<h4><img class="alignnone wp-image-81190" src="https://odishatazanews.com/wp-content/uploads/2022/07/koraput-14-300x169.jpeg" alt="" width="660" height="372" /><span style="color: #ff0000;"><em><strong>ଓଡ଼ିଶା ତାଜା ନ୍ୟୁଜ୍/୯ ଜୁଲାଇ ଶନିବାର/</strong></em></span><strong><span style="color: #ff0000;"><em>ବୈପାରିଗୁଡା :-</em></span> ବୈପାରିଗୁଡା ଠାରେ ପବିତ୍ର ବାହୁଡା ଯାତ୍ରା ମହାସମାରୋହରେ ସଂପନ୍ନ ହୋଇଛି । ସକାଳୁ ପ୍ରବଳମାତ୍ରାରେ ବର୍ଷା ଲାଗିରହିଥିବା ବେଳେ ରଥ ଟାଣିବା ସମୟରେ ଝିପି ଝିପି ବର୍ଷା ହେବା ଫଳରେ ବର୍ଷା ଭିଜି ମଧ୍ଯ ଭକ୍ତ ରଥ ଟାଣିଥିବାର ଦେଖିବାକୁ ମିଳିଛି ! ବିରଖମ୍ବ ସାହି ପାଖରେ ମାଉସୀ ମାଁ ଙ୍କ ମନ୍ଦିରରେ ସକାଳେ ମହାପ୍ରଭୁ ଶ୍ରୀଜଗନ୍ନାଥ, ବଡଭାଇ ବଳଭଦ୍ର ଓ ଦେବୀ ସୁଭଦ୍ରାଙ୍କର ବିଭିନ୍ନ ରିତୀନିତୀ ସଂପନ୍ନ କରାଯାଇଥିଲା ।</strong></h4> <h4><img class="alignnone wp-image-81191" src="https://odishatazanews.com/wp-content/uploads/2022/07/koraput-15-300x135.jpeg" alt="" width="673" height="303" /><strong>ମନ୍ଦିରର ମୁଖ୍ୟପୂଜକ ଦୁର୍ଗାପ୍ରସାଦ ତ୍ରିପାଠୀ ଓ ସିମାଂଚଳ ସାହୁଙ୍କ ଦ୍ୱାରା ଠାକୁରଙ୍କ ମଙ୍ଗଳ ଆରତି, ମଇଲମ ସହ ଶ୍ରୀଜୀଉଙ୍କ ସମସ୍ତ ନୀତି ସମ୍ପନ୍ନ ହେବା ପରେ ୧ ଟା ବେଳେ ପହଣ୍ଡିରେ ରଥରେ ବିଜେ କରିଥିଲେ ତିନି ଠାକୁର ! ରଥରେ ମହାପ୍ରଭୁଙ୍କ ସମସ୍ତ ରୀତିନୀତି ସମ୍ପନ୍ନ ହେବା ପରେ ବୈପାରିଗୁଡାର ରାଜା ବାପି ଜଗଦେବ ରଥ ଉପରେ ଠାକୁର ମାନଙ୍କର ଛେରା ପହଁରା କରିବା ପରେ ଅପରାହ୍ନ ୪ ଟାରେ ରଥଟଣା ଆରମ୍ଭ ହୋଇଥିଲା ।</strong></h4> <h4><img class="alignnone wp-image-81187" src="https://odishatazanews.com/wp-content/uploads/2022/07/koraput-11-225x300.jpeg" alt="" width="742" height="989" /><strong>ଘଣ୍ଟ, ଘଣ୍ଟା, କାହାଳୀ, ମୃଦଙ୍ଗ ସାଙ୍ଗକୁ ହରିବୋଲ, ହୁଳହୁଳି ଧ୍ୱନିରେ ବୈପାରିଗୁଡା ବଡଦାଣ୍ଡରେ ରଥଟଣା ପ୍ରକମ୍ପିତ ହୋଇଥିଲା । ଅଧା କିଲୋମିଟର ରାସ୍ତା ଉପରେ ଭକ୍ତ ଓ ଶ୍ରଦ୍ଧାଳୁ ମାନେ ରଥକୁ ପ୍ରବଳ ଉତ୍ସାହ ଓ ଉଦ୍ଦିପନାର ସହ ଟାଣି ନେଇଥିଲେ । ଦୁଇ ବର୍ଷ ପରେ ଭକ୍ତଙ୍କ ଗହଣରେ ରଥଯାତ୍ରା ଓ ବାହୁଡା ଯାତ୍ରା ହେଉଥିବାରୁ ଶାନ୍ତି ଶୃଙ୍ଖଳା ରକ୍ଷା ଓ ଟ୍ରାଫିକ ନିୟନ୍ତ୍ରଣ ପାଇଁ </strong></h4> <h4><img class="alignnone wp-image-81189" src="https://odishatazanews.com/wp-content/uploads/2022/07/koraput-13-300x165.jpeg" alt="" width="689" height="379" /><strong>ବୈପାରିଗୁଡା ତହସିଲଦାର କୈଳାସ ଚନ୍ଦ୍ର ତ୍ରିପାଠୀ ଙ୍କ ନେତୁତ୍ବରେ ବୈପାରିଗୁଡା ପୋଲିସ କର୍ମଚାରୀ ମାନେ ଉପସ୍ଥିତ ଥିବା ବେଳେ ବିଦ୍ୟୁତ ବିଭାଗର କର୍ମଚାରୀ, ବିଭିନ୍ନ ବିଭାଗର କର୍ମଚାରୀ ଙ୍କ ସମେତ ବିଭିନ୍ନ ଅନୁଷ୍ଠାନର କର୍ମକର୍ତ୍ତା ମାନେ ଏଥିରେ ସକ୍ରୀୟ ସହଯୋଗ କରିଥିଲେ ।</strong></h4> <h4><img class="alignnone wp-image-80503" src="https://odishatazanews.com/wp-content/uploads/2022/07/koraput-300x77.jpg" alt="" width="623" height="160" /></h4>