କିନ୍ନରଙ୍କୁ ବାହାହେଲା ଗୋଟିଏ ପୁଅର ବାପା

ଓଡ଼ିଶା ତାଜା ନ୍ୟୁଜ (୧୨ ସେପ୍ଟେମ୍ବର ସୋମବାର ) କଳାହାଣ୍ଡି :- କଳାହାଣ୍ଡି ଜିଲ୍ଲା ନର୍ଲା ବ୍ଲକ ଶାନ୍ତପୁର ପଞ୍ଚାୟତ ଧ୍ରୁକୁଟି ଗ୍ରାମର ଫକୀର ନିଆଲ (୨୮ ବର୍ଷ ) ବ୍ୟକ୍ତି ଗୋଟିଏ ସନ୍ତାନର ବାପା ହୋଇ ଥିବା ବେଳେ ଭବାନୀପାଟଣା ସଦର ବ୍ଲକ ଅନ୍ତର୍ଗତ ଦାଦପୁର ବାସିନ୍ଦା ସଙ୍ଗୀତା କିନ୍ନରଙ୍କୁ ମନ ଦେଇଥିଲେ । ଦୀର୍ଘ ଏକ ବର୍ଷ ଧରି ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା ।

ସଙ୍ଗୀତା କିନ୍ନରଙ୍କୁ ବିବାହ କରିବା ପାଇଁ ନିଜର ବିବାହିତା ସ୍ତ୍ରୀଙ୍କ ପରାମର୍ଶ ନେଇଥିଲା । ଏଥିରେ ତିନି ଜଣଙ୍କ ସହମତି ହେବା ଫଳରେ ସେବାକାରୀ କିନ୍ନର ସଂଘ ସଭାପତି କାମିନୀ କିନ୍ନରଙ୍କ ସହଯୋଗରେ ଶନିବାର ଦିନ ନର୍ଲାରୋଡ ସ୍ଥିତ ମା ବହୁଚରା ମାତା ନିକଟରେ ବିବାହ ହୋଇଥିଲା । ଏହି ବିବାହ ଉତ୍ସବରେ ଅନେକ ଅଞ୍ଚଳରୁ ଆସିଥିବା କିନ୍ନର ମାନେ ଯୋଗ ଦେଇଥବା ବେଳେ ଫକୀରଙ୍କ ସ୍ତ୍ରୀ ଓ ପାଞ୍ଚ ବର୍ଷର ପୁଅ ଉପସ୍ଥିତି ଥିଲେ ।