No Result
View All Result
ଓଡ଼ିଶା ତାଜା ନ୍ୟୁଜ୍ (୨୧ ଅକ୍ଟୋବର ଗୁରୁବାର) ଭୁବନେଶ୍ୱର :- ସମୟ ରାତି ୧୦ଟା । ସ୍ଥାନ ଜାଗମରା ଟ୍ରାଫିକ୍ ଛକ । ନାଇଟ୍ କର୍ଫ୍ୟୁ ଯୋଗୁଁ ରାସ୍ତାରେ କାଁ ଭାଁ ଗାଡି଼ ଗଡୁଥିଲା । ହଠାତ୍ ଜିନ୍ସ ଓ ଟି-ସାର୍ଟ ପିନ୍ଧା ଯୁବତୀ ରାସ୍ତା ମଝିକୁ ଚାଲି ଆସିଲେ । ୨ ହାତକୁ ଯୋଡି଼ ନାଗିନ୍ ଡ୍ୟାନ୍ସର ପୋଜ୍ରେ ପୋଖରୀପୁଟ ରାସ୍ତା ଆଡ଼େ ମାଡି଼ ଚାଲିଲେ । ରାସ୍ତାରେ ଯାଉଥିବା ଗାଡି଼ ପ୍ରତି ତାଙ୍କର ନିଘା ନଥାଏ । ନାଗିନ୍ ଧୁନ୍ରେ ନାଚି ନାଚି ଚାଲି ଯାଉଥିଲେ । ଗାଡି଼ବାଲା ହର୍ଣ୍ଣ ମାରିଲେ ବି ଯୁବତୀ ରାସ୍ତାକଡ଼କୁ ଯାଉନଥିଲେ । ପ୍ରାୟ ୨୦ ମିନିଟ୍ ଧରି ଯୁବତୀଜଣକ ଜାଗମରା-ପୋଖରୀପୁଟ ରାସ୍ତାରେ ଏମିତି ହଙ୍ଗାମା କରିଥିଲେ ।
ଆଖପାଖ ଲୋକ, ଦୋକାନୀ ଓ କିଛି ଗାଡ଼ି ଚାଳକ ଅଟକି ଯାଇ ଯୁବତୀଙ୍କ ଫଟୋ ଓ ଭିଡିଓ ଉତ୍ତୋଳନ କଲେ । କିଛି ଲୋକ ତ ଯୁବତୀଙ୍କ ପଛେ ପଛେ ଭିଡିଓ ସୁଟିଂ କରିବାକୁ ଲାଗିଲେ । କିଛି ସହୃଦୟ ବ୍ୟକ୍ତି ରାସ୍ତା ମଝିକୁ ଯାଇ ଯୁବତୀଙ୍କୁ ଅଟକାଇଥିଲେ । ତାଙ୍କୁ ବୁଝାଇ ସୁଝାଇ ରାସ୍ତାକଡ଼କୁ ଆଣି ବସାଇଥିଲେ । ଖବର ପାଇ ଖଣ୍ଡଗିରି ଥାନା ପିସିଆର୍ ଭ୍ୟାନ୍ ସେଠାରେ ପହଞ୍ଚିଲା ।
ପିସିଆର କର୍ମଚାରୀମାନେ କିନ୍ତୁ ଯୁବତୀଙ୍କୁ ଦେଖୁ ଦେଖୁ ଚିହ୍ନି ଯାଇଥିଲେ । ସେମାନଙ୍କ ସୂଚନା ମୁତାବକ, ସମ୍ପୃକ୍ତ ଯୁବତୀ ପୂର୍ବରୁ ଏମିତି ଥରେ ଆଇଟିଇଆର୍ ଛକରେ ହାଇଡ୍ରାମା କରିଥିଲେ । ଅକ୍ଟୋବର ୧ ତାରିଖ ଅପରାହ୍ଣ ବେଳା ଏକ ଅଟୋରିକ୍ସାରେ ବସି ରହି ଖୁଲମଖୁଲା ମଦ ପିଉଥିଲେ । ସିଗାରେଟ ଫୁଙ୍କୁଥିଲେ । ଉକ୍ତ ଯୁବତୀଙ୍କୁ ପୁଲିସ ପରିବାର ଲୋକଙ୍କୁ ହସ୍ତାନ୍ତର କରିଛି ।
No Result
View All Result
