<h3><img class="alignnone wp-image-81808" src="https://odishatazanews.com/wp-content/uploads/2022/07/koraputu-3-199x300.jpeg" alt="" width="712" height="1073" /><strong><span style="color: #0000ff;"><span style="color: #ff0000;">ସରକାର ଆମ ଦୁଃଖ କେବେ ବୁଝିବେ : ୫ଟି ଙ୍କ ନଜରରେ ପଡୁନି ବୈପାରିଗୁଡ଼ା ବ୍ଲକ୍ ର କିଛି ଦୁର୍ଗମ ଅଞ୍ଚଳ - </span></span></strong><strong><span style="color: #0000ff;">୪ କିଲୋମିଟର ରୋଗୀଙ୍କୁ</span> </strong><strong><span style="color: #0000ff;">ବୁହାହେଉଛନ୍ତି ଖଟିଆରେ</span> </strong></h3> <h4><img class="alignnone wp-image-81806" src="https://odishatazanews.com/wp-content/uploads/2022/07/koraputu-1-1-201x300.jpeg" alt="" width="673" height="1004" /><span style="color: #ff0000;"><em><strong>ଓଡ଼ିଶା ତାଜା ନ୍ୟୁଜ୍/</strong><strong>୧୬ ଜୁଲାଇ ଶନିବାର</strong><strong>/</strong></em></span><strong><span style="color: #ff0000;"><em>ବୈପାରିଗୁଡା :-</em> </span>ରାଜ୍ୟ ସରକାର ଗାଁ ଠାରୁ ସହରର ଦୂରତା କମାଇବା ପାଇଁ କୋଟି କୋଟି ଟଙ୍କା ବ୍ୟୟରେ ନିର୍ମାଣ କରୁଛନ୍ତି ରାସ୍ତା । ହେଲେ ପ୍ରଶାସନର ଆନ୍ତରିକତାର ଅଭାବ ପାଇଁ ସାଧାରଣ ଲୋକେ ହେଉଛନ୍ତି ହନ୍ତସନ୍ତ । ମୁଖ୍ୟ ସଡକରୁ ବିଭିନ୍ନ ଦୁର୍ଗମ ଗ୍ରାମକୁ ଭଲ ପକ୍କାରାସ୍ତା ନଥିବା ବେଳେ ଗ୍ରାମବାସୀ ବାରମ୍ବାର ଗୁହାରି କଲେ ମଧ୍ୟ କେହିଁ ଗୁହାରୀ ଶୁଣିବାକୁ ନାରାଜ । ପାହାଡି ରାସ୍ତା ଏବେ ପାଲଟିଛି ମରଣଯନ୍ତ୍ର । ଗାଁକୁ ଯିବା ପାଇଁ ନାହିଁ ରାସ୍ତା ଅଥବା ଗାଁ ନିକଟରେ ଥିବା ନଦୀ ଉପରେ ନାହିଁ ପୋଲର ବ୍ୟବସ୍ଥା । ତେଣୁ ଗାଁ କୁ ପହଂଚି ପାରି ନାହିଁ ଆମ୍ବୁଲାନ୍ସ କି ଅନ୍ୟ କିଛି ଯାନବାହାନ । ରୋଗ ବୈରାଗ ସମୟରେ ବୈପାରିଗୁଡା ବ୍ଳକର କିଛି ଦୁର୍ଗମ ଅଂଚଳର ଲୋକଙ୍କ ଭରସା କେବଳ ଖଟିଆ । </strong></h4> <h4><img class="alignnone wp-image-81810" src="https://odishatazanews.com/wp-content/uploads/2022/07/koraputu-5-197x300.jpeg" alt="" width="635" height="967" /><strong>ବର୍ଷା ସମୟରେ ଭରା ନଦୀ ଓ ପାହାଡିଆ ରାସ୍ତା ଦେଇ ଖଟିଆରେ ରୋଗୀ ବୁହା ହୋଇ ପାର କରନ୍ତି ଗ୍ରାମବାସୀ । ଏଭଳି ସ୍ଥିତିରେ ଜଣେ ବୃଦ୍ଧଙ୍କ ଯନ୍ତ୍ରଣା ଦେଖିବାକୁ ମିଳିଛି କୋରାପସ୍ୱଙ୍କ ଜିଲ୍ଲା ବୈପାରିଗୁଡା ବ୍ଲକର ଦୁର୍ଗମ ଅଂଚଳ ଭାବେ ପଡି ରହିଥିବା ବୋଦାପୁଟ ପଂଚାୟତର ନୁଆଗୁଡା ଗାଁ ରେ । ଗାଁର ଘନ ଟାକ୍ରି ଙ୍କ ହେଦ ଖରାପ ହେବା ପରେ ଆମ୍ବୁଲାନ୍ତ୍ର ସହ ଯୋଗାଯୋଗ କରିଥିଲେ ପୁଅ ଧନସାଇ । କିନ୍ତୁ ଗାାଁ କୁ ଆମ୍ବୁଲାନ୍ତ୍ର ଯିବା ପାଇଁ ରାସ୍ତା ନଥିବା ବେଳେ ଗାଁ ଠାରୁ ବାହାରିବା ପରେ ନଦୀ ପାହାଡିଆ ରାସ୍ତା ଦେଇ ପ୍ରାୟ ୪ କିଲୋମିଟର ରୋଗୀଙ୍କୁ ଏକ ଖଟିଆରେ ବୋହି ପି.