରେ ବହୁ ସଂଖ୍ୟାକ ଲୋକ ଏହି ଯୁବକର ହାବୁଡରେ ପଡି ହଜାର ହଜାର ଟଙ୍କା ଠକେଇର ଶିକାର ହୋଇଥିବା ବେଳେ ଆଜି ସମସ୍ତ ବୈପାରିଗୁଡା ଥାନାରେ ପହଂଚିଥିବାର ଦେଖିବାକୁ ମିଳିଛି ।
