ଶର୍ମିଷ୍ଠାଙ୍କ ପରେ ଅର୍ଚ୍ଚନା ! ପୋଲିସ୍ ପ୍ରଶାସନର ଦକ୍ଷତା ଉପରେ ପ୍ରଶ୍ନବାଚୀ ..??

ଓଡ଼ିଶା ତାଜା ନ୍ୟୁଜ (୧୦ଅକ୍ଟୋବର,ସୋମବାର) ଭୁବନେଶ୍ୱର :- ଓଡିଶା ସରକାର ନାରୀ ସଶକ୍ତିକରଣକୁ ସୁଦୃଢ କରୁଛନ୍ତି ବୋଲି ଡିଣ୍ଡିମ୍ ପିଟୁଥିବା ବେଳେ,କିଛି ମହିଳା ଏହାର ସୁଯୋଗ ନେଇ ବିଭିନ୍ନ ପ୍ରକାର ଅସାମାଜିକ କାର୍ଯ୍ୟରେ ଲିପ୍ତ ରହି ରାଜ୍ୟ ପ୍ରଶାସନକୁ ସନ୍ଦେହ ଘେରକୁ ଟାଣିନେଉଛନ୍ତି । କିଛି ବର୍ଷ ପୁର୍ବରୁ ଜଣେ ଶିକ୍ଷିତ ମହିଳା ନିଜକୁ ସମାଜ ସେବୀ ବୋଲାଇ ଟିଭି ମିଡିଆ ଦ୍ବାରା ଆଖିଦୃଷ୍ଟିଆ ହେଲା ପରେ, କିଛି ବ୍ୟକ୍ତି ମାନଙ୍କୁ ବ୍ଲାକମେଲ୍ କରି ଲକ୍ଷ ଲକ୍ଷ ଟଙ୍କା ଆଦାୟ କରୁଥିଲେ। ଯେଉଁଠି ଟଙ୍କା ଆଦାୟ କରିବାରେ ବିଫଳ ହେଉଥିଲେ,ତାଙ୍କ ନାମରେ ପୋଲିସ ଥାନାରେ କପୋଳକଳ୍ପିତ ମିଛ ମକଦ୍ଦମା କରି ନିରିହ ଲୋକମାନଙ୍କୁ ଅଯଥାରେ ହଇରାଣ ହରକତ କରୁଥିଲେ ।

ପୋଲିସ୍ ପ୍ରଶାସନ ମଧ୍ୟ ମହିଳା ଜଣଙ୍କ ଓକିଲ ହୋଇଥିବାରୁ,ତାଙ୍କ ଉପରେ ଭରସା କରି ବିନା ତଦନ୍ତରେ ମକଦ୍ଦମା ଋଜ୍ଜୁ କରିଦେଉଥିଲେ । ମହିଳା ସ୍ୱେଚ୍ଛାସେବୀଙ୍କ କଳା କାରନାମାର ଅସଲ ପରିଚୟ ଲୋକ ଲୋଚନକୁ ଆସିବା ପରେ ତାଙ୍କର ପୁରୁଷ ବନ୍ଧୁଙ୍କ ସହିତ ଗତ ୩ – ୪ ବର୍ଷ ହେବ କେଉଁଆଡେ ଉଭାନ ହୋଇଯାଇଛନ୍ତି ଯେ ତାଙ୍କର ପତା ଗତା ମିଳୁନାହିଁ ।

କିଛି ମାସ ତଳେ ଶର୍ମିଷ୍ଠାଙ୍କ ଆବିର୍ଭାବ ହେଲା,ସିଏ ପୁଣି ଜଣେ ଗୁରୁତ୍ୱପୂର୍ଣ୍ଣ ଦାୟିତ୍ୱରେ ଥିବା ( ସୁଚନା ଓ ଲୋକ ସମ୍ପର୍କ ) ପ୍ରଶାସନିକ ଅଧିକାରୀଙ୍କ ସହିତ ମିଶି ବିଭିନ୍ନ ପ୍ରକାର ଅସାମାଜିକ କାର୍ଯ୍ୟ କରିବା ସହିତ ନର ହତ୍ୟାକରିବାକୁ ପଛାଇନଥିଲେ । ଖୋଦ୍ ରାଜ୍ୟ ରାଜଧାନୀ ଭୁବନେଶ୍ଵରରେ ତାଙ୍କର କାୟା ବିସ୍ତାର କରିଥିଲେ ମଧ୍ୟ,ସୁଦୃଢ କମିଶନରେଟ୍ ପୋଲିସ ସେମାନଙ୍କର କଳା କାରନାମାର ସୁରାକ ପାଉନଥିଲା କିପରି ?

ବର୍ତ୍ତମାନ ମଇଦାନ୍ କୁ ଓହ୍ଲାଇଲେ ଅର୍ଚ୍ଚନା ନାଗ,ସିଏବି ରାଜ୍ୟ ରାଜଧାନୀରେ ତାଙ୍କର ବିରାଟ ବୁଢିଆଣୀ ଜାଲ ବିଛାଇ ଦେହ ବ୍ୟବସାୟ ନାମରେ ପୁଞ୍ଜିପତ୍ତି ଅଫିସର, ରାଜନେତା ଏବଂ ବ୍ୟବସାୟୀ ମାନଙ୍କୁ ତାଙ୍କ ଜାଲରେ କୈଦ୍ କରି କୋଟି କୋଟି ଟଙ୍କାର ଅଧିକାରୀଣି ହୋଇଗଲେ । ଏଠାରେ ପ୍ରଶ୍ନ ଉଠୁଛି ଯେ,ରାଜ୍ୟ ସରକାରଙ୍କ ପ୍ରଶାସନିକ ଅଧିକାରୀ ମାନେ କରୁଛନ୍ତି କ’ଣ ? କେବଳ ନିରୀହ ଜନସାଧାରଣଙ୍କୁ ବିଭିନ୍ନ ପ୍ରକାର ମିଛ, ମନଗଢା ମକଦ୍ଦମାରେ ଛନ୍ଦି ବାହାବା ନେଉନାହାନ୍ତି କି ? ରାଜ୍ୟ ସରକାରଙ୍କ ରାଜକୋଷରୁ ବେତନ ନାଁରେ ଲକ୍ଷ ଲକ୍ଷ କୋଟି ଟଙ୍କା ଆତ୍ମସାତ କରୁନାହାନ୍ତି କି ?

ମାୟାବିନୀ ଅର୍ଚ୍ଚନା ନାଗ ଜଣେ ମହିଳାଙ୍କୁ ବ୍ୟବହାର କରି ଜନୈକ ଫିଲ୍ମ ପ୍ରଯୋଜକଙ୍କୁ ବ୍ଲାକ୍ ମେଲ କରୁଥିଲେ। ଫିଲ୍ମ ପ୍ରଯୋଜକଙ୍କ ସହ ମହିଳାଙ୍କ ଅନ୍ତରଙ୍ଗ ମୁହୂର୍ତ୍ତର ନଗ୍ନ ଫଟୋ ଓ ଭିଡିଓକୁ ହାତେଇବା ପରେ ଏହାକୁ ବ୍ୟବାହାର କରି ଟଙ୍କା ଆଦାୟ କରୁଥିଲେ। ଟଙ୍କା ନ ଦେଲେ ବିଭିନ୍ନ ପ୍ରକାର ଧମକ ଚମକ ଦେଉଥିଲେ। ସମ୍ପୃକ୍ତ ଅଭିଯୋଗକାରୀ ମହିଳାଙ୍କ ଏତଲା ଆଧାରରେ ଅର୍ଚ୍ଚନାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଆଜି ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଡିସିପି ପ୍ରତୀକ୍ ସିଂହ।

