ଓଡ଼ିଶା ତାଜା ନ୍ୟୁଜ୍/୩୦ ଜୁନ ଗୁରୁବାର/ବୈପାରିଗୁଡା :- ନିଜ କାର୍ଯ୍ୟରେ ବ୍ୟସ୍ତ ରହି ମଧ୍ୟ ଅନ୍ୟ ମାନଙ୍କୁ ସେବା ଯୋଗାଇ ଏକ ଉଦାହରଣ ପାଲଟି ଯାଇଛନ୍ତି ଏବଂ ନିଜ କାର୍ଯ୍ୟ କରିବା ସହିତ ଅନ୍ୟ ମାନଙ୍କ ଜୀବନ ବଂଚାଇ ଏକ ନୂତନ ଆଶା ଲୋକଙ୍କୁ ଦେଖାଇଛନ୍ତି ବୈପାରିଗୁଡା ବ୍ଲକର କୃଷି ବିଭାଗରେ କାର୍ଯ୍ୟରତ ଥିବା ଦଣ୍ଡାବାଡି ପଂଚାୟତର ଭିଏଲଡବ୍ଲୁ କାଦ୍ରାକା ଶଙ୍କର ରାଓ । କଥା ଶୁଣିବାକୁ ଆର୍ଶ୍ଚଯ୍ୟ ଲାଗୁଥିଲେ ମଧ୍ୟ ବାସ୍ତବରେ ଲୋକେ ଯାହା କହିଛନ୍ତି ତାହା ଶୁଣିଲେ ସମସ୍ତ ଆର୍ଶ୍ଚଯ୍ୟ ହୋଇ ପଡିବେ । ଦଣ୍ଡାବାଡି ପଂଚାୟତର ପଟକାମୁଣ୍ଡା ଗ୍ରାମର ଜଣେ ବ୍ୟକ୍ତ ତାଙ୍କ ଧାନଖଳାରେ ଧାନ ରଖିଥିଲେ ।
ତେବେ ଧାନଖଳାରୁ ଧାନ ବାହାର କରିବା ପାଇଁ ଯାଉଥିବା ବେଳେ ଧାନଖଳା ମଝିରେ ଏକ ବିରାଟକାୟା ନାଗ ସାପକୁ ଦେଖି ସେହି ବ୍ୟକ୍ତ ଭୟଭିତ ହୋଇପଡିଥିବା ସମୟରେ ଦଣ୍ଡାବାଡି ଭିଏଲଡବ୍ଲୁ କାଦ୍ରାକା ଶଙ୍କର ରାଓ ସେହି ରାସ୍ତା ଦେଇ ନିଜ କାର୍ଯ୍ୟ କରିବା ପାଇଁ ଯାଉଥିଲେ । ଧାନଖଳାରୁ ଉଦ୍ଧାର କରି ନାଗ ସାପକୁ ସ୍ଥାନୀୟ ସଂରକ୍ଷିତ ଜଙ୍ଗଲରେ ଛାଡିଲେ ଦଣ୍ଡାବାଡି ଭିଏଲଡବ୍ଲୁ କାଦ୍ରାକା ଶଙ୍କର ରାଓ ।
ଶ୍ରୀ ଶଙ୍କର ତୁରନ୍ତ ସାପଟିକୁ ସୁରକ୍ଷିତ ଭାବେ ଉଦ୍ଧାର କରିଥିଲେ । ଗତ କିଛି ଦିନ ହେବ ବର୍ଷାର ପ୍ରଭାବ ବଡିଥିବାରୁ ନାଗ ସାପ ସବୁ ଗାତରୁ ବାହାରି ଖାଦ୍ୟ ପାଇଁ କିଛି ସ୍ଥାନ ଭିତରକୁ ପଶିଯାଉଛନ୍ତି । କିଛି ଲୋକ ସାପ ମାନଙ୍କୁ ଧରି ମାରି ଦେଉଥିବା ବେଳେ ଦଣ୍ଡାବାଡି ଭିଏଲଡବ୍ଲୁ କାଦ୍ରାକା ଶଙ୍କର ରାଓ କିନ୍ତୁ ଏସବୁ ନ କରି ସାପକୁ ଉଦ୍ଧାର କରି ସ୍ଥାନୀୟ ସଂରକ୍ଷିତ ଜଙ୍ଗଲରେ ସୁରକ୍ଷିତ ଭାବେ ଛାଡି ଦେଇ ଥିବାର ଦେଖିବାକୁ ମିଳିଛି ।
