ମାନବିକତା ଦେଖାଇଲେ ନିର୍ବାହୀଅଧିକାରୀ ଓ କେସିଙ୍ଗା ଥାନା ଅଧିକାରୀ, ଅଫିସ ଗାଡ଼ିରେ ଚିକିତ୍ସା ପାଇଁ ନେଲେ ମୁର୍ମୁଷୁ ମହିଳାଙ୍କୁ

ଓଡ଼ିଶା ତାଜା ନ୍ୟୁଜ (୯ ଅକ୍ଟୋବର ଶନିବାର ) କଳାହାଣ୍ଡି :- କଳାହାଣ୍ଡି ଜିଲ୍ଲା କେସିଙ୍ଗା ଅମ୍ବାଜି ମନ୍ଦିର ପାଖରେ ଏକ ନିରାଶ୍ରୟ ମହିଳା ଗତ ଦୁଇଦିନ ଧରି ରୋଗରେ ପୀଡିତ ହୋଇ ମୁର୍ମୁଷୁ ଅବସ୍ଥାରେ ପଡ଼ିଥିଲେ । ଗୁରୁବାର ରାତି ୧୦ରେ ଖବର ପାଇ ନିର୍ବାହୀଅଧିକାରୀ ସିଦ୍ଧାର୍ଥ ପଟ୍ଟନାୟକ ଓ ଆଇ ଆଇ ସି ସତ୍ୟ କୁମାର ନନ୍ଦ ପହଞ୍ଚି ଏହି ମହିଳାଙ୍କୁ ଉଦ୍ଧାର କରିଥିଲେ । ଆମ୍ବୁଲାନ୍ସ ଆସିବା ପ୍ରକ୍ରିୟା ବିଳମ୍ବ ହେବା ଦେଖି ଏହି ଦୁଇ ଅଧିକାରୀ ନିର୍ବାହୀ ଅଧିକାରୀଙ୍କ ଅଫିସ ବୋଲେରୋରେ ଏହି ବୃଦ୍ଧା ମୁର୍ମୁଷୁ ମହିଳାଙ୍କୁ ନେଇ କେସିଙ୍ଗା ହସ୍ପିଟାଲରେ ଚିକିତ୍ସା କରାଇଥିଲେ । ମହିଳା ଜଣକ ଗତ ଦୁଇଦିନ ହେଲା ଜ୍ବରରେ ଆକ୍ରାନ୍ତ ହୋଇ ପଡ଼ିଥିଲେ ।

ଏହି ବୃଦ୍ଧା ନିରାଶ୍ରୟ ଥିବାବେଳେ ଅମ୍ବାଜି ମନ୍ଦିର ନିକଟରେ ଭିକ୍ଷା ବୃତ୍ତି କରି ଚଳୁଥିଲେ । ଏହି ଦୁଇ ଅଧିକାରୀଙ୍କ ରାତି ୧୦ ଟାରେ ଏଭଳି ତୁରନ୍ତ ପଦକ୍ଷେପକୁ ବିଭିନ୍ନ ମହଲରେ ପ୍ରଶଂସା କରାଯାଇଛି । ବର୍ତ୍ତମାନ ସେହି ମୁର୍ମୁଷୁ ମହିଳାଙ୍କ ଚିକିତ୍ସା କେସିଙ୍ଗା ହସ୍ପିଟାଲରେ ଚାଲୁଛି । ପୂର୍ବରୁ ବି ନିର୍ବାହୀଅଧିକାରୀ ନିଜ ସରକାରୀ ବୋଲେରୋରେ ବୃଦ୍ଧାଙ୍କୁ ଟୀକା କରଣ ପାଇଁ ନେବା ଏବଂ ଦୁର୍ଘଟଣାରେ ଗୁରୁତର ଆହାତଙ୍କୁ ନିଜ ଗାଡିରେ ନେଇ ଚିକିତ୍ସା କରାଇବା ନେଇ ନିଜ ମାନବିକତାର ପରିଚୟ ଦେଇଛନ୍ତି । ଅନ୍ୟମାନଙ୍କ ପାଇଁ ପ୍ରେରଣା ମଧ୍ୟ ସାଜିଛନ୍ତି । ( ରିପୋର୍ଟ ପ୍ରଦୀପ କୁମାର ଗଉଡ )