ସେ ଗଣମାଧ୍ୟମକୁ କହିଛନ୍ତି, ୨ ଅକ୍ଟୋବରରେ ଜଣେ ମହିଳା ପୁଲିସର ଦ୍ୱାରସ୍ଥ ହୋଇଥିଲେ। ସେ ଅର୍ଚ୍ଚନାଙ୍କ ବିରୋଧରେ ଏତଲା ଦେଇଥିଲେ। ଯେଉଁଥିରେ ଜଣାଇଥିଲେ ଯେ, ତାଙ୍କ ସହ ଅର୍ଚ୍ଚନା ବନ୍ଧୁତା ଜରିଆରେ ଘନିଷ୍ଠତା ବଢ଼ାଇବା ପରେ କିଛି ନଗ୍ନ ଫଟୋ ହାତେଇ ନେଇଥିଲେ। ଏହା ଜରିଆରେ ତାଙ୍କୁ ସେ ବ୍ଲାକ୍ ମେଲ କରିଥିଲେ। ବଡ଼ବଡ଼ିଆ ଫିଲ୍ମ ପ୍ରଯୋଜକଙ୍କୁ ଯୋଜନାବଦ୍ଧ ଭାବେ ଫସାଇବା ପରେ ଅନ୍ତରଙ୍ଗ ମୁହୂର୍ତ୍ତର ଫଟୋ ଓ ଭିଡ଼ିଓ ଆଣି ଦେବାକୁ କହୁଥିଲେ। ଏହା ପାଇବା ପରେ ଅର୍ଚ୍ଚନା ଏହା ଜରିଆରେ ବ୍ଲାକ୍ ମେଲ କରି ଟଙ୍କା ମାଗୁଥିଲେ। ଏଭଳି କରିବାକୁ ମନା କଲେ ବିଭିନ୍ନ ପ୍ରକାର ଡର, ଭୟ ଦେଖାଉଥିଲେ। ପୂରା ଯୋଜନାବଦ୍ଧ ଭାବେ ବ୍ଲାକମେଲ କରାଯାଉଥିଲା।

ମହିଳାଙ୍କ ଅଭିଯୋଗ ଆଧାରରେ ଖଣ୍ଡଗିରି ଥାନାରେ ୪୯୬/୨୨ରେ ମାମଲା କରାଯାଇ ତଦନ୍ତ ଆରମ୍ଭ ହୋଇଛି। ଅର୍ଚ୍ଚନାଙ୍କୁ ଗିରଫ କରାଯିବା ପରେ ତାଙ୍କ ଘରକୁ ପୁଲିସ ଯାଇ ମୋବାଇଲ, ଟାବ୍‌ଲେଟ, ଲାପଟପ, ପେନ୍‌ଡ୍ରାଇଭ ପ୍ରଭୃତି ସମସ୍ତ ପ୍ରକାର ବୈଦ୍ୟୁତିକ ଯନ୍ତ୍ରପାତି ଜବତ କରି ଆଣିଛି। ଏହାକୁ ଯାଞ୍ଚ କରାଯାଉଛି। ତାଙ୍କ ପାସ୍ ବୁକ୍ ଓ ଅନ୍ୟାନ୍ୟ ଦସ୍ତାବିଜ୍ ଜବତ କରାଯାଇଛି। ତାଙ୍କୁ ପଚରାଉଚରା ପାଇଁ ରିମାଣ୍ଡରେ ଅଣାଯିବ। ତାଙ୍କ ବ୍ୟାଙ୍କ ଓ ସମ୍ପତ୍ତିର ଯାଞ୍ଚ କରାଯିବ। ବ୍ୟାଙ୍କ କାରବାର, ଫିକ୍ସ ଡିପୋଜିଟ୍ ପ୍ରଭୃତି ବାବଦରେ ତଥ୍ୟ ଦେବାକୁ ଆରବିଆଇକୁ ଚିଠି କରାଯାଇଛି। ତାଙ୍କ ନାମରେ କମ୍ପାନୀ ରହିଛି ନା ନାହିଁ, ଥିଲେ ଏ ବାବଦରେ ତଥ୍ୟ ଦେବାକୁ ରେଜିଷ୍ଟର ଅଫ୍ କମର୍ସକୁ ଚିଠି କରାଯାଇଛି ।

ବିଚାର କରନ୍ତୁ ଓଡିଶାର ସାଢେ ୪ କୋଟିରୁ ଉର୍ଦ୍ଧ୍ବ ସାଧାରଣ ଜନତା ???