<h2><img class="alignnone wp-image-85891" src="https://odishatazanews.com/wp-content/uploads/2022/09/karona-101-1-300x45.jpg" alt="" width="613" height="92" /><span style="color: #993300;"><strong>ହାଇକୋର୍ଟରେ ମାମଲା ଖାରଜ : ବାଜି ମାରିଲେ ସ୍ଥାନୀୟ ବିଧାୟକ</strong></span></h2> <h4><span style="color: #ff0000;"><em><strong>ଓଡ଼ିଶା ତାଜା ନ୍ୟୁଜ (୨୬ ସେପ୍ଟେମ୍ବର ସୋମବାର ) </strong></em></span><strong><span style="color: #ff0000;"><em>ରଣପୁର :-</em> </span>ରଣପୁର ତାରିଆ ସମବାୟ ସମିତି କେଳାଙ୍କାରୀ ଭିନ୍ନ ମୋଡ଼ ନେଇଛି । ଉକ୍ତ ସଂସ୍ଥାର ସଭାପତି ପଦ ହାସଲ ପାଇଁ ସ୍ଥାନୀୟ ବିଜେପି ନେତା ପଦ୍ମଚରଣ ମହାନ୍ତି ବିରୋଧରେ ଅପାତତଃ ପ୍ରମାଣ ମିଳିଛି । ଏହା ଉପରେ ଏବେ ତଦନ୍ତ ଜାରି ରହିବ । ଏନେଇ ହାଇକୋର୍ଟରେ ହୋଇଥିବା ମାମଲାକୁ ଖାରଜ କରିବା ସହ କୋର୍ଟ ରେଜିଷ୍ଟ୍ରର କୋପରିଟିଭ ସୋସାଇଟି ଜରିଆରେ ତଦନ୍ତ କରିବାକୁ ନିର୍ଦେଶ ଦେଇଛନ୍ତି ।</strong></h4> <img class="alignnone wp-image-86534" src="https://odishatazanews.com/wp-content/uploads/2022/09/ranpur-tariya-1-224x300.jpg" alt="" width="829" height="1110" /> <h3> <strong><span style="color: #ff0000;">ଏଇ ଚିଠି ଦେଇଥିଲେ ବିଧାୟକ</span></strong></h3> <h4><strong>ତାରିଆ ସମବାୟ ସମିତିର ସଭାପତି ନିର୍ବାଚନକୁ ଅସିଦ୍ଧ ଘୋଷଣା ପାଇଁ ରଣପୁର ବିଧାୟକ ସତ୍ୟନାରାୟଣ ପ୍ରଧାନ ରାଜ୍ୟ ସରକାରଙ୍କ ମୁଖ୍ୟ ନିର୍ବାଚନ ଅଧିକାରୀ (ଷ୍ଟେଟ କୋଅପରେଟିଭ) ଙ୍କୁ ଲିଖିତ ଭାବେ ଜଣାଇଥିଲେ । ଏଇ ଚିଠି ଦେଇଥିଲେ ବିଧାୟକ ସୋସାଇଟିକୁ ୧୧/୦୭/୨୦୨୨ରେ ଯାଇ ନାହାଁନ୍ତି କି ସଭାପତି ପାଇଁ କୌଣସି ଫର୍ମ କିଣି ନାହାଁନ୍ତି ବା ପ୍ରାର୍ଥୀପତ୍ର ଦାଖଲ କରିନାହାନ୍ତି । ମାତ୍ର ଚଞ୍ଚକତା କରି ଦିନ ଦ୍ୱିପ୍ରହାରରେ ପ୍ରଶାସନ ଆଖିରେ ଆଙ୍ଗୁଠି ଗେଞ୍ଜି ତାରିଆ ସମବାୟ ସମିତିର ସଭାପତି ହୋଇଯାଇଛନ୍ତି । ଏହା ଉପରେ ତଦନ୍ତ ହେଉ ବୋଲି ବିଧାୟକ ଦାବି କରିଥିଲେ ।</strong></h4> <img class="alignnone wp-image-86535" src="https://odishatazanews.com/wp-content/uploads/2022/09/ranpur-tariya-2-226x300.jpg" alt="" width="685" height="909" /> <h3><span style="color: #ff0000;"><strong> <span style="color: #ff0000;"> ତଦନ୍ତ ନିର୍ଦେଶ</span></strong></span></h3> <h4><strong>ତଦନ୍ତ ନିର୍ଦେଶ ତେଣୁ<span style="color: #000000;"> ଇଲେକ୍ସନ କମିଶନ ଇନକ୍ୱାରୀ କରିବା ପାଇଁ DRCS Cum Dristict ଇଲେକ୍ସନ ଅଫିସ ପୁରୀକୁ ନିର୍ଦେଶ ଦେଇଥିଲେ ।</span> ହେଲେ ଅନିୟମିତତା ହୋଇଥିବା ତାରିଆ ସୋସାଇଟି ସଭାପତି ଏହି ଇନକ୍ୱାରୀକୁ ସମ୍ପୂର୍ଣ୍ଣ ବନ୍ଦ କରିଦେବା ପାଇଁ ଓଡିଶା ଉଚ୍ଚ ନ୍ୟାୟାଳୟଙ୍କର ଦ୍ୱାରସ୍ଥ ହୋଇଥିଲେ । ମାତ୍ର ୨୨/୦୯/୨୦୨୨ ତାରିଖରେ ଏହାକୁ କୋର୍ଟ ଖାରଜ କରିଦେଇଛନ୍ତି । ଫଳରେ ବିଧାୟକ ଶ୍ରୀ ପ୍ରଧାନଙ୍କ ବାଜି ମାରି ନେଇଛନ୍ତି । ବିଧାୟକଙ୍କ ପାଇଁ ଆଇନୀଜୀବୀ ରାମକୃଷ୍ଣ ପଟ୍ଟନାୟକ କୋର୍ଟରେ ମାମଲା ସଫଳ ଭାବେ ପରିଚାଳନା କରୁଥିବାରୁ ନିର୍ଣ୍ଣାୟକ ସ୍ଥିତିରେ ଘଟଣା ପହଞ୍ଚିଛି ।</strong></h4> <img class="alignnone wp-image-86529" src="https://odishatazanews.com/wp-content/uploads/2022/09/ODISHA-TAZANEWS-PRESS-jatani.pptx5_.pptx22-Copy-300x69.jpg" alt="" width="613" height="141" /><img class="alignnone wp-image-85838" src="https://odishatazanews.com/wp-content/uploads/2022/09/odisha-taza-news-small-10-11-20-300x111.png" alt="" width="649" height="240" />