ଆନନ୍ଦ ଆଚାର୍ଯ୍ୟ ଫୁଟବଲ ପ୍ରିମିୟର ଲିଗ୍ : ବରପାଲି ବାଇସନ ବିଜୟୀ

ଓଡ଼ିଶା ତାଜା ନ୍ୟୁଜ୍ /୨୦ ମଇ ଶୁକ୍ରବାର/ବରଗଡ :- ଆନନ୍ଦ ଆଚାର୍ଯ୍ୟ ଫୁଟବଲ ପ୍ରିମିୟର ଲିଗ୍ ରେ ଆଜି ବରପାଲି ବାଇସନ ଓ ଏସ ଏସ ୱାଇ ଏସ ଗୋବିନ୍ଦପାଲି ମଧ୍ୟରେ ଅନୁଷ୍ଠିତ ପ୍ରଥମ ମ୍ୟାଚ୍ ରେ ବରପାଲି ବାଇସନ ଦଳ ବିଜୟୀ ହୋଇଛି । ଦଳ ଆଜିର ମ୍ୟାଚ୍ କୁ ୩ – ୦ ଗୋଲରେ ଜିତି ନେଇଛି । ଆଜିର ଖେଳ ପରିଚାଳନା କରିଥିଲେ ଜ୍ୟୋତି ରଞ୍ଜନ ସ୍ବାଇଁ, ତାଙ୍କୁ ଲାଇନ୍ ରେ ସହଯୋଗ କରିଥିଲେ ଶଶିକାନ୍ତ ଦାସିଆ ଓ ଦେବାଶିଷ ବାଗ । ଚତୁର୍ଥ ରେଫରୀ ଥିଲେ ଅଶ୍ଵିନୀ ମେହେର । ଆଜିର ଖେଳର ଶ୍ରେଷ୍ଠ ଖେଳାଳୀ ଭାବରେ ବରପାଲି ଦଳର ପ୍ରବୀଣ ଟିଗଗା ଙ୍କୁ ଅତିଥି ମାନେ ପୁରସ୍କୃତ କରିଥିଲେ ।

ସଚ୍ଚିଦାନନ୍ଦ ପଣ୍ଡା ଙ୍କ ସଂଯୋଜନା ରେ ଅନୁଷ୍ଠିତ ପୁରସ୍କାର ବିତରଣି ଉତ୍ସବରେ ଅଧ୍ୟାପକ ସୁବଳ ମେହେର , ଜିଲ୍ଲା କ୍ରୀଡା ସଂସଦ କୋଷାଧ୍ୟକ୍ଷ ଶୁଭ୍ରାଂଶୁ ଶେଖର ମହାପାତ୍ର, ଜିଲ୍ଲା କ୍ରିକେଟ୍ ଆସୋସିଏସନ୍ ସଦସ୍ୟ ଶୌର୍ଯ୍ୟ ରଞ୍ଜନ ରାଏ, ବରପାଲି ବାଇସନ ଦଳର ଫ୍ରେନଚାଇଯି ସତ୍ୟ ନାରାୟଣ ପ୍ରଧାନ ଓ ଖିତିପତି ପ୍ରଧାନ, ନିଷ୍ଠା ପରିବାର ର ସଭାପତି ରକ୍ଷପାଲ ସାହୁ ,ସମ୍ପାଦକ ଅଶ୍ଵିନୀ ତ୍ରିପାଠୀ ଅତିଥି ଭାବରେ ଯୋଗଦେଇ ପୁରସ୍କାର ପ୍ରଦାନ କରିଥିଲେ ।

ଏହି ଅବସରରେ କରୋନା ସମୟରେ ଓ ସଦା ସର୍ବଦା ଜନ ସାଧାରଣ ଙ୍କ ସେବା କ୍ଷେତ୍ରରେ ସମର୍ପିତ ନିଷ୍ଠା ପରିବାର କୁ ଆୟୋଜକ ମାନଙ୍କ ତରଫରୁ ମାନପତ୍ର, ଉପଢୌକନ ଓ ସ୍ମାରକୀ ଦେଇ ସମ୍ବର୍ଦ୍ଧିତ କରାଯାଇଥିଲା । ଦ୍ଵିତୀୟ ମ୍ୟାଚ ରାବୋଡାସମ୍ୱର ଏଫ୍ ସି ଓ ଏସ ଏସ ୱାଈ ଏସ ଗୋବିନ୍ଦ ପାଲି ମଧ୍ୟରେ ଅନୁଷ୍ଠିତ ହୋଇଥିଲା ।ଏଥିରେ ବୋଡାସମ୍ୱର ଏଫ୍ ସି ୪-୦ ଗୋଲରେ ବିଜୟୀ ହୋଇଥିଲା ମ୍ୟାଚ୍ ର ଶ୍ରେଷ୍ଠ ଖେଳାଳୀ ଭାବରେ ବୋଡାସମ୍ୱର ଏଫ୍ ସି ର ରାହୁଲ ମୁଖି ଶ୍ରେଷ୍ଠ ଖେଳାଳୀ ଭାବରେ ପୁରସ୍କୃତ ହୋଇଥିଲେ ।