ନିଖୋଜ ଯୁବକଙ୍କ ଝୁଲନ୍ତା ଶବ ଉଦ୍ଧାର, ହତ୍ୟା ଅଭିଯୋଗ : ଲୁଚିଲେଣି ବିଜେଡି କର୍ମୀ … ପୋଲିସ୍ କୁ ମିଳିନାହିଁ ସତ୍ୟତା ର ତଥ୍ୟ 

ଯଦି ପୂର୍ବତନ ମନ୍ତ୍ରୀ ସୁରମା ପାଢୀ ସେ ସ୍ଥାନକୁ ଯାଇପାରିଲେ ତେବେ କାହିଁକି ଗଲେ ନାହିଁ ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ  ଏହାକୁ ନେଇ ଜନସାଧାଣରେ ପ୍ରଶ୍ନବାଚୀ ସୃଷ୍ଟି ହୋଇଛି । 

ଓଡ଼ିଶା ତାଜା ନ୍ୟୁଜ୍ (୨୨ ଫେବ୍ରୁଆରୀ ମଙ୍ଗଳବାର) ରଣପୁର :-  ରଣପୁର : – ଦଳୀୟ କର୍ମୀଙ୍କ ଉପରେ ଲାଗିଛି ଅଭିଯୋଗ , ନୟାଗଡ଼ ଜିଲ୍ଲା ଚାନ୍ଦପୁର ଥାନା ମୟୂରଝାଲିଆ ଗ୍ରାମ ର ମାଙ୍କଡା ପଥରଖଣି ପଛପଟୁ ଜଣେ ଯୁବକର ଝୁଲନ୍ତା ଶବ ମଙ୍ଗଳବାର ଉଦ୍ଧାର କରାଯାଇଛି । ତେବେ ଯୁବକ ଜଣଙ୍କ ହେଉଛନ୍ତି ରାଜ ଜଙ୍କିଆ ଗ୍ରାମର ପବିତ୍ର ରଣବିଜୁଳିଙ୍କ ସାନପୁଅ ବିବେକାନନ୍ଦ ରଣବିଜୁଳି (୨୩) ।

ସୂଚନାନୁସାରେ ବିବେକାନନ୍ଦ ରଣବିଜୁଳି ଦିଲ୍ଲୀରେ ଏକ ଘରୋଇ କମ୍ପାନୀରେ କାର୍ଯ୍ୟ କରୁଥିଲେ । ସେ ପଞ୍ଚାୟତ ନିର୍ବାଚନରେ ଭୋଟଦେବା ପାଇଁ ଗ୍ରାମକୁ ଆସିଥିଲେ ଓ ଦଳୀୟ କର୍ମୀଙ୍କ ଶିକାର ହୋଇଥିବାର ଅଭିଯୋଗ ଆଣିଛନ୍ତି ମୃତକ ଙ୍କ ପରିବାର ଲୋକେ । ଉକ୍ତ ଯୁବକ ଜଣଙ୍କ ଦଳୀୟ ଆକ୍ରୋଷ ର ଶିକାର ହୋଇଥିବା କଥା ପୂର୍ବତନ ମନ୍ତ୍ରୀ ସୁରମା ପାଢ଼ୀ ଅଭିଯୋଗ ଆଣିଥିବା ଜଣାଯାଇଛି ।

ଭୋଟ କୁ କେନ୍ଦ୍ର କରି ଏଭଳି ହତ୍ୟାକାଣ୍ଡ ଘଟାଇ ବିଜେଡି ହୀନ ରାଜନୀତି କୁ ପ୍ରସୟ ଦେଉଥିବା ବେଳେ ଚାନ୍ଦପୁର ପୋଲିସ ଏହାକୁ ଆତ୍ମହତ୍ୟା ର ରୂପ ଦେଉଛନ୍ତି ବୋଲି କ୍ଷୋଭ ପ୍ରକାଶ କରିଛନ୍ତି ସୁରମା ପାଢ଼ୀ । ମୃତକ ଙ୍କ ପରିବାର ଲୋକେ କହିବା ଅନୁସାରେ ଯୁବକ ଜଣଙ୍କ ଫେବୃୟାରୀ ୨୧ ତାରିଖ ଘରୁ ଗାଧୋଇବାକୁ ଯାଇଥିଲେ ତା ପର ଠାରୁ ତାଙ୍କ ମୋବାଇଲ ବନ୍ଦ ହୋଇଯାଇଥିଲା । ମଙ୍ଗଳବାର ଅପରାହ୍ନରେ ତାଙ୍କ ପରିବାର ବର୍ଗ ଖବର ପାଇଲେ ଯେ ପଥର ଖଣି ପଛପଟେ ପୁଅର ଶବ ଏକ କାଜୁଗଛରେ ଝୁଲୁଛି ।

