ଅରୁଣଙ୍କ ରାଜନୈତିକ ଚାଲରେ ଧରାଶାୟୀ ଇରାନୀ : ନୟାଗଡ଼ ପୌର ପରିଷଦ ୧୬ ରୁ ୧୬ଟି ୱାର୍ଡ଼ରେ ବିଜେଡି କାଉନସିଲର ପ୍ରାର୍ଥୀ ବିଜୟୀ – ଖାତା ଖୋଲି ପାରିନାହିଁ ବିଜେପି

ଓଡ଼ିଶା ତାଜା ନ୍ୟୁଜ୍ (୭ ଏପ୍ରିଲ ଗୁରୁବାର ) ନୟାଗଡ଼ :- ନୟାଗଡ଼ ପୌର ପରିଷଦ ୧୬ ରୁ ୧୬ଟି ୱାର୍ଡ଼ରେ ବିଜେଡି କାଉନସିଲର ପ୍ରାର୍ଥୀ ବିଜୟୀ ହୋଇଛନ୍ତି । ଏଥିରେ ବିଜେଡିର ନିରୂପମା ଖଟେଇ ନିଜ ନିକଟତମ ପ୍ରତିଦ୍ୱନ୍ଦୀ ତନୁଜା ସାମଲଙ୍କୁ ୬୫୨୩ ଖଣ୍ତ ଭୋଟରେ ପରାସ୍ତ କରି ନୟାଗଡ଼ ପୌରପରିଷଦର ପ୍ରଥମ ଅଧ୍ୟକ୍ଷାଭାବେ ନିର୍ବାଚିତ ହୋଇଛନ୍ତି । ପୂର୍ବରୁ ୫ ନମ୍ବର ୱାର୍ଡ଼ କାଉନସିଲର ପ୍ରାର୍ଥୀ ନିର୍ଦ୍ୱନ୍ଦରେ ନିର୍ବାଚିତ ହୋଇଥିବାବେଳେ ୧୫ଟି ୱାର୍ଡ଼ରେ ନିର୍ବାଚନ ହୋଇଥିଲା ।

ନୟାଗଡ଼ ପୈାରପରିଷଦର ଷୋହଳ ଗୋଟି ଓ୍ବାର୍ଡ ସହିତ ପୈାରାଧ୍ୟକ୍ଷ ପଦବୀକୁ ମଧ୍ୟ ଦଖଲ କଲା ବିଜେଡି । ନୟାଗଡ଼ ପ୍ରଥମ ପୈାରାଧ୍ୟକ୍ଷା ଭାବେ ନିର୍ବାଚିତ ହେଲେ ନିରୁପମା ଖଟେଇ । ବିରୋଧୀ ବିଜେପି କୁ ୬୫୨୩ ଖଣ୍ଡ ଭୋଟ ରେ ପରାସ୍ତ କରି ନିର୍ବାଚିତ ହୋଇଛନ୍ତି ବିଜେଡି ପ୍ରାର୍ଥୀନୀ ନିରୁପମା ଖଟେଇ । ଏହା କେବଳ ଅରୁଣଙ୍କ ନିଖୁଣ ଗୋଟିଚାଳନାରେ ସମ୍ଭବ ହୋଇପାରିଥିବା ରାଜନୈତିକ ମହଲରେ ଚର୍ଚ୍ଚାର ବିଷୟ ପାଲଟିଛି ।

ନୟାଗଡ଼ ମ୍ୟୁନିସିପାଲଟିରେ ବାଜି ମାରିଲା ବିଜେଡି । ଖାତା ଖୋଲିବାକୁ ସମର୍ଥ ହୋଇପାରିନାହିଁ ବିଜେପି । ଅରୁଣଙ୍କ ରାଜନୈତିକ ଚାଲରେ ଧରାଶାୟୀ ଇରାନୀ । ନୟାଗଡ଼ ନିର୍ବାଚନ ମଣ୍ଡଳୀକୁ ବିରୋଧୀ ଶୁନ୍ୟ କରିବାରେ ସଫଳ ହୋଇଛନ୍ତି ନୟାଗଡ଼ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁ ।