<div dir="auto"> <h4><img class="alignnone wp-image-77212" src="https://odishatazanews.com/wp-content/uploads/2022/05/R.D2-300x261.jpg" alt="" width="801" height="697" /><span style="color: #ff0000;"><em><strong><span style="color: #0000ff;">ଓଡ଼ିଶା ତାଜା ନ୍ୟୁଜ୍</span> /୧୧ ମଇ ବୁଧବାର /<span style="color: #0000ff;">ଭୁବନେଶ୍ୱର :- </span></strong></em></span><strong>ରମାଦେବୀ ମହିଳା ବିଶ୍ଵବିଦ୍ୟାଳୟର ଯୁବ ରେଡକ୍ରସ୍ ବିଭାଗ ତରଫରୁ ବିଶ୍ବ ରେଡ୍ କ୍ରସ୍ ଦିବସ ପାଳିତ ହୋଇଯାଇଅଛି । ବିଶ୍ଵବିଦ୍ୟାଳୟର ସମ୍ମାନନୀୟା କୁଳପତି ପ୍ରଫେସର ଅପରାଜିତା ଚୌଧୁରୀଙ୍କର ପୃଷ୍ଠପୋଷକତାରେ ଏହି କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ସ୍ନାତକୋତ୍ତର ପରିଷଦର ଅଧ୍ୟକ୍ଷା ପ୍ରଫେସର ସସ୍ମିତା ମହାନ୍ତି ଉପସ୍ଥିତ ରହି ବିଶ୍ବ ସ୍ତରରେ ରେଡ୍ କ୍ରସ୍ ର ଭୂମିକା ବିଷୟରେ ଆଲୋକପାତ କରି ବିଶ୍ୱବିଦ୍ୟାଳୟର ସ୍ବେଚ୍ଛାସେବୀ ମାନଙ୍କୁ ପ୍ରେରଣା ଓ ଉତ୍ସାହିତ କରିଥିଲେ ।</strong></h4> <h4><img class="alignnone wp-image-77213" src="https://odishatazanews.com/wp-content/uploads/2022/05/R.D3-300x142.jpg" alt="" width="803" height="380" /><strong>ଓଡିଶା ରାଜ୍ୟ ଶାଖା ର ଯୁବ ରେଡ୍ କ୍ରସ୍ ଅଧିକାରୀ ଡ.ରମେଶ ଚନ୍ଦ୍ର ବେହେରା ମୁଖ୍ୟ ବକ୍ତା ହିସାବରେ ଯୋଗ ଦେଇ ସମାଜ ପ୍ରତି ସ୍ବେଚ୍ଛାସେବୀ ମାନଙ୍କ କର୍ତ୍ତବ୍ୟ ଓ ବିବିଧ ଦର୍ଶନ କୁ ଆଧାର କରି ଦୟା, ଧର୍ମ, ସେବା ତଥା ମା ରମାଦେବୀ ଙ୍କର ଜୀବନ ଶୈଳୀ ଓ ପରୋପକାର ବିଷୟରେ ବିସ୍ତୃତ ଆଲୋଚନା କରିଥିଲେ । ଡ. ବେହେରା ଙ୍କ ବକ୍ତବ୍ଯ ରେ ଅନୁପ୍ରାଣିତ ହୋଇ ଅନେକ ଛାତ୍ରୀ ରକ୍ତ ଦାନ ଭଳି ମହତ୍ କାର୍ଯ୍ୟ କୁ ଆଗେଇ ଆସିଥିଲେ । ବିଶ୍ୱବିଦ୍ୟାଳୟର ଯୁବ ରେଡ୍ କ୍ରସ୍ ଅଧିକାରୀ ପ୍ରଫେସର୍ ପ୍ରଣତୀ କୁମାରୀ ସାହୁ ଛାତ୍ରୀ ମାନଙ୍କୁ ତାଙ୍କର ଶୃଙ୍ଖଳା ଓ କର୍ତ୍ତବ୍ୟ ବିଷୟରେ ବୁଝାଇଥିଲେ ।</strong></h4> <h4><img class="alignnone wp-image-77211" src="https://odishatazanews.com/wp-content/uploads/2022/05/R.D1-300x247.jpg" alt="" width="720" height="593" /><strong>ଯୁବ ରେଡ୍ କ୍ରସ୍ କାଉନସେଲର ଡ. ରେବତୀ କାନ୍ତ ମହାରଣା ସ୍ବାଗତ ଭାଷଣ ଦେଇଥିଲେ ଏବଂ ଏହି କାର୍ଯ୍ୟକ୍ରମକୁ ଡ. ବିମଳା ପାତ୍ର ପରିଚାଳନା କରିଥିଲେ । ବିଶ୍ବବିଦ୍ୟାଳୟର ବହୁ ଅଧ୍ୟାପକ,ଅଧ୍ୟାପିକା ଓ ଛାତ୍ରୀମାନେ ଯୋଗଦେଇ କାର୍ଯ୍ୟକ୍ରମଟିକୁ ଫଳପ୍ରଦ କରିଥିଲେ । ପରିଶେଷରେ ଯୁବ ରେଡ୍ କ୍ରସ୍ ସ୍ବେଚ୍ଛାସେବୀ ତଥା ଯୁକ୍ତ ତିନି ର ପ୍ରଥମ ବର୍ଷ ଛାତ୍ରୀ କୁମାରୀ ଶାଶ୍ବତୀ ପ୍ରିୟଦର୍ଶିନୀ ସମସ୍ତ ଙ୍କୁ ଧନ୍ୟବାଦ ଅର୍ପଣ କରିଥିଲେ ।</strong></h4> <img class="alignnone wp-image-76688" src="https://odishatazanews.com/wp-content/uploads/2022/05/ODISHA-TAZANEWS-PRESS-jatani.pptx5_.pptx22-Copy-300x69.jpg" alt="" width="717" height="165" /> </div>