ସଞ୍ଚୟ ପକ୍ଷ ପାଳନ ଅବସରରେ କୃତୀ ପ୍ରତିଯୋଗୀଙ୍କୁ ପୁରସ୍କୃତ – ଢେଙ୍କାନାଳ

ଓଡ଼ିଶା ତାଜା ନ୍ୟୁଜ୍ (୧୧ ନଭେମ୍ବର ଗୁରୁବାର ) ଢେଙ୍କାନାଳ :- ଭବିଷ୍ୟତରେ ନିଜର ଆବଶ୍ୟକତାକୁ ପୂରଣ କରିବା ସହିତ ଜୀବନକୁ ସୁଖମୟ କରିବା ଲକ୍ଷ୍ୟରେ ଜନସାଧାରଣଙ୍କ ମଧ୍ୟରେ ସଂଚୟ ମନୋଭାବ ବୃଦ୍ଧି ଉଦ୍ଦେଶ୍ୟରେ ସଞ୍ଚୟ ପକ୍ଷ ପାଳିତ ହେଉଅଛି । ଏହି ଅବସରରେ ଗତକାଲି ଜିଲ୍ଲା କାର୍ଯ୍ୟାଳୟସ୍ଥ ସଦଭାବନା କକ୍ଷରେ ଏକ ବକ୍ତୃତା ପ୍ରତିଯୋଗୀତା ଅନୁଷ୍ଠିତ ହୋଇଯାଇଅଛି ।

ଜିଲ୍ଲା ସ୍ଵଳ୍ପ ସଞ୍ଚୟ ବିଭାଗ ଦ୍ଵାରା ଆୟୋଜିତ ଏହି ପ୍ରତିଯୋଗିତାର କନିଷ୍ଠ ଦଳରୁ ଶୀଳାଦିତ୍ୟ ପତି – ପ୍ରଥମ, ପିନାକୀ ପ୍ରିତମ ଛୋଟରାୟ – ଦ୍ଵିତୀୟ ଏବଂ ଆଶୁତୋଷ ତ୍ରିପାଠୀ- ତୃତୀୟ ସ୍ଥାନ ଅଧିକାର କରିଥିବାବେଳେ ବରିଷ୍ଠ ଦଳରୁ ପ୍ରୀତିଛନ୍ଦା ପୃଷ୍ଟି – ପ୍ରଥମ, ଶୁଭସ୍ମିତା ସାହୁ – ଦ୍ଵିତୀୟ ଏବଂ ପ୍ରୀତିମୁକ୍ତା ରଥ ତୃତୀୟ ସ୍ଥାନ ଅଧିକାର କରିଛନ୍ତି ।

ସମସ୍ତ କୃତୀ ପ୍ରତିଯୋଗୀମାନଙ୍କୁ ଅତିରିକ୍ତ ଜିଲ୍ଲାପାଳ ଶ୍ରୀ ଶଶାଙ୍କ ଶେଖର ଦାସ ପୁରସ୍କୃତ କରିଥିଲେ । ଏହି ଉତ୍ସବରେ ଡେପୁଟି କଲେକ୍ଟର ତଥା ଜିଲ୍ଲା ସ୍ଵଳ୍ପ ସଞ୍ଚୟ ବିଭାଗ ଅଧିକାରୀ ପ୍ରଜ୍ଞାଶ୍ରୀ ପ୍ରିୟମ୍ବଦାଙ୍କ ସମେତ କାର୍ଯ୍ୟାଳୟର କର୍ମଚାରୀମାନେ ଉପସ୍ଥିତ ଥିଲେ।