ପଲମ ପ୍ରେସ୍ କ୍ଲବ୍ ପକ୍ଷରୁ କୋଭିଡ୍ ଯୋଦ୍ଧାଙ୍କୁ ସମ୍ୱର୍ଦ୍ଧନା

ଓଡ଼ିଶା ତାଜା ନ୍ୟୁଜ୍ (୦୩ ଅକ୍ଟୋବର ରବିବାର ) କଳାହାଣ୍ଡି :- ନର୍ଲା ବ୍ଲକ ଅଧିନ ପଲମ ଗ୍ରାମ ପଞ୍ଚାୟତ ପରିସରରେ ପ୍ରେସକ୍ଲବ୍, ପଲମ ତରଫରୁ ସମ୍ମୁଖ କରୋନା ଯୋଦ୍ଧାଙ୍କୁ ଉପଢୌକନ ଓ ମାନପତ୍ର ପ୍ରଦାନ କରି ସ୍ୱାଗତ୍ ସମ୍ୱର୍ଦ୍ଧନା କରାଯାଇଥିଲା । ପ୍ରେସ୍ କ୍ଲବ୍ ସଭାପତି ତଥା ବରିଷ୍ଠ ସାମ୍ୱାଦିକ ଭିକାରୀ ଗୌଡଙ୍କ ଅଧ୍ୟକ୍ଷତାରେ ଓ ପ୍ରେସ୍ କ୍ଲବ ସମ୍ପାଦକ ତଥା ‘ସମ୍ୱାଦ’ ପ୍ରତିନିଧି ଅଜୟ ସେନାପତିଙ୍କ ନେତୃତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ପଲମ ଫାଣ୍ଡି ଅଧିକାରୀ ଅସିତ ପଣ୍ଡା, ସମ୍ମାନୀତ ଅତିଥି ଭାବରେ ପଲମ ପେକ୍ସ୍ ସଭାପତି ରବିନ୍ଦ୍ରନାଥ ଭୋଇ, ମହିଳା ସ୍ୱାସ୍ଥ୍ୟକର୍ମୀ ପୁଷ୍ପାଞ୍ଜଳୀ ସାହୁ, ପ୍ରାଣୀଧନ ଚିକିତ୍ସକ ସଲମୀ କୁମାର, ସ୍ୱେଚ୍ଛାସେବୀ ରାଜମୋହନ ପଟ୍ଟନାୟକ, ପଲମ ପିଇଓ ଟିକେରାମ ଛତ୍ରିଆ, ଟକର୍ଲା ସରପଞ୍ଚ ସୁଶିଲା ମାଝୀ ଓ ପଲମ ସରପଞ୍ଚ ସାବିତ୍ରୀ ମାଝୀ ପ୍ରମୁଖ ଯୋଗଦାନ କରିଥିଲେ ।

ପ୍ରେସକ୍ଲବ୍ ସଭାପତି ଶ୍ରୀ ଗୌଡ ଅତିଥି ପରିଚୟ ପ୍ରଦାନ କରିଥିବା ବେଳେ ମଞ୍ଚ ପରିଚାଳନା ସାମ୍ୱାଦିକ ପ୍ରଦୀପ କୁମାର ଗଉଡ କରିଥଲେ । ଉପସ୍ଥିତ ସମସ୍ତ ଅତିଥି ତଥା କୋଭିଡ୍ ଯୋଦ୍ଧାଙ୍କୁ ପ୍ରେସକ୍ଲବ୍ ପଲମ ତରଫରୁ ଉପଢୌକନ ଓ ମାନପତ୍ର ପ୍ରଦାନ କରାଯାଇ ସମ୍ୱର୍ଦ୍ଧିତ କରାଯାଇଥିଲା । ସାମ୍ୱାଦିକ ଜୀବରଧନ ସାହୁ, ପ୍ରଦୀପ କୁମାର ଗଉଡ ଓ ଖଗେଶ୍ୱର କୁମାରଙ୍କ ସମେତ ଶୁସିଲ ସାହୁ, କୋଟିଆ ଭୋଇ, ପ୍ରଶାନ୍ତ ସାହୁ, ମୋହନ ସାହୁ, ଧର୍ମେନ୍ଦ୍ର ସାହୁ ଓ ପଲମ ଫାଣ୍ଡି କର୍ମଚାରୀ ସହଯୋଗ କରିଥିଲେ । ଶେଷରେ ସାମ୍ୱାଦିକ ଖଗେଶ୍ୱର କୁମାର ଉପସ୍ଥିତ ସମସ୍ତଙ୍କୁ ଧନ୍ୟବାଦ ଦେଇଥିଲେ ।