No Result
View All Result
ଓଡ଼ିଶା ତାଜା ନ୍ୟୁଜ୍ (୨୪ ଡିସେମ୍ବର ଶୁକ୍ରବାର) ରଣପୁର ବ୍ଲକ ସୁନାଖଳା :- ନୟାଗଡ଼ ଜିଲ୍ଲା, ରଣପୁର ବ୍ଲକ ସୁନାଖଳାର ପିଲାଟି ଦିନରୁ ଯୋଗ, ବ୍ୟାୟାମ, ଖେଳ ଓ କସରତ ପାଇଁ ଅନେକ ଆଗ୍ରହ । ହେଲେ ପ୍ରତିବନ୍ଧକ ସାଜୁଥିଲା ପରିବାରର ରୋଜଗାର । ପିଲାଟି ଦିନରୁ ଥିବା ଆଶାକୁ ପୁରଣ କରିପାରୁନଥିଲେ ପରିବାର ଲୋକ । ଆଜି ନୟାଗଡ଼ ଜିଲ୍ଲାପାଳ ଡ.ପୋମା ଟୁଡୁ କୁନି ଝିଅକୁ ଉତ୍ସାହିତ କରିବା ସହ ତା’ ମନରେ ଭରି ଦେଇଛନ୍ତି ଅନେକ ସାହସ ।
ନୟାଗଡ଼ ଜିଲ୍ଲା ରଣପୁର ବ୍ଲକ ସୁନାଖଳାର ୪ ବର୍ଷର ଝିଅ ପ୍ରିୟା ପ୍ରିୟଦର୍ଶିନି । ଆଜି ସେ ନୟାଗଡ଼ ଜିଲ୍ଲାପାଳଙ୍କୁ ପରିବାର ବର୍ଗଙ୍କ ସହ ଭେଟିବାକୁ ଆସିଥିଲା । ଜିଲ୍ଲାପାଳ ଡ.ପୋମା ଟୁଡୁ ଆଜି ଉକ୍ତ କୁନି ଝିଅକୁ ଡ୍ରେସ, ଜୋତା, ଅନେକ ଖେଳ ଉପକରଣ ପ୍ରଦାନ କରିଛନ୍ତି ।
ଯାହାକୁ ନେଇ କୁନି ଝିଅ ମନରେ ଅନେକ ଆଗ୍ରହ ବଢ଼ିଛି । ଆଗକୁ ସାହାର୍ଯ୍ୟର ହାତ ଜିଲ୍ଲାପାଳ ବଢ଼ାଇବେ ବୋଲି ପ୍ରତିଶ୍ରୁତି ଦେଇଛନ୍ତି । ଆଜିର ଏହି କାର୍ଯ୍ୟକ୍ରମରେ ନୟାଗଡ଼ ଅତିରିକ୍ତ ଜିଲ୍ଲାପାଳ ବିଧାନ ଚନ୍ଦ୍ର ରାୟ, ବନଖଣ୍ଡ ଅଧିକାରୀ ପୁର୍ଣ୍ଣିମା ପାଣ୍ଡିଆନ, କ୍ରୀଡା ଅଧିକାରୀ ସୁଜାତା ସାହୁ ପ୍ରମୁଖ ଉପସ୍ଥିତ ରହିଥିଲେ ।
No Result
View All Result
