ୟୁନିଟ୍-୨ ସରକାରୀ ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ଆଲୁମିନି ଆସୋସିଏସନ୍ ପକ୍ଷରୁ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଶୁଭେଚ୍ଛା ଓ ଅଭିନନ୍ଦନ ସଭା

ଓଡ଼ିଶା ତାଜା ନ୍ୟୁଜ (୨୭ ଜୁଲାଇ ବୁଧବାର) ଭୁବନେଶ୍ୱର :- ଭୁବନେଶ୍ୱର ୟୁନିଟ୍ -୨ ସରକାରୀ ଉଚ୍ଚ ବିଦ୍ୟାଳୟ ଯାହା ପୂର୍ବରୁ ବାଳିକା ବିଦ୍ୟାଳୟ ଭାବରେ ନାମିତ ଥିଲା । ସେଠାରେ ଏବେ ର ମହାମହିମ ରାଷ୍ଟ୍ରପତି ଡ. ଶ୍ରୀମତୀ ଦ୍ରୌପଦୀ ମୁର୍ମୁ ବାଲ୍ୟଶିକ୍ଷା ସମାପନ କରିଥିଲେ । ଭାରତର ରାଷ୍ଟ୍ରପତି ହେବାପରେ ଏହି ସ୍କୁଲର ଆଲୁମିନି ଆସୋସିଏସନ୍ ପକ୍ଷରୁ ଆଜି ୨୭ ଜୁଲାଇ ୨୦୨୨ ମଧ୍ୟାହ୍ନରେ ସ୍କୁଲ ପ୍ରାଙ୍ଗଣରେ ଶୁଭେଚ୍ଛା ଓ ଅଭିନନ୍ଦନର ସଭା ଆୟୋଜନ କରାଯାଇଥିଲା ।

ସଭାରେ ଆଲୁମିନି ର ସଭାପତି ଅନୀଲ ପ୍ରସାଦ ମିଶ୍ର ସଭାକାର୍ଯ୍ୟ ପରିଚାଳନା କରିଥିଲେ । ସ୍କୁଲ ର ପ୍ରଧାନ ଶିକ୍ଷୟତ୍ରୀ ନମିତା ପଟ୍ଟନାୟକ ଓ ଆଲୁମିନି ଆସୋସିଏସନ୍ ର ସେକ୍ରେଟାରୀ ସୁଚିତ୍ରା ସାମଲ ମଂଚାସିନ ଥିଲେ । ଶହେ ରୁ ଅଧିକ ଆଲୁମିନିଙ୍କ ସହିତ ଚାରିଶହ ଛାତ୍ରଛାତ୍ରୀ ଏହି ସଭାରେ ଉପସ୍ଥିତ ଥିଲେ । ୧୯୭୪ ବ୍ୟାଚ ର ଆଲୁମିନିମାନେ ଯେଉଁମାନେ ମହାମହିମ ରାଷ୍ଟ୍ରପତି ଦ୍ରୌପଦୀଙ୍କ ସହପାଠିନୀ ଥିଲେ ତାଙ୍କ ସହିତ ଅନ୍ୟମାନେ ସାମିଲ ହୋଇ ନୃତ୍ୟଗୀତରେ ମଜ୍ଜି ରହିଥିଲେ ।

ସଭାରେ ଉପସ୍ଥିତ ଥିବା ତାଙ୍କ ବାନ୍ଧବୀ ସଂଯୁକ୍ତା ମାଝୀ ଯିଏକି ରାଷ୍ଟ୍ରପତିଙ୍କ ଶପଥ ପାଠରେ ଉପସ୍ଥିତ ଥିଲେ ତାଙ୍କ ଅନୁଭୂତି ପ୍ରକାଶ କରିବା ସହିତ ବାନ୍ଧବୀ ସୁଚିତ୍ରା ସାମଲଙ୍କୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ କଲ୍ କରିବା ନେଇ ଆଲୋଚନା ହୋଇଥିଲା । ୧୯୭୪ ବ୍ୟାଚ ପକ୍ଷରୁ ମିଷ୍ଟାନ୍ନ ବଂଟନ କରାଯାଇଥିଲା । ଶେଷରେ ସ୍କୁଲର ଶିକ୍ଷୟତ୍ରୀ ସ୍ମିତା ମାଡ୍ୟାମ୍ ଧନ୍ୟବାଦ ଅର୍ପଣ କରିଥିଲେ ।