ରାଜ୍ୟ ସରକାରଙ୍କ ଜଳ ଜୀବନ ମିଶନର ଏକ ଗ୍ରାମ ପଞ୍ଚାୟତ ସ୍ତରୀୟ କାର୍ଯ୍ୟକ୍ରମ – ରଣପୁର ବ୍ଲକ୍ ର ବ୍ରଜରାଜପୁର

ଓଡ଼ିଶା ତାଜା ନ୍ୟୁଜ୍ (୧୮ ଅକ୍ଟୋବର ସୋମବାର ) ରଣପୁର :- ନୟାଗଡ଼ ଜିଲ୍ଲାରେ ରାଜ୍ୟ ସରକାରଙ୍କ ଜଳ ଜୀବନ ମିଶନର ଏକ ଗ୍ରାମ ପଞ୍ଚାୟତ ସ୍ତରୀୟ କାର୍ଯ୍ୟକ୍ରମ ରଣପୁର ବ୍ଲକ୍ ର ବ୍ରଜରାଜପୁର ପଞ୍ଚାୟତ ସମିତି କାର୍ଯ୍ୟାଳୟରେ ଭାରତ ସରକାର ଓ ରାଜ୍ୟ ସରକାରଙ୍କ ମିଳିତ ଆନୁକୂଲ୍ୟରେ ତଥା ଓଡିଶା ଗ୍ରାମ୍ୟ ଜଳ ଯୋଗାଣ ଓ ପରିମଳ ସଂସ୍ଥାନ ,ସି.ଇ.ଡି ଏବଂ ସହଭାଗୀ ଏନ.ଜି.ଓ ସିରା ( ସି.ଇ.ଇ.ଆର୍.ଏ ) ଙ୍କ ମିଳିତ ସହଯୋଗରେ ରେ ଅନୁଷ୍ଠିତ ହୋଇଯାଇଅଛି ।

ଏହି ଅବସରରେ ରଣପୁର ନିର୍ବାଚନ ମଣ୍ଡଳୀ ର ବିଧାୟକ ଶ୍ରୀଯୁକ୍ତ ସତ୍ୟନାରାୟଣ ପ୍ରଧାନ ଯୋଗ ଦେଇ କାର୍ଯ୍ୟକ୍ରମଟି କୁ ଉଦଘାଟନ କରିଥିଲେ । ସି.ଇ.ଇ ଆର୍.ଏ ତରଫରୁ ସଦସ୍ୟ ସତ୍ୟଜ୍ୟୋତି ମହାନ୍ତି ସ୍ୱାଗତ ଭାଷଣ ଦେବା ସହ କାର୍ଯ୍ୟକ୍ରମ ପରିଚାଳନା କରିଥିଲେ ।

ସି.ଇ.ଡି ନୟାଗଡ଼ ଜିଲ୍ଳା ଟିମ୍ ଲିଡ଼ ସନ୍ତୋଷ କୁମାର ଚୌଧୁରୀ ଜଳ ଜୀବନ ମିଶନ କାର୍ଯ୍ୟକ୍ରମ ର ଲକ୍ଷ ଉଦ୍ଦେଶ୍ୟ ବିଷୟରେ ଆଲୋଚନା କରିଥିଲେ । ଏହି ଅବସରରେ C E D ରାଜ୍ୟ ଶାଖା କାର୍ଯ୍ୟଳୟ ର ପ୍ରତିନିଧି ଶ୍ରୀଯୁକ୍ତ ଅରୁଣ କୁମାର ରାୟ ଏବଂ ଶ୍ରୀଯୁକ୍ତ ପ୍ରିୟବ୍ରତ ଗୁମାନସିଂ ଉପସ୍ଥିତ ରହି VWSC ( ଗ୍ରାମ୍ୟ ଜଳ ଏବଂ ପରିମଳ କମିଟି) ଓ VAP ( ଗ୍ରାମ୍ୟ କାର୍ଯ୍ୟକାରୀ ଯୋଜନା) ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ ।

ବିଧାୟକ ଶ୍ରୀଯୁକ୍ତ ପ୍ରଧାନ ନୟାଗଡ଼ ଜିଲ୍ଲାର ପ୍ରତ୍ୟକ ଘରକୁ ପାନୀୟ ଜଳ ଯୋଗାଣ ଏବଂ ଗ୍ରାମବାସୀ ମାନଙ୍କ ମଧ୍ୟରେ କିପରି ଜାଗରଣ,ଉତ୍ସାହ, ସଚେତନତା ସୃଷ୍ଟି କରିବା ବିଷୟରେ ଆଲୋଚନା କରିଥିଲେ । ପୂର୍ବତନ ଚେୟାରମ୍ୟାନ ଶ୍ରୀଯୁକ୍ତ ଦେବାଶିଷ ପଟ୍ଟନାୟକ ଅଞ୍ଚଳରେ ଆଗାମୀ ଦିନ ମାନଙ୍କରେ ଜଳାଭାବ ଜନିତ ସମସ୍ୟା, ବର୍ଷା ଜଳ ସରଂକ୍ଷଣ , ଭୂତଳ ଜଳ ସରଂକ୍ଷଣ ଓ ଏହାର ସଦୁପଯୋଗ ବିଷୟରେ କହିଥିଲେ । ବ୍ରଜରାଜପୁର ପଞ୍ଚାୟତର ସମିତିସଭ୍ୟ ଶ୍ରୀଯୁକ୍ତ ତପନ କୁମାର ପଟ୍ଟନାୟକ ଜଳ ଜୀବନ ମିଶନର ବିଭିନ୍ନ ଦିଗ ବିଷୟରେ ଆଲୋଚନା କରିଥିଲେ ।

ସରପଞ୍ଚ ଶ୍ରୀଯୁକ୍ତ ସୁକାନ୍ତ ଚନ୍ଦ୍ର ସାମନ୍ତରାୟ ଜଳ ଜୀବନ ମିଶନ ର ଏହି କାର୍ଯ୍ୟକ୍ରମ ରେ ସମସ୍ତ ଙ୍କ ସହଯୋଗ ଆଶା କରିଥିଲେ ଏବଂ ପଞ୍ଚାୟତ ତରଫରୁ ପୂର୍ଣ୍ଣ ସହଯୋଗ ରହିବାର ପ୍ରତିଶୃତି ଦେଇଥିଲେ । ଗ୍ରାମ ପଞ୍ଚାୟତ ରେ ପ୍ରତି ପରିବାରକୁ ପାଇପ୍ ଯୋଗେ ପାନୀୟ ଜଳ ଯୋଗାଇ ଦେବାକୁ ଏକ ଶପଥ ପାଠ କାର୍ଯ୍ୟକ୍ରମ କରାଯାଇଥିଲା ।