<h4><span style="color: #ff0000;"><em><strong>ଓଡ଼ିଶା ତାଜା ନ୍ୟୁଜ (</strong><strong>୨୮ ଅଗଷ୍ଟ ରବିବାର </strong><strong>) </strong></em></span><strong><span style="color: #ff0000;"><em>ବାଲିଗୁଡା :-</em> </span>ଦକ୍ଷିଣ ଓଡିଶାର ପ୍ରସିଦ୍ଧ ଲୋକ ନାଟକ ପାଇଁ ଜୋରସୋର ରେ ଚାଲିଛି ଆଖଡ଼ା l ବର୍ତ୍ତମାନ ଆଧୁନିକ ଯୁଗ ସ୍ପର୍ଶ କରୁଥିବା ବେଳେ ଧୀରେ ଧୀରେ ପୁରାତନ ସଂସ୍କୃତି ପରମ୍ପରା ବିଲୁପ୍ତ ହେବାକୁ ଯାଉଛି,ଏହି ସମୟରେ ବିଲୁପ୍ତ ପ୍ରାୟ ପ୍ରସିଦ୍ଧ ଲୋକ ନାଟକ ଗୁଡିକ ମଧ୍ୟରେ ରାଧାପ୍ରେମ ଲୀଳା ର ବିଲୋପ ଘଟିବାକୁ ଯାଉଥିବା ବେଳେ କନ୍ଧମାଳ ର ମାଆ ପାଟଖଣ୍ଡା ଲୋକ ନାଟକ ସଂଘ ବାଲିଗୁଡା ତରଫରୁ କଳା ସଂସ୍କୃତି କୁ ବଞ୍ଚାଇ ରଖିବାକୁ ପ୍ରୟାସ ଜାରି ରଖିଛି l</strong></h4> <h4><img class="alignnone wp-image-84870" src="https://odishatazanews.com/wp-content/uploads/2022/08/kanadhamal-14-300x185.jpg" alt="" width="606" height="374" /><strong>ଅନୁଷ୍ଠାନ ର ଶିଶୁ କଳାକାର ମାନଙ୍କୁ ନେଇ କନ୍ଧମାଳ ରେ ପ୍ରଥମଥର ପାଇଁ ଏହି ସଂଘ ତରଫରୁ ନାଟକ ମଞ୍ଚସ୍ଥ ପାଇଁ ପ୍ରକ୍ରିୟା ଚାଲିଥିବାରୁ ବାଲିଗୁଡା ବାସୀ ଖୁସି ପ୍ରକଟ କରିଛନ୍ତି l ଅନୁଷ୍ଠାନ ର ସଭାପତି ଲଳିତ ପାତ୍ର, ଅଧିକାରୀ ପ୍ରମୋଦ କୁମାର ଦଣ୍ଡସେନା, ସମ୍ପାଦକ ପ୍ରକାଶ ଚନ୍ଦ୍ର ସାହୁ, କୋଷାଧକ୍ଷ ସଚ୍ଚିଦାନନ୍ଦ ପାତ୍ର, ଯୁଧିଷ୍ଠିର ପାତ୍ର ପୁରସ୍ତମ ପାତ୍ର, ପୁରସ୍ତମ ନାୟକ, </strong></h4> <h4><img class="alignnone wp-image-84869" src="https://odishatazanews.com/wp-content/uploads/2022/08/kanadhamal-13-300x165.jpg" alt="" width="620" height="341" /><strong>ବିଜୟ ଅମାୟତ ଙ୍କ ନେତୃତ୍ୱ ରେ ବାଲିଗୁଡା ନୂଆସାହି ଗ୍ରାମବାସୀ ଙ୍କ ସହଯୋଗ ରେ ଆଗାମୀ ଦୁର୍ଗାପୂଜା ରେ ନାଟକ ମଞ୍ଚସ୍ଥ ର ଶୁଭଆରମ୍ଭ ହେବାକୁ ମଧ୍ୟ ସଂଘ ପକ୍ଷରୁ ନିଷ୍ପତ୍ତି ନିଆଯାଇଛି l ଗଞ୍ଜାମ ଜିଲ୍ଲା ପୋଡାମାରି ଅଂଚଳର ଅଭିମନ୍ୟୁ ବେହେରା ଏହି ନାଟକ ର ସମ୍ପୂର୍ଣ୍ଣ ନିର୍ଦେଶନା ଦାୟିତ୍ୱ ନେଇଥିବା ଜଣାପଡିଛି l</strong></h4> <img class="alignnone wp-image-83937" src="https://odishatazanews.com/wp-content/uploads/2022/08/ODISHA-TAZANEWS-PRESS.pptx1_.pptx4-Copy-1-300x69.jpg" alt="" width="609" height="140" /> <img class="alignnone wp-image-83853" src="https://odishatazanews.com/wp-content/uploads/2022/08/ranpur-55-1-300x111.jpg" alt="" width="676" height="250" />