ନର୍ଲାରେ ନୂତନ ଗୋଷ୍ଠୀ ଉନ୍ନୟନ ଅଧିକାରୀଙ୍କ ଦାୟିତ୍ୱଗ୍ରହଣ

ଓଡ଼ିଶା ତାଜା ନ୍ୟୁଜ (୨୫ ଜୁଲାଇ ସୋମବାର) କଳାହାଣ୍ଡି :- ନର୍ଲା ବ୍ଲକରେ ନୂତନ ବିଡ଼ିଓ ଭାବେ ବାସନ୍ତୀ ସେଠୀ ଦାୟିତ୍ୱ ଗ୍ରହଣ କରିଛନ୍ତି । ତାଙ୍କୁ ନର୍ଲା ବ୍ଲକ ଅଧ୍ୟକ୍ଷା ମନୋରମା ମହାନ୍ତି , ବ୍ଲକ ଉପାଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି, ଏବିଡ଼ିଓ ଦେବେନ୍ଦ୍ର ସାମଲ, ସମସ୍ତ ଯନ୍ତ୍ରୀ, ପିଇଓ ଓ ଅନ୍ୟାନ୍ୟ କର୍ମଚାରୀ ମାନେ ନୂଆ ବିଡ଼ିଓଙ୍କୁ ବ୍ଲକରେ ପୁଷ୍ପଗୁଚ୍ଛ ଦେଇ ଭବ୍ୟସ୍ୱାଗତ ଜଣାଇଥିଲେ । ଏହାପରେ ଅଳ୍ପ ସମୟର ଏକ ବୈଠକ ଅନୁଷ୍ଠିତ ହୋଇଥିଲା । ଏଥିରେ ପରିଚୟ ପର୍ବ ମଧ୍ୟ ଅନୁଷ୍ଠିତ ହୋଇଥିଲା ।

ଏଠାରେ ପ୍ରକାଶ ଯୋଗ୍ୟ ଯେ ନର୍ଲାର ବିଡ଼ିଓ ପଦବୀ ଗତ ୨୦୨୧ ଅଗଷ୍ଟ ମାସରୁ ଖାଲି ହୋଇ ପଡ଼ିଥିଲା । ଯୁଧିଷ୍ଠିର ନାଏକ ବିଡ଼ିଓ ଭାବେ ପାଖାପାଖି ଗୋଟିଏ ବର୍ଷ ନର୍ଲାରେ ରହିଲେ । ସେ ୨୦୨୧ ଅଗଷ୍ଟରେ ଅନ୍ୟତ୍ର ଯିବା ପରେ ନର୍ଲା ତହସିଲଦାର ମାନସ ରଞ୍ଜନ ତ୍ରିପାଠୀ ବିଡ଼ିଓ ଦାୟିତ୍ୱରେ ରହି ଉଭୟ ତହସିଲ ଓ ବ୍ଲକ ଅଫିସ କଥା ବୁଝୁଥିଲେ ।

ଗତ ମାସରେ ଗୋଟିଏ ମାସପାଇଁ ତହସିଲଦାର ଶ୍ରୀ ତ୍ରିପାଠୀ ଟ୍ରେନିଂ ପାଇଁ ଭୁବନେଶ୍ୱର ଚାଲିଯିବାରୁ ମ.ରାମପୁର ବିଡ଼ିଓ ନର୍ଲା ଦାୟିତ୍ୱରେ ରହିଥିଲେ । ନୂତନଭାବେ ଯୋଗ ଦେଇଥିବା ବିଡ଼ିଓ ତାଙ୍କ ପ୍ରତିକ୍ରିୟାରେ କହିଥିଲେ କି ବ୍ଲକରେ ହେଉ ଥିବା ବିଭିନ୍ନ ସମସ୍ୟା ଉପରେ ବିଶେଷ ଦୃଷ୍ଟି ଦେବେ l ଏଠାରେ ସୂଚନା ଯୋଗ୍ୟ ବାସନ୍ତୀ ସେଠୀ ଗତ ୧୭/୧୨/୧୯ରିଖରୁ ୨୫/୭/୨୦୨୨ ପର୍ଯ୍ୟନ୍ତ କର୍ଲlମୁଣ୍ଡା ତହସିଲଦାର ଭାବରେ ଦାୟିତ୍ୱ ତୁଲାଇ ଥିଲେ  ।