ଆଦିବାସୀ ଅଧ୍ୟୁଷିତ ତେଗଡାପାଲ୍ଲୀ ରେ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ

ଓଡ଼ିଶା ତାଜା ନ୍ୟୁଜ୍/୧୨ ଜୁନ ରବିବାର/ମାଲକାନଗିରି,ପଡିଆ :- ମାଲକାନଗିରି ଜିଲ୍ଲା ପଡିଆ ବ୍ଳକ ମାଟେରୁ ପଞ୍ଚାୟତ ଅନ୍ତର୍ଗତ ଆଦିବାସୀ ଅଧ୍ୟୁଷିତ ତେଗଡାପାଲ୍ଲୀ ଗ୍ରାମରେ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଅଞ୍ଚଳର ପ୍ରକୃତି ପୂଜକ ତଥା କୋୟା ସମାଜର ବରିଷ୍ଠ ପ୍ରେମା ରହିଥିବା ରଙ୍ଗନାଥ ମାଡିଙ୍କ ନାମରେ ଅନୁଷ୍ଠିତ ଏହି ଟୁର୍ଣ୍ଣାମେଣ୍ଟ ଓଡିଶା ଓ ଛତ୍ତିଶଗଡ଼ର ମୋଟ ୧୬ଟି ଦଳକୁ ନେଇ ଅନୁଷ୍ଠିତ ହୋଇଛି । ଆଜିର ଏହି ଉଦଘାଟନୀ ମ୍ୟାଚ ରେ ମୁଖ୍ୟ ଅତିଥି ଭାବେ ପଡିଆ ଅଗ୍ନିଶମ ବିଭାଗର ବିରେନ୍ଦ୍ର ସିଂ ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବେ ଆଇନଜୀବୀ ରବିନ୍ଦ୍ର ମାଡି ଯୋଗ ଦେଇଥିଲେ ।

ଅତିଥି ମାନେ ପ୍ରଥମେ ସ୍ଵର୍ଗତ ରଙ୍ଗନାଥ ମାଡି ଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରିବା ପରେ ଖେଳ ଅନୁଷ୍ଠିତ ହୋଇଥିଲା । ଆଜିର ଏହି ଉଦଘାଟନୀ ମ୍ୟାଚ ମାଟେରୁ ଓ ବାଟେନବାଡା ମଧ୍ୟରେ ଅନୁଷ୍ଠିତ ହୋଇଥିବା ବେଳେ ଟସ୍ ଜିଣି ମାଟେରୁ ପ୍ରଥମେ ବ୍ୟାଟିଂ କରି ନିର୍ଧାରିତ ଓଭର୍ ରେ ୧୦୪ ରନ୍ କରିଥିଲା । ଏହି ରନ୍ କୁ ପିଛା କରି ବାଟେନବାଡା ଦଳ ସମସ୍ତ ୱିକେଟ୍ ହରାଇ ୮୫ ରନ୍ କରି ପରାଜିତ ହୋଇଥିଲା । ଏହି ମ୍ୟାଚରେ ମାଟେରୁ ଗ୍ରାମର ରାମ ମାଡି ଙ୍କୁ ମ୍ୟାନ୍ ଅଫ ଦି ମ୍ୟାଚ୍ ଭାବେ ପୁରସ୍କୃତ କରାଯାଇଥିଲା ।