ଚପଟଖଣ୍ଡା ଜଙ୍ଗଲରେ ଅଚିହ୍ନା ଝୁଲନ୍ତା ଶବ

ଓଡ଼ିଶା ତାଜା ନ୍ୟୁଜ୍ (୧୫ ଫେବ୍ରୁଆରୀ ମଙ୍ଗଳବାର ) କଳାହାଣ୍ଡି :- ନର୍ଲା ନିକଟସ୍ଥ ଚପଟଖଣ୍ଡା ଜଙ୍ଗଲରେ ଏକ ଅଚିହ୍ନା ଯୁବକର ଶବ ଗଛ ଡାଳରେ ଝୁଲନ୍ତା ଅବସ୍ଥାରେ ରହିଥିବା ଦେଖିବାକୁ ମିଳିଛି । ଏହି ଚପଟଖଣ୍ଡା ଜଙ୍ଗଲରେ ବର୍ତ୍ତମାନ ହାତୀପଲ ରହି ଆସୁଥିବା ଯୋଗୁଁ କୈାଣସି ଲୋକ ଯାତାୟାତ କରୁ ନ ଥିବା କାରଣରୁ ଉକ୍ତ ଶବକୁ ଚିହ୍ନଟ କରାଯାଇ ପାରିନାହିଁ କି ପୋଲିସ ପାଖରେ ଖବର ପହଞ୍ଚି ପାରି ନାହିଁ ।

ଯାହା ଫଳରେ ଶବଟି ପଚି ଦୁର୍ଗନ୍ଧ ଅବସ୍ଥାକୁ ଆସିଥିବା ଜଣାଯାଏ । ମୃତ ବ୍ୟକ୍ତିଙ୍କ ବୟସ ୩୫ ରୁ ୪୦ ମଧ୍ୟରେ ହୋଇଥିବା ଅନୁମାନ କରାଯାଉଛି । କୈ।ଣସି ଦୁବୃର୍ତ୍ତ ଯୁବକଙ୍କୁ ମାରି ଗଛ ଡାଳରେ ଝୁଲନ୍ତା ଅବସ୍ଥାରେ ଛାଡ଼ି ଚାଲିଯାଇଥିବା ମଧ୍ୟ ସନ୍ଦେହ କରାଯାଉଛି । ପୋଲିସ ତଦନ୍ତ ପରେ ପ୍ରକୃତ ତଥ୍ୟ ଲୋକଲୋଚନକୁ ଆସିବ ବୋଲି ଆଲୋଚନା ହେଉଛି ।