ଖାଦ୍ୟ : ଗହମ ପରେ ଏବେ ଚାଉଳ କରିପାରେ ହଇରାଣ

ଖାଦ୍ୟ ସଙ୍କଟ ମଧ୍ୟରେ ଧାନର ଉତ୍ପାଦନ ହ୍ରାସ ଘଟିବା ଏକ ବଡ ସମସ୍ୟା ସୃଷ୍ଟି କରିପାରେ । କମ ବର୍ଷା କାରଣରୁ ଏଥର ଧାନ ଫସଲରେ ୧୩ ପ୍ରତିଶତ କମ ଦେଖିବାକୁ ମିଳିଛି ।

ଓଡ଼ିଶା ତାଜା ନ୍ୟୁଜ (୬ ଅଗଷ୍ଟ ଶନିବାର) ଭୁବନେଶ୍ୱର :- ଏଥର ଅନିୟମିତ ବର୍ଷା କାରଣରୁ ଧାନ ଚାଷ ପ୍ରଭାବିତ ହୋଇଛି । ଏଥିରେ ଧାନ ଉତ୍ପାଦନ କମ ହେବାର ଆଶଙ୍କା ଦେଖା ଦେଇଛି । ଗହମ ରପ୍ତାନୀ ଉପରେ ଭାରତ ସରକାରଙ୍କ ରୋକ୍ ପରେ ଦୁନିଆର ବଡ ଭାଗରେ ଖାଦ୍ୟ ସଙ୍କଟ ଦେଖିବାକୁ ମିଳିଛି । ଏବେ ଚାଉଳକୁ ନେଇ ମଧ୍ୟ ଦୁନିଆକୁ ବଡ ଆହ୍ଵାନର ସାମ୍ନା କରିବାକୁ ପଡିପାରେ । ଭାରତ ଦୁନିଆର ସବୁଠୁ ବଡ ଚାଉଳ ରପ୍ତାନକାରୀ ଦେଶ । ଏଥର ଅନିୟମିତ ବର୍ଷା କାରଣରୁ ଧାନ ଚାଷ ପ୍ରଭାବିତ ହୋଇଛି । ଏଥିରେ ଧାନ ଉତ୍ପାଦନ କମ ହେବାର ଆଶଙ୍କା ଦେଖା ଦେଇଛି ।

ଦରବୃଦ୍ଧି ଏବଂ ଖାଦ୍ୟ ସଙ୍କଟ ମଧ୍ୟରେ ଧାନର ଉତ୍ପାଦନ ହ୍ରାସ ଘଟିବା ଏକ ବଡ ସମସ୍ୟା ସୃଷ୍ଟି କରିପାରେ । କମ ବର୍ଷା କାରଣରୁ ଏଥର ଧାନ ଫସଲରେ ୧୩ ପ୍ରତିଶତ କମ ଦେଖିବାକୁ ମିଳିଛି । ଦେଶର ମୋଟ୍ ଉତ୍ପାଦନର ଏକ ଚତୁର୍ଥାଂଶ ଧାନ ଚାଷ ପଶ୍ଚିମବଙ୍ଗ ଏବଂ ଉତ୍ତର ପ୍ରଦେଶରେ ହୋଇଥାଏ । ଏଥର ଏହି ଦୁଇ ରାଜ୍ୟରେ ଧାନବୁଣା କମ ହୋଇଛି ।

ବ୍ୟବସାୟୀଙ୍କୁ ଏହି ଚିନ୍ତା ଘାରୁଛି ଯେ, ଧାନର କମ ଉତ୍ପାଦନ ଦରବୃଦ୍ଧି ଆହୁରି ବଢାଇବା ସହିତ ରପ୍ତାନୀରେ ପ୍ରଭାବ ପକାଇପାରେ । ଏମିତି ହେଲେ ଭାରତ ପ୍ରଥମେ ଦେଶ ଭିତରେ ଖାଦ୍ୟ ସୁନିଶ୍ଚିତ କରିବ । ଅନ୍ୟପଟେ ଭାରତ ସମଗ୍ର ଦୁନିଆରେ ୪୦ ପ୍ରତିଶତ ଚାଉଳ ରପ୍ତାନୀ କରିଥାଏ। ଏମିତି ହେଲେ ଅନେକ ଦେଶରେ ମଧ୍ୟ ଖାଦ୍ୟ ସଙ୍କଟ ସୃଷ୍ଟି ହୋଇପାରେ, ବିଶେଷ କରି ଯେଉଁମାନେ ଭାରତ ଉପରେ ନିର୍ଭରଶୀଳ । ଭାରତ ଗହମ ଏବଂ ଆଖୁ ଉପରେ ପୂର୍ବରୁ ରୋକ୍ ଲଗାଇ ସାରିଛି ।

ସୂଚନା ମୁତାବକ, ଚାଉଳର କିଛି କିଷମର ମୂଲ୍ୟ ବଢି ସାରିଛି । ପଶ୍ଚିମବଙ୍ଗ, ଓଡିଶା ଏବଂ ଛତିଶଗଡରେ କମ ବର୍ଷା କାରଣରୁ ବାଂଲାଦେଶରେ ଚାଉଳର ଚାହିଦା ବଢି ଯାଇଛି । ଏହାର ରପ୍ତାନୀ ମୂଲ୍ୟ ବଢି ଟନ୍ ପିଛା ୪୦୦ ଡଲାରରେ ପହଞ୍ଚିଛି । ଯାହା ଦୁଇ ମାସ ପୂର୍ବେ ଟନ୍ ପିଛା ୩୬୫ ଡଲାର ଥିଲା ।