ଅହେତୁକ ଦରଦାମ ବୃଦ୍ଧିକୁ ନେଇ : ରଣପୁର ବିଜେଡି ମହିଳା ମୋର୍ଚ୍ଚା ପକ୍ଷରୁ ପ୍ରତିବାଦ ଆନ୍ଦୋଳନ – ରାଷ୍ଟ୍ରପତି ଙ୍କ ଉଦେଶ୍ୟରେ ଦାବିପତ୍ର ପ୍ରଦାନ

ଓଡ଼ିଶା ତାଜା ନ୍ୟୁଜ୍ (୦୧ ନଭେମ୍ବର ସୋମବାର ) ରଣପୁର :- ବିଜୁ ଜନତା ଦଳର ଲୋକପ୍ରିୟ ନେତା ତଥା ସଭାପତି ଆଜିର ଓଡ଼ିଶାର ମୁଖ୍ୟମନ୍ତ୍ରୀ ବିଜୁ ଜନତା ଦଳ ପକ୍ଷରୁ ଓଡ଼ିଶାରେ ଜନସାଧାରଣ ଙ୍କ ଦରବୃଦ୍ଧି ଯୋଗୁଁ ହେଉଥିବା ପ୍ରତିକ୍ରିୟା ପାଇଁ ଆନ୍ଦୋଳନ କରିବାକୁ ନିଷ୍ପତ୍ତି ନିଆଯାଇଥିଲା ବେଳେ ରଣପୁର ନିର୍ବାଚନ ମଣ୍ଡଳୀ ରେ ମହିଳା ମାନଙ୍କ ଦ୍ୱାରା ପ୍ରତିବାଦ କରିବା ପାଇଁ ନିଷ୍ପତ୍ତି ନିଆଯାଇଥିଲା ।

ଏବଂ ବିଜେଡି ସୁପ୍ରିମୋ ଙ୍କ ନିଷ୍ପତ୍ତି କୁ ଅକ୍ଷରେ ଅକ୍ଷରେ ପାଳନ କରି ଆଜି ଏକ ପ୍ରତିବାଦ ଆନ୍ଦୋଳନ କରାଯାଇଥିଲା । ତେବେ ଦଳ ସୁପ୍ରିମୋ ଙ୍କ ନିଷ୍ପତ୍ତି କୁ କାର୍ଯ୍ୟକାରୀ କରିବା ପାଇଁ ଆଜି ରଣପୁର ବ୍ଲକର ମହିଳା ନେତ୍ରୀ ବିଜୁ ଜନତା ଦଳର ମହିଳା ସଭାନେତ୍ରୀ ନର୍ମଦା ରାୟ ଙ୍କ ନେତୃତ୍ୱରେ ପ୍ରାୟ ୩୦୦ ରୁ ଅଧିକ ମହିଳା

ରଣପୁର ଶହୀଦ ରଘୁଦିବାକର ମଣ୍ଡପ ନିକଟରେ ଏକତ୍ରିତ ହୋଇ ପାଇଁ ଶହୀଦ ରଘୁନାଥ ମହାନ୍ତି , ଶହୀଦ ଦିବାକର ପରିଡା ଙ୍କୁ ପୁଷ୍ପମାଲ୍ୟ ଅର୍ପଣ କରିବା ପରେ ଏକ ରାଲି କରି ରଣପୁର ବ୍ଲକ ପର୍ଯ୍ୟନ୍ତ ଯାଇଥିବା ଜଣା ପଡ଼ିଛି । ତେବେ ପଦଯାତ୍ରା ରେ ବିଜୁ ଜନତା ଦଳର ଶତାଧିକ କର୍ମୀଙ୍କୁ ନେଇ ଅନୁଷ୍ଠିତ ହୋଇଥିବା ଦେଖାଦେଇଥିଲା ।

ରଣପୁର ର ବଡ଼ଦାଣ୍ଡ ମଧ୍ୟ ଦେଇ ଗତି କରି ପିଡବ୍ଲୁଡି ଛକ ଠାରୁ ବ୍ଲକ ପର୍ଯ୍ୟନ୍ତ ପଦଯାତ୍ରା କରିଥିଲେ । ନର୍ମଦା ରାୟ ଙ୍କ ସଭାପତିତ୍ୱ ରେ ଏକ ସଭା ର ମଧ୍ୟ ଆୟୋଜନ କରାଯାଇ ଥିଲା ସେହି ସଭାରେ ରଣପୁର ବ୍ଲକ ମହିଳା ବିଜୁ ଯୁବ ଜନତା ଦଳର କୋଷାଧ୍ୟକ୍ଷ ପ୍ରତିଭା ମହାନ୍ତି ,

ପୂର୍ବତନ ସମିତିସଭ୍ୟା ତଥା ଉପାଧ୍ୟକ୍ଷା ମିନତୀ ସାହୁ ଉଦବୋଧନ ଦେବା ପରେ ଅନ୍ୟାନ୍ୟ ନାରିନେତ୍ରୀ ମାନେ ଉଦବୋଧନ ଦେଇଥିଲେ । ଉଦବୋଧନ ଦେବା ପରେ ଗ୍ୟାସ୍ ଅଭାବ ରୁ କେଉଁଭଳି ଭାବରେ ହାଣ୍ଡିଶାଳା ର ଅବସ୍ଥା ହୋଇଛି

ତାକୁ ଦର୍ଶାଇବା ପାଇଁ ଭରି ସଭାରେ ‘ଚା’ ତିଆରି ର ବ୍ୟବସ୍ଥା ହୋଇଥିଲା ଏବଂ ଏ ସମସ୍ତ କାର୍ଯ୍ୟକ୍ରମ କୁ ପୂର୍ବତନ ବ୍ଲକ ଅଧ୍ୟକ୍ଷ ଦେବାଶିଷ ପଟ୍ଟନାୟକ , ସୁରେଶ ମିଶ୍ର ଏବଂ ନଗର ସଭାପତି ସ୍ୱରାଜ ମହାନ୍ତି ଙ୍କ ସହଯୋଗ ରେ ସାମ୍ବାଦିକ ମାନଙ୍କୁ ଏଥିରେ ସହଯୋଗ କରିବା ପାଇଁ ଅନୁରୋଧ କରାଯାଇଥିଲା ।

ଏତଦବ୍ୟତୀତ ସଭା ଶେଷ ରେ ରଣପୁର ବ୍ଲକ ର ମଣ୍ଡଳ ଉନ୍ନୟନ ଅଧିକାରୀଣି ଋତ୍ତୁପର୍ଣ୍ଣା ମହାପାତ୍ର ସଭା ରେ ଯୋଗ ଦେଇଥିଲେ ଏବଂ ମହିଳା ସଭାପତି ଓ ନେତ୍ରୀ ଙ୍କ ଠାରୁ ରାଷ୍ଟ୍ରପତି ଙ୍କ ଉଦେଶ୍ୟ ରେ ଲେଖା ଯାଇଥିବା ଦାବିପତ୍ରକୁ ଗ୍ରହଣ କରିଥିଲେ ।

ଦାବିପତ୍ର ଗ୍ରହଣ କରିବା ପରେ ମଣ୍ଡଳ ଉନ୍ନୟନ ଅଧିକାରୀଣି ଏହା ଉପରେ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ପ୍ରତିକ୍ରିୟା ପ୍ରକାଶ କରିଥିଲେ । ଶେଷରେ ସମସ୍ତ ମହିଳା କର୍ମୀ ମାନଙ୍କୁ ସଭାପତି ନର୍ମଦା ରାୟ ଧନ୍ୟବାଦ ଅର୍ପଣ କରିଥିଲେ ।