ମାରଣାସ୍ତ୍ର ସହ ୩ଜଣ ଡକାୟତକୁ ଧରିଲା ଅତାବିରା ପୋଲିସ

ଓଡ଼ିଶା ତାଜା ନ୍ୟୁଜ୍/୧୧ ଜୁଲାଇ ସୋମବାର/ବରଗଡ :-  ଅତାବିରା ପୋଲିସ ଜାତୀୟ ରାଜପଥ-୫୩ ସରଣ୍ଡା ଛକରେ ବିଳମ୍ବିତ ରାତିରେ ଡ଼କାୟତି ଉଦ୍ୟମ କରୁଥିବା ବେଳେ ମାରଣାସ୍ତ୍ର ସହ ୩ଜଣ ଡକାୟତ କୁ ଧରିବାରେ ସଫଳ ହୋଇଛି । ବରଗଡ ଏସପି ଙ୍କ ନିର୍ଦ୍ଦେଶନାରେ ଏସଡିପିଓ ଓ ଅତାବିରା ଥାନା ଅଧିକାରୀ ଙ୍କ ନେତୃତ୍ଵରେ ଏକ ସ୍ବତନ୍ତ୍ର ଟିମ ସରଣ୍ଡା ଛକରେ ଚଢଉ କରି ଡ଼କାୟତି ଉଦ୍ୟମ କରୁଥିବା ତିନି ଅଭିଯୁକ୍ତ କୁ ଗିରଫ କରିବା ସହ ତାଙ୍କ ଠାରୁ ଦୁଇଟି ୭.୬୫ଏମଏମ ର ପିସ୍ତଲ,

ଗୋଟିଏ ଭୁଜାଲି, ଗୋଟେ ପ୍ୟାକେଟ ଲଙ୍କା ଗୁଣ୍ଡ, ଦୁଇଟି ମୋବାଇଲ,ନଗଦ ୧୨୭୦ ଟଙ୍କା ଓ ଗୋଟିଏ ଜୁପିଟର୍ ସ୍କୁଟି କୁ ଜବତ କରିଛି । ତିନି ଅଭିଯୁକ୍ତ ମାନେ ହେଲେ ସାଗର ସୁନା , ଆଲୋକ କନ୍ଧ , ଓ ଆଶିଷ କନ୍ଧ ‌। ସମସ୍ତ ଅଭିଯୁକ୍ତ ସମ୍ବଲପୁର ଅଞ୍ଚଳର ବୋଲି ଜଣାପଡିଛି । ଅତାବିରା ଥାନା କେଶ ନମ୍ବର ୨୩୬/୨୦୨୨ ୟୁ/ଏସ ୩୯୯/୪୦୨ ଆଇପିସି ୨୫:ଧାରା ରେ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି।