ପଞ୍ଚାୟତ ସ୍ତରୀୟ କାର୍ଯ୍ୟକାରିଣୀ ବୈଠକ : ବିଜେପିରେ ଯୋଗଦେଲେ ୨୦ ରୁ ଉର୍ଦ୍ଧ ଯୁବକ

ଓଡ଼ିଶା ତାଜା ନ୍ୟୁଜ୍ (୨୯ ସେପ୍ଟେମ୍ବର ବୁଧବାର ) ବୈପାରିଗୁଡା :- ପଞ୍ଚାