ମାଲକାନଗିରିର ଯୁବ ବୈଜ୍ଞାନିକଙ୍କ ହେଲିକ୍ୟାପ୍ଟରରେ ମୃତ୍ୟୁ

ଓଡ଼ିଶା ତାଜା ନ୍ୟୁଜ୍/୨୯ ଜୁନ ବୁଧବାର/ମାଲକାନଗିରି :- ମାଲକାନଗିରି ସଦର ମହକୁମା ସ୍ଥିତ ଏଆରସିଏସ କାର୍ଯ୍ୟାଳୟରେ ବାପା ସୁରେଶ ପାତ୍ର ଷ୍ଟେନୋ ଭାବେ କାମ କରନ୍ତି। ପୁଅ ସତ୍ୟମ୍ବଦା ପାତ୍ର ମାଲକାନଗିରିରେ ନିଜର ପାଠପଢ଼ା ସମାପ୍ତ କରିବା ପରେ ଉଚ୍ଚଶିକ୍ଷା ପାଇଁ ମୁମ୍ବାଇକୁ ଯାଇଥିଲେ । ସେଠାରେ ସେ ଭୁତତ୍ୱବିତ ଶିକ୍ଷା ଗ୍ରହଣ କରିବା ପରେ ଓଏନଜିସିରେ ବୈଜ୍ଞାନିକ ଭାବେ ନିଯୁକ୍ତି ପାଇ କାର୍ଯ୍ୟ କରୁଥିଲେ ।

ଆରବ ସାଗରରେ ରହିଥିବା ଓଏନଜିସିର ଏକ ପ୍ଲାଣ୍ଟକୁ ତଦାରଖ କରିବା ପାଇଁ ଚାର୍ଟର ହେଲିକ୍ୟାପ୍ଟରରେ ଯାଉଥିବାବେଳେ ହେଲିକପ୍ଟରରେ ଯାନ୍ତ୍ରିକ ତ୍ରୁଟି ଅଥବା ଯୋଗାଯୋଗ ବିଛିନ୍ନ ହେବା ଯୋଗୁଁ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଥିଲା । ଏହି ହେଲିକପ୍ଟରରେ ୯ ଜଣ ବସିଥିଲେ । ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ୫ ଜଣ ଉଦ୍ଧର ହୋଇଥିବା ଜଣାପଡିଛି।ପରିବାର ଲୋକେ ଖବର ପାଇ ମୁମ୍ବାଇ ଗସ୍ତ କରିଛନ୍ତି। ଖବର ପ୍ରଚାରିତ ହେବା ପରେ ଜିଲ୍ଲାରେ ଶୋକ ର ଛାୟା ଖେଳି ଯାଇଛି ।