ଅବକାରୀ ଚଢ଼ାଉ : ୧୬୦ ଲିଟର ମଦ ନଷ୍ଟ ଅବକାରୀ କର୍ମଚାରୀଙ୍କୁ ଦେଖି ମଦ ବେପାରୀ ଫେରାର

ଓଡ଼ିଶା ତାଜା ନ୍ୟୁଜ୍ (୧୬ ଡିସେମ୍ବର ଗୁରୁବାର) ବୈପାରିଗୁଡା :- ବୈପାରିଗୁଡା ଅବକାରୀ ଥାନା ପକ୍ଷରୁ ବିଭିନ୍ନ ସ୍ଥାନ ରେ ଚଢ଼ାଉ କରାଯାଇ ୬୦ ଲିଟର ଦେଶୀ ମଦ ଜବତ କରାଯିବା ସହିତ ୧ ଶହ ଲିଟର ପୋଚ ନଷ୍ଟ କରାଯାଇଛି । ଚଢ଼ାଉ ସମୟରେ ଦେଶୀ ମଦ ଚୋରା ଚାଲାଣ କରୁଥିବା ବେପାରୀ ଅବକାରୀ କର୍ମଚାରୀ ଙ୍କୁ ଦୂର ରୁ ଦେଖି ଘଟଣାସ୍ଥଳରୁ ଫେରାର ହୋଇଥିବା ସୂଚନା ମିଳିଛି !

ବୈପାରିଗୁଡା ଅବକାରୀ ବିଭାଗ ପକ୍ଷରୁ କୁନ୍ଦୁରା ଥାନା ଅନ୍ତର୍ଗତ ଲାଚ୍ଚନାଗୁଡା ଗ୍ରାମରେ ଅବକାରୀ କର୍ମଚାରୀ ଇନ୍ସପେକ୍ଟର ଙ୍କ ନିଦ୍ଦେର୍ଶ କ୍ରମେ ଦର୍ପଦଳ ବିଶ୍ବାଳ ଓ ଭ୍ରାମ୍ୟମାଣ ଅବକାରୀ ଓଆଇସି ଖଗେଶ୍ବର କୋଟା ,ଅବକାରୀ ଏଏସଆଇ ରଶ୍ମୀରଞ୍ଜନ ନାୟକଙ୍କ ସହ ଅନ୍ଯ କର୍ମଚାରୀ ମାନେ ଏହି ଚଢ଼ାଉରେ ସହଯୋଗ କରିଥିଲେ ! ଅବକାରୀ ବିଭାଗ ର ଚଢ଼ାଉ ବେଳେ ଲାଚ୍ଛନାଗୁଡା ଗ୍ରାମ ରେ ଦେଶୀ ମଦରନ୍ଧା ଭାଟିଗୁଡ଼ିକୁ ଭାଙ୍ଗି ନଷ୍ଟ କରିବା ସହିତ ଜାଳିଦିଆଯାଇଛି ।

ବିଭିନ୍ନ ବଣବୁଦାରେ ଲୁଚାଇ ରଖାଯାଇଥିବା ପୋଚ ଭର୍ତ୍ତି ଶତାଧିକ ବଡ଼ବଡ଼ ପ୍ଲାଷ୍ଟିକ ଜାରକିନକୁ ନଷ୍ଟ କରାଯାଇଛି । ଆଗକୁ ଏହି ପରି ଚଢାଉ ଜାରୀ ରହିବ ବୋଲି ପ୍ରକାଶ କରିଛନ୍ତି ବୈପାରିଗୁଡା ଅବକାରୀ ଥାନା ଏଏସଆଇ ରଶ୍ମିରଞ୍ଜନ ନାୟକ !