<h4><span style="color: #ff0000;"><em><strong>ଓଡ଼ିଶା ତାଜା ନ୍ୟୁଜ୍ (</strong><strong>୩ </strong><strong>ଏପ୍ରିଲ ରବିବାର )</strong></em></span><strong><span style="color: #ff0000;"><em> କନ୍ଧମାଳ :-</em> </span>ପରୀକ୍ଷାକୁ ଚାପ ମୁକ୍ତ କରିବା ପାଇଁ ମାନନୀୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ବାରମ୍ବାର ଗୁରୁତ୍ଵ ଆରୋପ କରି ଆସୁଛନ୍ତି । ଏହି ଉଦ୍ଦେଶ୍ୟରେ ଗତ କାଲି ପରୀକ୍ଷା ପେ ଚର୍ଚ୍ଚାର ପଞ୍ଚମ ସଂସ୍କରଣ ଅନୁଷ୍ଠିତ ହୋଇଯାଇଛି । ଦିଲ୍ଲୀର ତାଲକୋଟରା ଷ୍ଟାଡିୟମରେ ଆୟୋଜିତ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରି ପ୍ରଧାନମନ୍ତ୍ରୀ ଛାତ୍ର ଛାତ୍ରୀ ମାନଙ୍କୁ ଏକ ଚାପ ମୁକ୍ତ ବାତାବରଣ ମଧ୍ୟରେ ପରୀକ୍ଷା ଦେବା ପାଇଁ ଅନେକ ଉପଦେଶ ଦେଇଛନ୍ତି ।</strong></h4> <h4><img class="alignnone wp-image-74396" src="https://odishatazanews.com/wp-content/uploads/2022/04/kandhmala-1-300x135.jpeg" alt="" width="647" height="291" /><strong>ଏହି କାର୍ଯ୍ୟକ୍ରମ ସାରା ଦେଶରେ ଆଭାସି ମାଧ୍ୟମରେ ପ୍ରସାରିତ ହୋଇଛି । ଦେଶର ଅନେକ ବିଦ୍ୟାଳୟର ଛାତ୍ର ଛାତ୍ରୀ ପ୍ରଧାନମନ୍ତ୍ରୀଙ୍କ ସହ ସିଧା ସଳଖ କଥା ହୋଇଛନ୍ତି । କେନ୍ଦ୍ରୀୟ ବିଦ୍ୟାଳୟ କନ୍ଧମାଳରେ ଏହା ବଡ଼ ପରଦାରେ ପ୍ରଦର୍ଶିତ ହୋଇଥିଲା। ଏଥିରେ ଅଂଶ ଗ୍ରହଣ କରି ଛାତ୍ର ଛାତ୍ରୀ ମାନେ ଖୁବ୍ ଉତ୍ସାହିତ ଅଛନ୍ତି । </strong></h4> <h4><img class="alignnone wp-image-74397" src="https://odishatazanews.com/wp-content/uploads/2022/04/kandhmala-2-300x135.jpeg" alt="" width="687" height="309" /><strong>ଏହା ତାଙ୍କୁ ଆଗାମୀ ବୋର୍ଡ ପରୀକ୍ଷା ପାଇଁ ଖୁବ୍ ପ୍ରେରଣାଦାୟୀ ହେବ ବୋଲି ଛାତ୍ର ଛାତ୍ରୀ ମାନେ କହିଛନ୍ତି । ଏହି କାର୍ଯ୍ୟକ୍ରମରେ ୩୦୦ରୁ ଉର୍ଦ୍ଧ୍ବ ଛାତ୍ର ଛାତ୍ରୀ ଅଂଶଗ୍ରହଣ କରିଥିଲେ ବୋଲି ଶିକ୍ଷକ ପ୍ରଶାନ୍ତ କୁମାର ମହପାତ୍ର ସୂଚନା ପ୍ରଦାନ କରିଛନ୍ତି । ବିଦ୍ୟାଳୟର ଅଧ୍ୟକ୍ଷ ଶ୍ରୀ ନାହର ସିଂ ମିନାଙ୍କ ତତ୍ତ୍ଵାବଧାନରେ ଶ୍ରୀ ପ୍ରଶାନ୍ତ କୁମାର ମହପାତ୍ର, ଶ୍ରୀ ଜ୍ଞାନଦେବ ଦେଶମୁଖ ଏବଂ ଶ୍ରୀ ଧର୍ମରାଜ୍ ବାରିକ୍ ଏହାକୁ ପରିଚାଳନା କରିଥିଲେ ।</strong></h4> <img class="alignnone wp-image-74395" src="https://odishatazanews.com/wp-content/uploads/2022/04/ODISHA-TAZANEWS-PRESS.pptx1_.pptx4-Copy-300x69.jpg" alt="" width="604" height="139" />