ଚୋରା କାଠ ଚାଲାଣ ମାମଲାରେ : ୭ କାଠ ଗଣ୍ଡି ସହ ୪ ଜଣ ଅଭିଯୁକ୍ତଙ୍କୁ – ଗିରଫ କରିଛି ବନବିଭାଗ

ଓଡ଼ିଶା ତାଜା ନ୍ୟୁଜ୍/୨୦ ଜୁନ ସୋମବାର/ମାଲକାନଗିରି,ପଡ଼ିଆ :-  ମାଲକାନଗିରି ଜିଲ୍ଲା କାଳିମେଳା ଵନାଞ୍ଚଳ ଅଧୀନସ୍ଥ ପଡିଆ ବନବିଭାଗ ପଡିଆ ପଞ୍ଚାୟତ ଅନ୍ତର୍ଗତ ଵଜାଗୁଡା ନିକଟରୁ ଟ୍ରାକ୍ଟର ଯୋଗେ ଚାଲାଣ ହେଉଥିବା ମୂଲ୍ୟବାନ ୭ କାଠଗଣ୍ଡି ଜବତ କରିଛି । ଏଥିରେ ସଂପୃକ୍ତ ୪ ଜଣଙ୍କୁ ଗିରଫ କରାଯାଇଛି । ସେମାନେ ହେଲେ ପଡିଆ ଏମପିଭି ୬୧ ଗ୍ରାମର ମୁଖ୍ୟ ଅଭିଯୁକ୍ତ ତାରକନାଥ ସରକାର, କ୍ରିଷ୍ଣା ସର୍ଦ୍ଦାର,କାଲଦାପାଲ୍ଲୀ ଗ୍ରାମର କହୁଚରଣ ମାଡକାମି ଓ ମୁକା ମାଡ଼ି ।

ଖଵରରୁ ଜଣାପଡିଛି ଯେ, ପଡିଆ ବନ ବିଭାଗ ଵନପାଳ ଶ୍ରୀ ପବିତ୍ର କୁମାର ଦାସ, ବନରକ୍ଷୀ ପପିତା ଆଜମିରା, କାନନ ବିଶ୍ବାସ ଓ ଫାରା ଷ୍ଟାଫ୍ ପେଟ୍ରୋଲଂ କରୁଥିବା ସମୟରେ ଏକ ଟ୍ରାକ୍ଟର କାଠ ଆସୁଥିବା ଦେଖିବାକୁ ପାଇଥିଲେ । ଏହାକୁ ଅଟକାଇ ଯାଞ୍ଚ କରିବାରୁ ସେଥିରୁ ୭ ଖଣ୍ଡ କାଠ ଗଣ୍ଡି ମିଳିଥିଲା । କାଠ ଗଣ୍ଡି ସହ ଟ୍ରାକ୍ଟର ଜବତ କରିଛି । କାଳିମେଳା ବନାଞ୍ଚଳ ଅଧିକାରୀ ଶ୍ରୀ ସୁଶାନ୍ତ କୁମାର ଦଳେଇଙ୍କ ନେତୃତ୍ୱରେଏହାର ଅଧିକ ତଦନ୍ତ ଜାରି ରହିଛି ।