ଅପରାହ୍ଣ ୪ଟା ଯାଏ ଗୃହ ମୁଲତବି : ବିଜେଡି ବିଧାୟକ ମାନେ ଗ୍ୟାସ ଦର ବୃଦ୍ଧିକୁ ନେଇ ବିଧାନ ସଭା ଗାନ୍ଧି ମୁର୍ତ୍ତି ତଳେ ଆନ୍ଦୋଳନ

ଓଡ଼ିଶା ତାଜା ନ୍ୟୁଜ୍ (୦୨ ଡିସେମ୍ବର ଗୁରୁବାର ) ଭୁବନେଶ୍ୱର :- ଆଜି ବିଧାନସଭାରେ ଶୀତ ଅଧି ବେଶନର ଆରମ୍ଭର ୨ୟ ଦିନରେ ବିରୋଧୀଙ୍କ ପ୍ରବଳ ହଟ୍ଟଗୋଳ ସହ ନାରାବାଜୀ ଦେଖିବାକୁ ମିଳିଛି । ବିଜେଡି ବିଧାୟକ ମାନେ ଗ୍ୟାସ ଦର ବୃଦ୍ଧିକୁ ନେଇ ବିଧାନ ସଭା ଗାନ୍ଧି ମୁର୍ତ୍ତି ତଳେ ଆନ୍ଦୋଳନ କରୁଥିବା ବେଳେ ବିଜେପି ଓ କଂଗ୍ରେସ ପକ୍ଷରୁ ବିଧାନସଭାରେ ଆଜି ପୁଣି ଉଠିଲା ମମିତା ମେହେର ହତ୍ୟାକାଣ୍ଡ ପ୍ରସଙ୍ଗ । ଗୃହ କାର‌୍ୟ୍ୟ ଆରମ୍ଭ ହେବା କ୍ଷଣି ଉଭୟ ବିଜେପି ଓ କଂଗ୍ରେସ ଏହି ପ୍ରସଙ୍ଗ ଉଠାଇ ହଟ୍ଟଗୋଳ କରିଥିଲେ । ହୋହଲ୍ଲା ଭିତରେ ମାତ୍ର ୧୫ ସେକେଣ୍ଡ ଭିତରେ ଗୃହକୁ ମୁଲତବି ଘୋଷଣା କରିଥିଲେ ବାଚସ୍ପତି ।

ଅପରାହ୍ଣ ୪ଟା ଯାଏ ମୁଲତବି ହୋଇଛି ବିଧାନସଭା । ମମିତା ମେହେର ପ୍ରସଙ୍ଗରେ ବିରୋଧୀ ବିଜେପି ଓ କଂଗ୍ରେସ ବିଧାୟକଙ୍କୁ ହାତରେ ପ୍ଲାକାର୍ଡ ଓ ବ୍ୟାନର ଧରି ନଆସିବାକୁ ତାଗିଦ କରିଥିଲେ ବାଚସ୍ପତି । ତଥାପି ସେମାନେ ଗୃହ କାର‌୍ୟ୍ୟ ଆରମ୍ଭ ହେବା କ୍ଷଣି ମମିତା ପ୍ରସଙ୍ଗରେ ଆରମ୍ଭ କରିଥିଲେ ହଟ୍ଟଗୋଳ ।