ଆମ ପୋଲିସ ସମିତି ପକ୍ଷରୁ ସଚେତନତା ଶିବିର

ଓଡ଼ିଶା ତାଜା ନ୍ୟୁଜ୍ (୧୩ ଡିସେମ୍ବର ସୋମବାର ) କଳାହାଣ୍ଡି :- ନର୍ଲା ପୋଲିସ ସମିତି ପକ୍ଷରୁ ସଚେତନତା ଶିବିର କାର୍ଯ୍ୟକ୍ରମ ରବିବାର ଅପରାହ୍ନ ତିନି ଘଣ୍ଟା ସମୟରେ ନର୍ଲା ଥାନା ଅଧିକାରିଣୀ ଶ୍ରୀମତୀ ରେଣୁକା ସୁନାଙ୍କ ଅଧ୍ୟକ୍ଷତାରେ ନର୍ଲା ଥାନା ପ୍ରାଙ୍ଗଣରେ ଅନୁଷ୍ଠିତ ହୋଇଥିଲା । ଏଥିରେ ପୋଲିସ ଓ ଜନତା ମଧ୍ୟରେ ସମନ୍ଵୟ ରକ୍ଷା କରି ସହଯୋଗ ହାତ ବଢାଇବା ସହ ଅପରାଧକୁ କିପରି ଭାବେ ନିୟନ୍ତ୍ରଣ କରିବା,

ହେଲମେଟ ପିନ୍ଧି ଗାଡି ଚଲେଇବା ତଥା ବିଭିନ୍ନ ସମୟରେ ହେଉଥିବା ନାରୀ ନିର୍ଯ୍ୟାତନା, ଚୋରି ଓ ଦୁର୍ଘଟଣା ସମ୍ପର୍କରେ ପୋଲିସକୁ ସନ୍ଦେଶ ଦେବା ଭଳି ବିଭିନ୍ନ ଗୁରୁତ୍ୱ ପୂର୍ଣ୍ଣ ସମାଧାନ ପାଇଁ ପୋଲିସ ସବୁବେଳେ ଜନତାଙ୍କ ସାଥିରେ ଅଛି ବୋଲି ଶ୍ରୀମତୀ ସୁନା କହିଥିଲେ । ଅନ୍ୟମାନଙ୍କ ମଧ୍ୟରେ ଏସଆଇ ବଂଶୀଧର ସାମଲ, ଦେବେନ୍ଦ୍ର ମାଝୀ,ରଘୁନାଥ ନିଶିକା ,ଏମ ଶବର ପ୍ରମୁଖ ଉପସ୍ଥିତ ଥିଲେ ।

ଏହି ମହତ କାର୍ଯ୍ୟକ୍ରମରେ ସ୍ଥାନୀୟ ଅଞ୍ଚଳର ହମେଶ ଜୈନ , ଦୁର୍ଯ୍ୟୋଧନ ମାଝୀ ,ଦକ୍ଷରାଜ ଭୋଇ ,ମନବୋଧ ମାଝୀ ,ଗୋପାଳ ନାଗ ,ପରେଶ ପଧାନ ,ସୁଧୀର ନାଏକ ,ମଙ୍ଗଳ ମାଝୀ , ଚନ୍ଦ୍ର ବିଶ୍ୱାଳ ଉପସ୍ଥିତ ଥିଲେ ।