ଗଳ୍ପ !! “ହନ୍ତାଳଗୁଡା ଘାଟୀ” ନିମନ୍ତେ ଗାଳ୍ପିକ ବଳରାମ ପୂଜାରୀ – ବ୍ରହ୍ମପୁର ରେ ସମ୍ମାନିତ

ଓଡ଼ିଶା ତାଜା ନ୍ୟୁଜ୍/୧୭ ଜୁନ ଶୁକ୍ରବାର/ମାଲକାନଗିରି,କୁଡୁମୁଲୁଗୁମ୍ମା :- ଗଞ୍ଜାମର କବିତା ଘର ଲିଟେରାରୀ ଟ୍ରଷ୍ଟ ,ଆଙ୍କୁଲି, ବ୍ରହ୍ମପୁର ତରଫରୁ ଗଳ୍ପ ଗଞ୍ଜାମ ସମାରୋହ୨୦୨୨,ଗୋପାଳପୁର ବେଳାଭୂମିର ସୌନ୍ଦର୍ଯ୍ୟ ଭରା ,ରିଟ୍ରିଟ ସେଣ୍ଟର,ବେଳାଭୂମି,ଗୋପାଳପୁର ରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଲିଟେରାରୀ ଟ୍ରଷ୍ଟ ର ଅଧ୍ୟକ୍ଷ ଶ୍ରୀ ଯୁକ୍ତ ଭଗିରଥି ବେହେରାଙ୍କ ଆହ୍ବାନ କ୍ରମେ , ଓଡିଆ ଭାଷା ସାହିତ୍ୟର ଅଗ୍ରଗଣ୍ୟ କଥାକାର ସର୍ବଶ୍ରୀ ଶକ୍ତି ପ୍ରସାଦ ମହାନ୍ତି ସାର୍, ଓଟିଭିର ନ୍ୟୁଜ୍ ପ୍ରୋଗ୍ରାମର , କଥାକାର ଶ୍ରୀ ଯୁକ୍ତ ଅମରେଶ ବିଶ୍ୱାଳ ସାର୍,ଅଧ୍ୟାପିକା ଚିରଶ୍ରୀ ଇନ୍ଦ୍ରସିଂ ,ସାହିତ୍ୟିକ କଲ୍ୟାଣୀ ସଂଘମିତ୍ରା, ଡଃ ସ୍ମୃତି ପଟ୍ଟନାୟକ, ଡଃ ମମତା ରାଣୀ ନାୟକ,

ସମାଜସେବୀ ଭାଗିରଥି ମହାରଣା, ବ୍ରହ୍ମପୁର,ଶ୍ରୀ ଯୁକ୍ତ ଗଦାଧର ପାତ୍ର, ପ୍ରଶାସକ ଓ ସାହିତ୍ୟକ, ଗାଳ୍ପିକା ବିଷ୍ଣୁ ପ୍ରୀୟା କରସୁଧା ପଟ୍ଟନାୟକ, ଗାଳ୍ପିକା ସ୍ୱାଗତୀକା ବାହିନୀପତି , ବରିଷ୍ଠ ସାହିତ୍ୟିକ ଶ୍ରୀ ବିଦେଶୀ ନାୟକ ,କଥାକାର ସୁବାଷ ଚନ୍ଦ୍ର ସାହୁ ,ଡଃ ସରୋଜ କାନ୍ତ ରଥ, ଯୋଗଦାନ କରି ଗଳ୍ପ ଓ ଏହାର ସାମାଜିକ ପ୍ରଭାବ ସଂପର୍କ ରେ ଆଲୋଚନା କରିଥିଲେ ।  ଏଥିରେ ଅବିଭକ୍ତ କୋରାପୁଟ ଜିଲ୍ଲାର ଅନେକ ବରିଷ୍ଠ ସାହିତ୍ୟିକ ଯୋଗଦାନ କରିଥିଲେ । ଏହି ଅବସରରେ “ଗଳ୍ପ ଗଞ୍ଜାମ ୨୦୨୨”ସନ୍ଦର୍ଭ ରେ ଏକ ଗଳ୍ପ ସଂକଳନ ପ୍ରକାଶ ପାଇଥିଲା ।ମାଲକାନଗିରି ଜିଲ୍ଲା ର କବି ତଥା ସାହିତ୍ୟିକ ଶ୍ରୀ ବଳରାମ ପୂଜାରୀଙ୍କ ଗଳ୍ପ “ହନ୍ତାଳଗୁଡା ଘାଟୀ “ଶୀର୍ଷକ ଏକ ସ୍ୱତନ୍ତ୍ର ଗଳ୍ପ ପ୍ରକାଶିତ ହୋଇ ସମୀକ୍ଷକ ମାନଙ୍କ ଦ୍ଵାରା ଉଚ୍ଚ ପ୍ରଶଂସିତ ହୋଇଛି ।

ଏଥିରେ ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳର ଅନୋଲୋଚିତ କଥା ଓ ବ୍ୟଥା ସହ ଜଳଭଣ୍ଡାରର ଭିତରର ମାଟି ମଣିଷ କଂ କରୁଣ କାହାଣୀ ସ୍ଥାନିତ ହୋଇଛି । ଏଥିପାଇଁ ଟ୍ରଷ୍ଟ ତରଫରୁ ଉକ୍ତ ଉତ୍ସବରେ ଗାଳ୍ପିକ ଭାବେ ଶ୍ରୀ ବଳରାମ ପୂଜାରୀଙ୍କୁ ସମ୍ମାନୀତ କରାଯାଇଛି । ଆଗାମୀ ଦିନରେ ଗଳ୍ପ ସଂକଳନ ମାଧ୍ୟମରେ ଆଦିଭୂମି ମାଲକାନଗିରି ମାଟି ର ଲୋକ ସଂସ୍କୃତି ଓ ପରଂପରା ର ଅସ୍ମିତାକୁ ସମଗ୍ର ଓଡିଶାରେ ପରିବ୍ୟାପ୍ତ କରିବାକୁ ଚେଷ୍ଟା ଜାରି ରଖିବାକୁ ଶ୍ରୀ ପୂଜାରୀ ମତବ୍ଯକ୍ତ କରିଛନ୍ତି । ଏଥି ନିମନ୍ତେ କୁଡୁମୁଲୁଗୁମ୍ମା ଓ ମାଲକାନଗିରି ଜିଲ୍ଲା ର ସାହିତ୍ୟିକ ମାନଙ୍କ ତରଫରୁ ଶ୍ରୀ ପୂଜାରୀ କୁଂ ପ୍ରଶଂସା କରାଯାଇଛି ।