ବାତ୍ୟା ‘ଜୱାଦ୍’ : ନୟାଗଡ଼ ଜିଲ୍ଲାପାଳ ଡ.ପୋମା ଟୁଡୁ ଭର୍ଚୁଆଲ ମାଧ୍ୟମରେ ଜିଲ୍ଲାର ସମସ୍ତ ବିଭାଗର ଅଧିକାରୀ ମାନଙ୍କୁ – ସଜାଗ ରହିବା ପାଇଁ ନିର୍ଦ୍ଦେଶ

ଜିଲ୍ଲାର ସମସ୍ତ ବିଭାଗର ଅଧିକାରୀମାନେ ସଜାଗ ରହିବା ପାଇଁ ଜିଲ୍ଲାପାଳ ପରାମର୍ଶ

ଓଡ଼ିଶା ତାଜା ନ୍ୟୁଜ୍ (୦୨ ଡିସେମ୍ବର ଗୁରୁବାର ) ନୟାଗଡ଼ :- ଆସନ୍ତା ୪ ତାରିଖରେ ବାତ୍ୟା ଜୱାଦର ପ୍ରଭାବ ଦେଖିବାକୁ ମିଳିବ । ଓଡ଼ିଶାର କିଛି ଜିଲ୍ଲାରେ ଏହାର ପ୍ରଭାବ ଦେଖାଇବ । ପ୍ରବଳ ଜୋରରେ ବର୍ଷା ହେବା ସହିତ ପବନର ଗତି ଯୋର ରହିବ । ଏହାକୁ ନେଇ ରାଜ୍ୟ ସରକାର ଜିଲ୍ଲାପାଳ ମାନଙ୍କୁ ସଜାଗ ରହିବା ପାଇଁ ନିର୍ଦ୍ଦେଶ ଦେଇଛନ୍ତି । ଏହି ପରିପ୍ରେକ୍ଷୀରେ ଆଜି ନୟାଗଡ଼ ଜିଲ୍ଲାପାଳ ଡ.ପୋମା ଟୁଡୁ ଭର୍ଚୁଆଲ ମାଧ୍ୟମରେ ଜିଲ୍ଲାର ସମସ୍ତ ବିଭାଗର ଅଧିକାରୀ ମାନଙ୍କୁ ସଜାଗ ରହିବା ପାଇଁ ନିର୍ଦ୍ଦେଶ ଦେଇଛନ୍ତି ।

ମୁଖ୍ୟତଃ ଜିରୋ କାଜୁଆଲଟିକୁ ଗୁରୁତ୍ୱ ଦିଆଯାଇଛି । କୃଷି ଅଧିକାରୀ, ଉଦ୍ୟାନ ବିଭାଗ କର୍ମଚାରୀ ମାନେ ଚାଷୀ ମାନଙ୍କ ପାଖରେ ପହଁଞô୍ଚ କୃଷକ ମାନଙ୍କୁ ସଚେତନତା କରାଇବା ପାଇଁ କୁହାଯାଇଛି । ପନିପରିବା ଚାଷ ଯେପରି ନଷ୍ଟ ନହେବ, ଯଥାଶୀଘ୍ର ରାସ୍ତାଘାଟ କିପରି କ୍ଲିଅର ରହିବ, ବିଦ୍ୟୁତ ବିଭାଗର ଷ୍ଟୋରେଜ ବ୍ୟବସ୍ଥା କରିବା ପାଇଁ ଜିଲ୍ଲାପାଳ ପରାମର୍ଶ ଦେଇଛନ୍ତିତ । ଏଥିସହିତ ବିଭିନ୍ନ କମିଟି ଗଠନ କରାଯାଇଛି । ଅଗ୍ନିସମ ବିଭାଗ ସଜାଗ ରହିବା ପାଇଁ ପରାମର୍ଶ ଦିଆଯାଇଛି । ସେହିପରି ଯୋଗାଣ ବିଭାଗ ସମ୍ଭାବନା ଥିବା ବାତ୍ୟାଞ୍ଚଳରେ ଖାଦ୍ୟ ସାମଗ୍ରୀ ରଖିବା ପାଇଁ କୁହାଯାଇଛି ।

ଜିଲ୍ଲାର ସମସ୍ତ ବିଭାଗର ଅଧିକାରୀମାନେ ସଜାଗ ରହିବା ପାଇଁ ଜିଲ୍ଲାପାଳ ପରାମର୍ଶ ଦେଇଛନ୍ତି । ଆଜିର ଭର୍ଚୁଆଲ ବୈଠକରେ ନୟାଗଡ଼ ଅତିରିକ୍ତ ଜିଲ୍ଲାପାଳ ବିଧାନ ଚନ୍ଦ୍ର ରାୟ, ନୟାଗଡ଼ ପ୍ରକଳ୍ପ ନିର୍ଦ୍ଦେଶକ ସୁବାଷ ଚନ୍ଦ୍ର ରାୟ, ନୟାଗଡ଼ ଉପ ଜିଲ୍ଲାପାଳ ଲଗ୍ନଜିତ ରାଉତ ପ୍ରମୁଖ ଭର୍ଚୁଆଲ ବୈଠକରେ ସାମିଲ ହୋଇଥିଲେ । ଜିଲ୍ଲାର ସମସ୍ତ ତହସିଲଦାର, ବିଡିଓ ଙ୍କ ସମେତ ସମସ୍ତ ବିଭାଗର ଅଧିକାରୀମାନେ ସାମିଲ ହୋଇଥିଲେ ।