ଗଜପତି ଜିଲ୍ଲା ମୋହନା ତହସିଲରେ କେତକ ଜନସେବା କେନ୍ଦ୍ରରେ ପ୍ରଦାନ କରାଯାଉଛି ଜାଲ ପ୍ରମାଣ ପତ୍ର – ତଦନ୍ତ ପାଇଁ ଦାବୀ

ଓଡ଼ିଶା ତାଜା ନ୍ୟୁଜ୍/୧୭ ଜୁଲାଇ ରବିବାର /ପାରଳାଖେମୁଣ୍ଡି :- ଗଜପତି ଜିଲ୍ଲା ମୋହନା ଏକ ଦୁର୍ଗମ ପାହାଡ଼ିଆ ଆଦିବାସୀ ଅଧ୍ୟୁଷିତ ଅଞ୍ଚଳଭାବେ ପରିଚିତ ଅଟେ  l  ଏଠାକୁ ବହୁ ଦୂର ଦୁରାନ୍ତରୁ ବିଭିନ୍ନ ସରକାରୀ କାର୍ଯ୍ୟରେ ମୋହନା କୁ ଆସନ୍ତି । ଏହାର ସୁଯୋଗ ନେବା ସହ ଅଶିକ୍ଷିତ ହୋଇଥିବାରୁ କେତକ ଜନସେବା କେନ୍ଦ୍ରର ପରିଚାଳକ ମାନେ ଜାଲ ପ୍ରମାଣ ପତ୍ର ପ୍ରଦାନ କରି ଭଲ ଦୁଇ ପଇସା ରୋଜଗାର କରିବା ଦେଖିବାକୁ ମିଳୁଛି । ମୋହନା ଠାରେ ଥିବା ଏକାଧିକ ଜନସେବା କେନ୍ଦ୍ର ବିଭିନ୍ନ ଅଞ୍ଚଳ ନାମରେ ମୋହନା ଠାରେ ଖୋଲିଥିବା ଅଭିଯୋଗ ହେବା ସହ ଯେଉଁ ମାନଙ୍କର ଯେଉଁ ଗ୍ରାମ ନାମରେ ଅଧିକୃତ ହୋଇଛନ୍ତି ସେହି ଅଂଚଳରେ ଖୋଲିବା ନିମନ୍ତେ ସାଧାରଣରେ ଦାବୀ ହେଉଛି ।

ରାଜ୍ୟ ସରକାର ଲୋକଙ୍କ ନିକଟତର ହେବାକୁ ଏହି ଯୋଜନା କରିଥିଲେ ମଧ୍ୟ ଏହାର ସୁଫଳ ଜନସାଧାରଣ ପାଇବା ବଦଳରେ ଅଧିକୃତ ସେବା କେନ୍ଦ୍ର ମାଲିକ ମାନେ ଏହାର ଫାଇଦା ନେଉଥିବା ଦେଖିବାକୁ ମିଳୁଛି । ଏହା ସହ ମୋହନା ତହସିଲ ଅଂଚଳରେ ଥିବା ଏକ ଜନସେବା କେନ୍ଦ୍ର ଜୈନେକ ଲୋକଙ୍କୁ ଏକ ଜାଲ ପ୍ରମାଣ ପତ୍ର ସ୍ଥାନୀୟ ତହସିଲର ଅତିରିକ୍ତ ତହସିଲଦାର ଙ୍କ ହାତରେ ଲାଗିଛି । ସେ ତାହାକୁ ପୁଙ୍ଖାନୁପୁଙ୍ଖ ତଦନ୍ତ କରୁଥିବା ଜଣାପଡିଛି ।

ଉକ୍ତ ପ୍ରମାଣପତ୍ର ଟି ଆର. ଉଦୟଗିରି ତହସିଲ ଲେଖାଥିବା ବେଳେ ମୋହନା ତହସିଲ ର ଅତିରିକ୍ତ ତହସିଲଦାର ଙ୍କ ଦସ୍ତଖତ ଥାଇ ପ୍ରଦାନ କରାଯାଇଛି । ଏହା ସହ ଉକ୍ତ ପ୍ରମାଣପତ୍ର ରେ ସମ୍ପୂର୍ଣ ଭୁଲ ଥିବା ଜାଣିପାରି ସ୍ଥାନୀୟ ଅତିରିକ୍ତ ତହସିଲଦାର ହିମାଂଶୁ ଭୂଷଣ ପଲାଇ ତଦନ୍ତ କରି ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଅଞ୍ଚଳ ବାସୀ ଅନୁରୋଧ କରିଛନ୍ତି । ଏହା ସହ ସରକାରଙ୍କ ଯୋଜନାକୁ ଚରିତାର୍ଥ କରିବା ସହ ଲୋକଙ୍କ ନିକଟକୁ ଯାଇ ଜନସେବା କେନ୍ଦ୍ର ଯାହାର ଯେଉଁ ଅଞ୍ଚଳ ନାମରେ ଅଛି ସେଠାରେ ଖୋଲିବା ବ୍ୟବସ୍ତା କରିବାକୁ ତହସିଲଦାର ଙ୍କ ନିକଟରେ ଅନୁରୋଧ କରିଛନ୍ତି ଅଞ୍ଚଳ ବାସୀ ।