ଏ ଖବର ପାଇ ଚାନ୍ଦପୁର ପୁଲିସ ଉପନିରୀକ୍ଷକ ଅଞ୍ଜଳି ସା, ରଣପୁର ଥାନା ଉପନିରୀକ୍ଷକ ପୁରୁଷୋତ୍ତମ ପ୍ରଧାନ ମାଜିଷ୍ଟ୍ରେଟ ଭାବେ ରଣପୁର ବିଡିଓ ଋତୁପଣ୍ଡା ମହାପାତ୍ର ଘଟଣା ସ୍ଥଳରେ ପହଞ୍ଚିଥିଲେ । ତେବେ ପୂର୍ବରୁ ପଞ୍ଚାୟତ ନିର୍ବାଚନ ରେ ବିଜୁ ଜନତା ଦଳର କିଛି କର୍ମୀ ଭୋଟ କୁ ନେଇ ବିବେକାନନ୍ଦ ଙ୍କ ପରିବାର ସହ ଗଣ୍ଡଗୋଳ କରିବା ସହ ଯୁବକଙ୍କୁ ହତ୍ୟା ଧମକ ଦେଇଥିଲେ ।

ପୂର୍ବରୁ ଧମକ ଦେଇଥିବା ବିଜେଡି କର୍ମୀ ଯୁବକ ଙ୍କୁ ସୁପରିକଳ୍ପିତ ଭାବେ ହତ୍ୟା କରିଥିବା ଅଭିଯୋଗ କରିଛନ୍ତି ପରିବାର ଲୋକେ । ବିଜେପି ନେତ୍ରୀ ତଥା ପୂର୍ବତନ ମନ୍ତ୍ରୀ ସୁରମା ପାଢୀ କର୍ମୀମାନଙ୍କ ସହ ଘଟଣାସ୍ଥଳରେ ପହଞ୍ଚି ମାମଲାର ସଠିକ ତଦନ୍ତ କରି ବିଜେଡି ର ଦଳୀୟ କର୍ମୀ ଙ୍କୁ ଗିରଫ ଦାବି କରିଛନ୍ତି ।

ତେବେ ଏ ଘଟଣା ରେ ଚାନ୍ଦପୁର ଅଧିକାରୀ ଙ୍କୁ ତଦନ୍ତ ଭାର ଦେବା ପାଇଁ ଅସ୍ବୀକାର କରିଥିବା ବେଳେ ଚାନ୍ଦପୁର ଥାନା ନିରୀକ୍ଷକଙ୍କ ବଦଳି ଦାବି ସହ ଅଭିଯୁକ୍ତଙ୍କୁ ତୁରନ୍ତ ଗିରଫ କରିବା ଦାବି କରିଥିଲେ । ଘଟଣାସ୍ଥଳକୁ ଶରଣକୁଳ ଥାନା ର ପୁଲିସ ଅଧିକାରୀ କିରଣ ହେମରମ୍ ପହଞ୍ଚି ତଦନ୍ତ କରିବା ସହ ଉତ୍ୟକ୍ତ ଲୋକଙ୍କୁ ବୁଝାସୁଝା ଜାରି ରଖିଥିଲେ । ଘଟଣା ଟି ସମ୍ପୃକ୍ତ ରାଜ ଜଙ୍କିଆ ପଂଚାୟତ ରେ ଆଲୋଡନ ସୃଷ୍ଟି କରିଛି