ଧାନ ଖଲାରେ ନିଆଁ ଲାଗି ପାଳଗଦା ନଷ୍ଟ

ଓଡ଼ିଶା ତାଜା ନ୍ୟୁଜ୍ (୦୮ ଡିସେମ୍ବର ବୁଧବାର ) କଳାହାଣ୍ଡି :- ନର୍ଲା ବ୍ଳକ ଅନ୍ତର୍ଗତ ଭୀମକେଲା ଗ୍ରାମର ବୁଟ ଭୋଇଙ୍କ ଧାନଖଳା ନିକଟରେ ଥିବା ପାଳଗଦାରେ କୈାଣସି ମତେ ନିଆଁ ଲାଗି ପାଳଗଦା ନଷ୍ଟ ହୋଇଛି । ଆଜି ଅପରାହ୍ନ ସମୟରେ ନିଆଁ ଲାଗି ପାଳଗଦା ଜଳି ଉଠିଥିଲା । ପାଳଗଦା ନିକଟରେ ଥିବା କିଛି ଧାନ ମଧ୍ୟ ପୋଡ଼ି ନଷ୍ଟ ହୋଇଥିବା ବୁଟ ଗଉଡ ପ୍ରକାଶ କରିଛନ୍ତି ।

ଗାଁ ଲୋକେ ପାଖ ପୋଖରୀରୁ ପାଣି ଆଣି ନିଆଁ ଲିଭାଇବାକୁ ଚେଷ୍ଟା କରି ବିଫଳ ହୋଇଥିଲେ । ଗ୍ରାମର ଜୟନ୍ତ ଗଉଡ ନର୍ଲା ଦମକଳ କେନ୍ଦ୍ରକୁ ଖବର ଦେବା ପରେ ଅଗ୍ନିଶମ କର୍ମଚାରୀ ପହଞ୍ଚି ନିଆଁ ଲିଭାଇଥିଲେ । ଅଗ୍ନିଶମ ବିଭାଗ କର୍ମଚାରୀ ଏଲଏଫ୍ଏମ ଆଗସ୍ତୁର କୁଜୁର, ସୁମନ୍ତ ଡୁଗଡୁଗ, ପି.ସି ସେଠୀ, ଆର.କେ ପଧାନ,ଏସ ଗଉଡ ପ୍ରମୁଖ ନିଆଁ ଲିଭାଇବାରେ ସାହାଯ୍ୟ କରିଥିଲେ ।