ଡଙ୍ଗରମାଲରେ ଏକ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ

ଓଡ଼ିଶା ତାଜା ନ୍ୟୁଜ୍ (୦୫ ଅକ୍ଟୋବର ମଙ୍ଗଳବାର) କଳାହାଣ୍ଡି :- ନର୍ଲା ବ୍ଳକ ଅନ୍ତର୍ଗତ ଡଙ୍ଗରମାଲ ମାଁ ମାଉଲୀ କ୍ଲବ ପକ୍ଷରୁ ଏକ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି। ଏହି ଫୁଟବଲ ଟୁର୍ଣ୍ଣାମେଣ୍ଟରେ ଆଠ ଗୋଟି ଦଳ ଯୋଗଦେଇ ଥିଲେ। ଡଙ୍ଗରତଳପଡା ( କ), ଡଙ୍ଗରତଳପଡା (ଖ), ନର୍ଲା ଇଲେଭେନ ଷ୍ଟାର, ବୁଦେଲପଦର, ଭଟାଙ୍ଗ, ଦହଲ, ଯୋଡାବନ୍ଧ, ଗାଢେବନ୍ଧ ଆଦି ଗ୍ରାମର ଫୁଟବଲ ଦଳ ଅଂଶଗ୍ରହଣ କରିଥିଲେ। ଖେଳ ପ୍ରାରମ୍ଭିକ ପର୍ଯ୍ୟାୟରେ ଡଙ୍ଗରତଳପଡା (ଖ) ଦଳ ଭଟାଙ୍ଗକୁ ଟାଇବ୍ରେକରରେ ୫/୪ ଗୋଲରେ ପରାସ୍ତ କରି ଫାଇନାଲରେ ପହଞ୍ଚି ଥିଲେ। ଅନ୍ୟପକ୍ଷରେ ନର୍ଲା ଇଲେଭେନ ଷ୍ଟାର ଡଙ୍ଗରତଳପଡା (କ) ଦଳକୁ ୨/୧ ଗୋଲରେ ହରାଇ ଫାଇନାଲକୁ ପ୍ରବେଶ କରିଥିଲେ ।

ଶେଷରେ ଡଙ୍ଗରତଳପଡା (ଖ) ଓ ନର୍ଲା ଇଲେଭେନ ଷ୍ଟାର ମଧ୍ୟରେ ଫାଇନାଲ ଖେଳ ହୋଇଥିଲା । ଏଥିରେ ଦୁଇ ଦଳ ମଧ୍ୟରେ ସଂଘର୍ଷପୂର୍ଣ୍ଣ ଖେଳ ହୋଇଥିଲା । ତେବେ ଦୁଇ ଗୋଟି ଦଳ ୧ ଗୋ ଲ୍ ଲେଖାଏଁ ଦେଇଡ଼୍ର ହୋଇଥିଲେ । ସମୟର ସ୍ୱଳ୍ପତା ଦୃଷ୍ଟିରୁ ଟାଇବ୍ରେକର ଜରିଆରେ ଖେଳ ହୋଇଥିଲା । ଏଥିରେ ପୁଣି ଦୁଇ ଦଳ ସମାନ ସଂଖ୍ୟକ ଅଙ୍କ ପାଇଥିବାରୁ ଶେଷ ପର୍ଯ୍ୟାୟରେ ଟସ ଜରିଆରେ ଭାଗ୍ୟ ନିର୍ଣ୍ଣୟ କରାଯାଇଥିଲା । ଯାହା ଫଳରେ ନର୍ଲା ଦଳ ଟସ ବିଜୟୀ ହୋଇ ବିଜେତା ଦଳ ଭାବରେ ଘୋଷିତ ହୋଇଥିଲେ  ।

ଏହି ଟୁର୍ଣ୍ଣାମେଣ୍ଟରେ ମୁଖ୍ୟ ଅତିଥି ଭାବେ ନର୍ଲା ସରପଂଚ ଚିରଞ୍ଜିବୀ ଗୈାଡିଆ ଯୋଗଦେଇ ବିଜୟୀ ନର୍ଲା ଓ ଡଙ୍ଗରତଳପଡା ( ଖ) ଦଳକୁ ଟ୍ରଫି ସହ ପୁରସ୍କାର ପ୍ରଦାନ କରିଥିଲେ। ପୂର୍ବତନ ଫୁଟବଲ ଖେଳାଳୀ ତଥା ସାମ୍ବାଦିକ ତ୍ରିଲୋଚନ ଗଉଡ ଖେଳ ପରିଚାଳନା କରିଥିବା ବେଳେ ଲାଇନରେ ସହଯୋଗ କରିଥିଲେ ପ୍ରିୟବ୍ରତ ଚାନ୍ଦ ଓ ଅରୁଣ କୁମାର ମାଝୀ । ମାଁ ମାଉଲୀ କ୍ଲବ ସଭାପତି କିଶୋର ଚନ୍ଦ୍ର ମାଝୀ, ଚକ୍ରଧର ଗଉଡ, ସୁରେଶ ମାଝୀ, ଉଗ୍ରେସନ ସାହୁ, ଲକ୍ଷ୍ମଣ ମାଝୀ ପ୍ରମୁଖ ଫୁଟବଲ ଟୁର୍ଣ୍ଣାମେଣ୍ଟକୁ ସଫଳ କରିବାରେ ସହଯୋଗ କରିଥିଲେ ।