କଳାହାଣ୍ଡି ପୋଲିସକୁ ବଡ ସଫଳତା , ୧୦ ଡକାୟତକୁ ଗିରଫ ୬ ଲକ୍ଷ ୩୫ ହଜାର ଟଙ୍କା ସହ ସୁନାଗହଣା ଓ ମାରଣାସ୍ତ୍ର ଜବତ

ଓଡ଼ିଶା ତାଜା ନ୍ୟୁଜ (୯ ଅଗଷ୍ଟ ମଙ୍ଗଳବାର ) କଳାହାଣ୍ଡି :- କଳାହାଣ୍ଡି ପୋଲିସକୁ ମିଳିଲା ବଡ ସଫଳତା । ଗତ କିଛିଦିନ ହେଲା ଜିଲ୍ଲାରେ ଚୋରି ଡକାୟତି ଓ ଲୁଟ ତରାଜ କରି ଆତଙ୍କ ଖେଳାଇ ଥିଲେ । ଜିଲ୍ଲାର ଧର୍ମଗଡ ସବଡିଭିଜନ ଅଞ୍ଚଳର ଗୋଲାମୁଣ୍ଡା,ଧର୍ମଗଡ, କୋକସରା,ଜୟପାଟଣା ଓ ଆମପାଣି ଅଞ୍ଚଳରେ ଲୋକଙ୍କ ଘରେ ପଶି ବିଭିନ୍ନ ମାରଣାସ୍ତ୍ର ଦେଖାଇ ଚୋରି ଓ ଡକାୟତି କରିଥିଲେ । ପ୍ରକାଶ ଯେ ପଡ଼ୋଶୀ ନବରଙ୍ଗପୁର ଜିଲ୍ଲା ଓ କଳାହାଣ୍ଡି ଜିଲ୍ଲାର ବିଭିନ୍ନ ଅଞ୍ଚଳର ୧୦ ଜଣ ଡକାୟତ ଏହି ଚୋରି ଡ଼କାୟତିରେ ସାମିଲ ଥିବା ବେଳେ ଗୋଲାମୁଣ୍ଡା ,

ଧର୍ମଗଡ, ଆମପାଣି , କୋକସରା ଓ ଜୟପାଟଣା ଥାନାରେ ଚୋରି ହୋଇଥିବା ମାମଲା ଦାୟର ହୋଇଥିଲା । ପୋଲିସ ଏହାର ତଦନ୍ତ କରି ଏହି ଘଟଣାରେ ୧୦ ଜଣ ସାମିଲ ଥିବାରୁ ଏହି ଡକାୟତ ମାନଙ୍କୁ ଗିରଫ କରିଛି ପୋଲିସ । ଏହି ଡକାୟତ ମାନଙ୍କ ନିକଟରୁ ବିଭିନ୍ନ ଅଞ୍ଚଳରୁ ଚୋରି କରିଥିବା ୬ ଲକ୍ଷ ୩୫ ହଜାର ୮୨୫ ଟଙ୍କା , ୫ ଗୋଟି ମୋଟରସାଇକେଲ, ୧୧ଟି ମୋବାଇଲ ଫୋନ, ୪୦.୩୯୨ ଗ୍ରାମ ସୁନା , ୪୪୭.୭୪୦ ଗ୍ରାମ ରୁପା , ଏଟିଏମ୍ କାର୍ଡ , ପାସବୁକ ସହ ବିଭିନ୍ନ ମାରଣାସ୍ତ୍ର ଜବତ କରିଥିବା ବେଳେ ଏହି ଘଟଣାରେ ଆଉ କେହି ସମ୍ପୃକ୍ତ ଅଛନ୍ତି ତାହା ତଦନ୍ତ ଚାଲୁ ରହିଥିବା ଆୟୋଜିତ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି କଳାହାଣ୍ଡି ଏସପି ଅଭିଳାଷ ଜି ।