ସ୍ନାତକ ମହିଳା ମହାବିଦ୍ୟାଳୟରେ ବିଦାୟ ସମ୍ବର୍ଦ୍ଧନା ଉତ୍ସବ

ଓଡ଼ିଶା ତାଜା ନ୍ୟୁଜ୍/୨୦ ଜୁଲାଇ ବୁଧବାର/ବରଗଡ଼ :- ବରପାଲି ସ୍ଥିତ ଜଗବନ୍ଧୁ ଦାଶ ସ୍ନାତକ ମହିଳା ମହାବିଦ୍ୟାଳୟର ଶେଷ ବର୍ଷ ଛାତ୍ରୀଙ୍କ ବିଦାୟ ସମର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷା ପଦ୍ମିନୀ ଦାଶଙ୍କ ଉପସ୍ଥିତିରେ ଅନୁଷ୍ଠିତ ସଭାକୁ ଦ୍ଵିତୀୟ ବର୍ଷର ଛାତ୍ରୀ ବର୍ଷା ମେହେର ପରିଚାଳନା କରିଥିଲେ । ନିମନ୍ତ୍ରିତ ଅତିଥି ମାନଙ୍କ ଦ୍ଵାରା ଦ୍ଵୀପ ପ୍ରଜ୍ବଳନ ହେବା ପରେ ଛାତ୍ରୀ ମାନେ ପ୍ରାରମ୍ଭିକ ସଙ୍ଗୀତ ଗାନ କରାଥିଲେ । ସମ୍ମନିତ ଅତିଥି ଭାବେ ମହାବିଦ୍ୟାଳୟ ର ପ୍ରତିଷ୍ଠାତା ଅନ୍ତର୍ଯ୍ୟାମୀ ପଣ୍ଡା ଯୋଗ ଦେଇ ଛାତ୍ରୀ ମାନଙ୍କ ଉଜ୍ବଳ ଭବିଷ୍ୟତ ଗଠନ କରିବାକୁ ପରାମର୍ଶ ଦେଇଥିଲେ । ମୁଖ୍ୟ ଅତିଥି ଭାବେ ହିରାଲାଲ ସାହୁ,ଦେବେନ୍ଦ୍ର ସାହୁ, ନିର୍ମଳ ନାୟକ ଯୋଗ ଦେଇ ଛାତ୍ରୀ ମାନଙ୍କୁ ନିଜର ଅଭିବ୍ୟକ୍ତି ପ୍ରଦାନ କରିଥିଲେ ।

ଶେଷରେ ଛାତ୍ରୀ ପ୍ରଜ୍ଞାପରମିତା ବେହେରାଙ୍କ ଦ୍ଵାରା ଧନ୍ୟବାଦ ଅର୍ପଣ କରାଥିଲେ। ଏ ଅବସରରେ ଆନ୍ତର୍ଜତୀୟ ଅଣ୍ଡର-୧୯ ଫୁଟବଲ୍ ଖେଳାଳୀ ଅନିଶା କୁମ୍ଭାର ଓ ତାଙ୍କର କୋଚ ସମ୍ପୂର୍ଣ୍ଣ କୁମାର ଭୋଇ ଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ସ୍ମୃତି କୁ ସ୍ମରଣୀୟ କରିବା ପାଇଁ ଏନ୍ ଏସ ଏସ ପ୍ରୋଗ୍ରାମ ଅଫିସର ଅଧ୍ୟାପକ ସୁନୀଲ କୁମାର ନନ୍ଦ,ସହଯୋଗୀ ଅଧ୍ୟାପିକା ଅଙ୍କିତା ବାବୁ ଓ ଯୁବ ରେଡକ୍ରସ୍ କାଉନସିଲର ଅଧ୍ୟାପକ ଯତୀନ୍ଦ୍ର କୁମାର ସାହୁ କାଉନସିଲର ଅଧ୍ୟାପିକା ନିଳୀମା ନାୟକ, ପ୍ରୋଗ୍ରାମ ଅଫିସର ସାଗର ପଧାନଙ୍କ ତତ୍ତ୍ବାବଧାନ ରେ ତୃତୀୟ ବର୍ଷ ବିଦାୟୀ ଛାତ୍ରୀମାନେ ଏକ ଶହ ଏକ (୧୦୧)ଚାରା ରୋପଣ କରିଥିଲେ।

ସ୍ନାତକ ମହାବିଦ୍ୟାଳୟର ସମସ୍ତ ଛାତ୍ରୀଙ୍କ ସମେତ ଅଧ୍ୟାପିକା ଜ୍ୟୋତି ସାହୁ, ପିଙ୍କି ବାରିକ,ଅଧ୍ୟାପକ ନୀତେଶ ତାଣ୍ଡି, ନେପାଲ ବିଶ୍ଵାଲ, ଏବଂ ସହକର୍ମୀ ଶଶାଙ୍କ ଶେଖର ପଧାନ, ସାର୍ଥକ ପାଣିଗ୍ରାହୀ, ପ୍ରଦୀପ କୁମାର ମିଶ୍ର, ବିରେନ୍ଦ୍ର ଖଟୁଆ, ନୃପରାଜ ବରିହା, କାଲୁ କୁମ୍ଭାର, ଆନନ୍ଦ ବେହେରା ଏଥିରେ ସହଯୋଗ କରିଥିଲେ ।