ପୋଲିସର ପେଟ୍ରୋଲିଂ : ଗଞ୍ଜେଇ ଓ ବାଇକ ଜବତ

ଓଡ଼ିଶା ତାଜା ନ୍ୟୁଜ୍ (୧୯.୦୪.୨୦୨୨,ମଙ୍ଗଳବାର )  କଳାହାଣ୍ଡି :- କଳାହାଣ୍ଡି ଜିଲ୍ଲା ନର୍ଲା ବ୍ଲକ ରୁପ୍ରା-ତିତକେଲା ଛକରୁ ଧରାପଡିଲା ଲକ୍ଷାଧିକ ଟଙ୍କାର ଗଞ୍ଜେଇ । ପ୍ରାପ୍ତ ସୂଚନା ଅନୁସାରେ ତିନିଦିନ ଧରି ନର୍ଲା ଓ ପଲମ ପୋଲିସ ମିଳିତ ଭାବେ ପେଟ୍ରୋଲିଂ କରୁଥିଲେ । ତେବେ ଗତ ସୋମବାର ରାତି ପ୍ରାୟ ୨ଟା ୨୦ ମିନିଟ ସମୟରେ ପଲମ ପୋଲିସ ଏସଆଇ ଅସିତ ପଣ୍ଡାଙ୍କ ଟିମ ହାବୁଡରେ ସାତଟି ମଟର ସାଇକେଲରେ ଲୋଡ ହୋଇଥିବା ଗଞ୍ଜେଇ ଧରା ପଡିଥିଲା ।

ସେଥି ମଧ୍ୟରୁ ତିନୋଟି ମଟର ସାଇକେଲରେ ଲୋଡ ହୋଇ ଥିବା ଗଞ୍ଜେଇ ସହିତ ଗଞ୍ଜେଇ ବେପାରୀ ଫରାର ହୋଇଥିଲେ । ଚାରୋଟି ମଟର ସାଇକେଲ ଓ ଗଞ୍ଜେଇ ସହିତ ତିନୋଟି ଗଞ୍ଜେଇ ବେପାରୀ ପୋଲିସ ହାତରେ ଧରାପଡିଥିବା ବେଳେ ଅନ୍ୟ ଜଣେ ଫରାର ହୋଇ ଯାଇଥିବା ଜଣାପଡିଛି । ମୋଟ ୧ କ୍ୱଣ୍ଟାଲ ୫୫ କେଜି ୫୪୩ଗ୍ରାମ ଗଞ୍ଜେଇ ଧରାପଡ଼ି ଥିବା ପୋଲିସ ପକ୍ଷରୁ ଜଣାଯାଏ । ଅଭିଯୁକ୍ତ କାର୍ତିକ ମହତ(୪୦) ବାଇକରୁ ପଡି ଯାଇ ଗୋଡ଼ରେ ଆଘାତ ହୋଇ ଥିବାରୁ ରାତ୍ରିରେ ହିଁ ଏମ୍ବୁଲେନ୍ସ ମାଧ୍ୟମରେ ଭବାନୀପାଟଣା ମେଡିକାଲରେ ଭର୍ତ୍ତି କରାଯାଇଛି ।

ଏହି ଗଞ୍ଜେଇ ମୋହନଗିରି ରୁ କୋମନାକୁ ଚୋରା ଚାଲାଣ ହେଉଥିବା ବେଳେ ଖିରୋଦ ତାଣ୍ଡି (୨୨) କାର୍ତ୍ତିକ ମହତ(୪୦) ରୋଷନ ତାଣ୍ଡି( ୨୨ ) ଖଡ଼ିଆଳ ଓ ବାଇକ ଛାଡି ପଳାଇଥିବା ରମେଶ କୁଲଦିପ ମହୁଲଭଟା ଯାହାକି ନୂଆପଡା ଜିଲ୍ଲା କୋମନା ଥାନା ଅନ୍ତର୍ଗତ ବୋଲି ସୂଚନା ମିଳିଛି । ମଟର ସାଇକେଲ ତିନୋଟିର ନମ୍ୱର ଓଡି୨୬ଇ୧୯୯୮,ଓଡି୨୬ଇ୯୨୨୫ ଓ ଓଡି୨୬ଇ୯୧୦୮ ରହିଥିବା ବେଳେ ଜବତ ଗଞ୍ଜେଇ ମୂଲ୍ୟ ଆନୁମାନିକ ଛଅ ଲକ୍ଷ ଟଙ୍କା ହେବ ବୋଲି ଜଣାଯାଏ ।