ମାଳିଗୁଡା ଆଣିବା ପରେ ଆମ୍ବୁଲାନ୍ତ୍ର ଯୋଗେ ବୈପାରିଗୁଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପହଂଚାଇ ଥିବାର ଜଣାପଡିଛି । ସୂଚନାଯୋଗ୍ୟ ଯେ ସ୍ୱାଧିନତାର ଦୀର୍ଘ ବର୍ଷ ବିତି ଯାଇଥିଲେ ମଧ୍ୟ ବୈପାରିଗୁଡା ବ୍ଲକର ଅନେକ ଦୁଗର୍ମ ଅଂଚଳ ରହିଛି ଯେଉଁ ଠି କୁ ଗମନା ଗମନ ପାଇଁ ରାସ୍ତା ଅଥବା ପୋଲର ବ୍ୟବସ୍ଥା ନଥିବାରୁ ଲୋକେ ଦୁର୍ବିସହ ଜୀବନ ବିତାନ୍ତି ।</strong></h4> <h4><img class="alignnone wp-image-81809" src="https://odishatazanews.com/wp-content/uploads/2022/07/koraputu-4-206x300.jpeg" alt="" width="693" height="1009" /><strong>ବ୍ଲକ କଥା ଛାଡନ୍ତୁ ପଂଚାୟତ ମୁଖ୍ୟାଳୟକୁ ମଧ୍ୟ ଯୋଗାଯୋଗ ପାଇଁ ରାସ୍ତା ନଥିବାରୁ ଅନେକ ସମୟରେ ଅସୁବିଧାର ସମ୍ମୁଖ୍ୟନ ହେଇଥାନ୍ତି ଦୁର୍ଗମ ଅଂଚଳରେ ବସବାସ କରୁଥିବା ଲୋକେ । ବର୍ଷା ହେଉଥିବା ସମୟରେ କୌଣସି ଲୋକ ରୋଗରେ ଶିକାର ହେଲେ ଅବା କୌଣସି ମହିଳା ଗର୍ତି ଯନ୍ତ୍ରଣାରେ ଛଟପଟ ହେଲେ ଭରସା କେବଳ ଭଗବାନ । ଖଟିଆରେ ଡାକ୍ତରଖାନାକୁ ନିଆଯାଉଥିବା ରୋଗୀ ପୁଣି ଏବେ ବିପଦ ଜନକ ଅବସ୍ଥାରେ ଖଟିଆରେ ବୁହା ହେଇ ୪ କିଲୋମିଟର ରାସ୍ତା ପଥର ,ଜଙ୍ଗଲ ପାର ହେଇ ଯିବାକୁ ପଡୁଥିବା ର ଦୁଃଖ୍ୟ ସବୁ ସମୟରେ ଏହି ଅଂଚଳରେ ଦେଖାଯାଉଥିଲେ ମଧ୍ୟ ଏହାର ପ୍ରତିକାର ବ୍ୟବସ୍ଥା ରାଜ୍ୟ ସରକାର କରୁନଥିବାରୁ ସାଧାରଣରେ ଘୋର ଅସନ୍ତୋଷ ପ୍ରକାଶ ପାଇଛି ।</strong></h4> <h4><img class="alignnone wp-image-81807" src="https://odishatazanews.com/wp-content/uploads/2022/07/koraputu-2-1-300x219.jpeg" alt="" width="701" height="512" /><strong>ବିକାଶର ନାରା ଦେଉଥିବା ସରକାର ଓ ପ୍ରଶାସନ କେବେ ଏହି ଗାଁର ରାସ୍ତା ନିର୍ମାଣ ଉପରେ ଗୁରୁୂତ୍ୱ ଦେବେ ? ତାହା ଦେଖିବାକୁ ବାକି ରହିଲା । ଗ୍ରାମର ରାସ୍ତାକୁ ନେଇ ଗ୍ରାମବାସୀ ଜିଲ୍ଲା ପ୍ରଶାସନ ନିକଟରେ ବାରମ୍ବାର ଲିଖିତ ଓ ମୌଖିକ ଭାବେ ଜଣାଇଲେ ମଧ୍ୟ ସମସ୍ୟାର ସମାଧାନ ହୋଇପାରୁନି । ଯଦ୍ୱାରା ଗ୍ରାମବାସୀ ରାସ୍ତା ସମସ୍ୟା ଯୋଗୁଁ ବିଭିନ୍ନ ସମୟରେ ନାହିଁ ନଥିବା ଅସୁବିଧାର ସମ୍ମୁଖ୍ୟନ ହେଉଛନ୍ତି । ଏଣୁ ଜିଲ୍ଲା ପ୍ରଶାସନ ପକ୍ଷରୁ ଏଥିପ୍ରତି ସ୍ୱତନ୍ତ୍ର ଭାବେ ଦୃଷ୍ଟି ଦେବାକୁ ଅଂଚଳବାସୀଙ୍କ ପକ୍ଷରୁ ଦାବି ହେଉଛି ।</strong></h4> <h4><img class="alignnone wp-image-81314" src="https://odishatazanews.com/wp-content/uploads/2022/07/koraput-5-300x77.jpg" alt="" width="608" height="156" /></h4>