<h4><span style="color: #ff0000;"><em><strong>ଓଡ଼ିଶା ତାଜା ନ୍ୟୁଜ୍/୨୦ ଜୁଲାଇ ବୁଧବାର/</strong></em></span><strong><span style="color: #ff0000;"><em>ବୈପାରିଗୁଡା :-</em> </span>ବାଘ ଛାଲ ବିକ୍ରି ପାଇଁ ଚାଲିଥିଲା ଯୋଜନା । ହେଲେ ସବୁ କିଛି ଯୋଜନା ଫେଲ୍ ମାରିଦେଲା । ଏହି ଯୋଜନା ଚାଲିଥିବା ବେଳେ ଚଢାଉ କଲା ରାମଗିରି ବନବିଭାଗର କର୍ମଚାରୀ ମାନେ । ବାଘ ଛାଲ ସହ ଜଣେ ବେପାରୀଙ୍କୁ ଅଟକ ରଖି ଅଧିକ ପଚରାଉଚରା କରୁଛି ବିଭାଗ । ତେବେ ବାହାର ରାଜ୍ୟକୁ ଜଣେ ଦଲାଲ ଚାଲାଣ ପାଇଁ ଅନ୍ୟ ଜଣଙ୍କ ସହ ଡିଲ କରୁଥିବା ସମୟରେ ରାମଗିରି ରେଞ୍ଜର କାର୍ତିକେଶ୍ୱର ଖଣ୍ଡାଇ ଓ ତାଙ୍କ କର୍ମଚାରୀ ମାନେ ଚଢାଉ କରି ଜଣେ ଯୁବକ ଓ ବାଇକ ସହ ବାଘ ଛାଲ ଜବତ କରି ବଡ ସଫଳତା ହାସଲ କରିଛନ୍ତି । </strong></h4> <h4><img class="alignnone wp-image-82119" src="https://odishatazanews.com/wp-content/uploads/2022/07/koraput-2-1-300x225.jpeg" alt="" width="595" height="446" /><strong>ରାମଗିରି ରେଞ୍ଜର ପାଖ ଜଙ୍ଗଲ ରେ ହିଁ ଚଢାଉ କରି ଜବତ ହୋଇଛି ବାଘ ଛାଲ ବୋଲି ଜଣାପଡିଛି । ଖବର ଅନୁଯାୟୀ ଏହି ସ୍ଥାନରେ ବାଘ ଛାଲି ବିକ୍ରି ହେଉଥିବା ନେଇ ରାମଗିରି ବନାଂଚଳକୁ ସୂଚନା ମିଳିଥିଲା । ତେବେ ଘଟଣା ସ୍ଥଳକୁ ବନବିଭାଗ କର୍ମଚାରୀ ମାନେ ଗଲା ବେଳେ ଡିଲ୍ ଚାଲିଥିବା ସ୍ଥାନରୁ ବାଘ ଛାଲି ସହିତ ଦଣ୍ଡାବାଡି ଅଂଚଳର ଗୌଡଗୁଡା ଗ୍ରାମର ମନହର ଗୌଡ ( ୨୦ ) ଗିରଫ କରି ସାଙ୍ଗରେ ଆଣିଥିବା ଜଣାପଡିଛି । </strong></h4> <h4><img class="alignnone wp-image-82118" src="https://odishatazanews.com/wp-content/uploads/2022/07/koraput-1-1-300x181.jpeg" alt="" width="640" height="386" /><strong>ଏହି ଚଢାଉରେ ରାମଗିରି ରେଞ୍ଜ ର ବନାଚଂଳ ଅଧିକାରୀ କାର୍ତିକେଶ୍ୱର ଖଣ୍ଡାଇ, ଫରେଷ୍ଟର ଚୈତନ୍ୟ ତନ୍ତ୍ରୀ , ଗଦାଧର ଚେଧୁରୀ ଓ ଅନ୍ୟ କର୍ମଚାରୀ ମାନଙ୍କୁ ନେଇ ଏକ ଟିମ୍ ଗଠନ କରି ବେପାରୀଙ୍କୁ ଗିରଫ କରିଥିବାର କହିଛନ୍ତି ବନାଚଂଳ ଅଧିକାରୀ କାର୍ତିକେଶ୍ୱର ଖଣ୍ଡାଇ । ଘଟଣାରେ ବନବିଭାଗ ତଦନ୍ତ ଜାରୀ ରଖିଥିବା ବେଳେ ଅନ୍ୟ କେଉଁ ମାନେ ଏହି ଘଟଣାରେ ସାମିଲ ଅଛନ୍ତି ତାଙ୍କୁ ମଧ୍ୟ ଗିରଫ କରାଯିବା ନେଇ ଯୋଜନା ପ୍ରସ୍ତୁତ କରାଯାଇଥିବାର ଜଣାପଡିଛି ।</strong></h4> <h4><img class="alignnone wp-image-81314" src="https://odishatazanews.com/wp-content/uploads/2022/07/koraput-5-300x77.jpg" alt="" width="647" height="166" /></h4>