ବ୍ଲକ ସ୍ତରୀୟ କ୍ରୀଡା ଶିକ୍ଷକ ସମ୍ମିଳନୀ

ଓଡ଼ିଶା ତାଜା ନ୍ୟୁଜ (୨୨ ଅଗଷ୍ଟ ସୋମବାର ) ବିଜେପୁର : – ବରଗଡ଼ ଜିଲ୍ଲା ବିଜେପୁର ବ୍ଲକ ପୁଞ୍ଜିପଥର ହାଇସ୍କୁଲ ଠାରେ ବ୍ଲକ ସ୍ତରୀୟ କ୍ରୀଡା ଶିକ୍ଷକ ସମ୍ମିଳନୀ ଆଜି ଅନୁଷ୍ଠିତ ହୋଇଯାଇଛି। ସ୍କୁଲର ପ୍ରଧାନ ଶିକ୍ଷକ ଚୂଡାମଣି ବଢେଇଙ୍କ ଅଧ୍ଯକ୍ଷତାରେ ସାଧାରଣ ସଭା ଅନୁଷ୍ଠିତ ହୋଇଥିଲା। ଗୋଷ୍ଠୀ ଶିକ୍ଷା ଅଧିକାରୀ ସୁରେଶ କୁମାର ରାଉତରାୟ ମୁଖ୍ଯ ଅତିଥି, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ସୁଶାନ୍ତ କୁମାର ପାଣ୍ଡେ, କ୍ରାଡା ଶିକ୍ଷକ ସଂଘର ସଭାପତି ସଚିଦାନନ୍ଦ ପଧାନ, ପୂର୍ବତନ ବ୍ଲକ ସଂପାଦକ ସୁରେନ୍ଦ୍ର ମୋହନ ପଧାନ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଥିଲେ।

ଚଳିତ ବର୍ଷ ପାଇଁ ବାର୍ଷିକ କ୍ୟାଲେଣ୍ଡର ତଥା ବ୍ଲକ ସ୍ତରୀୟ କ୍ରୀଡା ପାଇଁ ସ୍ଥାନ ଚୟନ କରାଯାଇଥିଲା। ଦିବଂଗତ ମହବେରନା ହାଇସ୍କୁଲର କ୍ରୀଡା ଶିକ୍ଷକ ଦେବାନନ୍ଦ ସାହୁଙ୍କ ଉଦ୍ଦେଶ୍ଯରେ ଦୁଇ ମିନିଟ୍ ପ୍ରାର୍ଥନା କରାଯାଇଥିଲା। ସ୍କୁଲର ଛାତ୍ରୀମାନେ ପ୍ରାରମ୍ଭିକ ସଂଗୀତ ଗାନ କରିଥିଲେ। ବ୍ଲକ ସଂପାଦକ ବିଶିକେଶନ ମେହେର ବାର୍ଷିକ ବିବରଣୀ ପାଠ କରିଥିବା ବେଳେ ଫକୀର ମୋହନ ସାହୁ ଅତିଥି ପରିଚୟ ପ୍ରଦାନ କରିଥିଲେ। କ୍ରୀଡା ଶିକ୍ଷକ ସରୋଜ କୁମାର ପୁରୋହିତ ସଭା କୁ ପରିଚୂ କରିଥିଲେ। ଏଥିରେ ବ୍ଲକ ଅନ୍ତର୍ଗତ ବିଭିନ୍ନ ବିଦ୍ୟାଳୟରୁ ୨୮ଜଣ କ୍ରୀଡା ଶିକ୍ଷକ ଶିକ୍ଷୟିତ୍ରୀ ଯୋଗଦାନ କରିଥିଲେ। ଶେଷରେବାଳକୃଷ୍ଣ ପୋଢ ଧନ୍ଯବାଦ ଅର୍ପଣ କରିଥିଲେ।