କଳାହାଣ୍ଡିର ଆରାଧ୍ୟା ଦେବୀ ମା ମାଣିକେଶ୍ଵରୀଙ୍କ ଛତରଯାତ୍ରା

ଓଡ଼ିଶା ତାଜା ନ୍ୟୁଜ (୧୩ ଅକ୍ଟୋବର ବୁଧବାର ) କଳାହାଣ୍ଡି :- ଆଜି କଳାହାଣ୍ଡିର ଆରାଧ୍ୟା ଦେବୀ ମାଁ ମାଣିକେଶ୍ଵରୀଙ୍କ ଛତରଯାତ୍ରା ଅନୁଷ୍ଠିତ ହୋଇଯାଇଛି। କରୋନା କଟକଣା ଯୋଗୁଁ ବିନା ଭକ୍ତରେ ଯାତ୍ରାକୁ ଅନୁମତି । କଡା ସୁରକ୍ଷା ବଳୟ ମଧ୍ୟରେ ମା ମାଣିକେଶ୍ୱରୀଙ୍କ ଛତର ମନ୍ଦିରକୁ ପ୍ରତ୍ୟାବର୍ତ୍ତନ । କଟକଣା ସତ୍ତ୍ବେ ହଜାର ହଜାର ସଂଖ୍ୟାରେ ପଡିଲା ପଶୁପକ୍ଷୀ ବଳି । ପରମ୍ପରା ଆଗରେ ହାର ମାନିଲା ଜିଲ୍ଲା ପ୍ରଶାସନ । ଆଜି ଭୋର ସାଢ଼େ ୫ ଟାରେ ମା ମାଣିକେଶ୍ୱରୀଙ୍କ ଛତର ଜେନାଖାଲରୁ ବାହାରିଥିଲା ।

ପ୍ରାୟ ସାଢ଼େ ୮ ଟାରେ ଛତର ମାଣିକେଶ୍ୱରୀ ମନ୍ଦିରରେ ପହଞ୍ଚି ଥିଲା । ଜିଲ୍ଲା ପ୍ରଶାସନ ପକ୍ଷରୁ ୧୦ ପ୍ଲାଟୁନ ପୁଲିସ ଫୋର୍ସ ମୁତୟନ ହୋଇଥିଲେ । କୋଭିଡ କଟକଣା ଯୋଗୁଁ ଆଜି ଅପରାହ୍ନ ୪ ଟା ପର୍ଯ୍ୟନ୍ତ ଭବାନୀପାଟଣା ସହରରେ ୧୪୪ ଧାରା ଜାରି କରାଯାଇଛି । ଏହା ଯୋଗୁଁ ଭକ୍ତ ମାନେ ନିରାଶ ହୋଇଥିଲେ । (ରିପୋର୍ଟ ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିଫ)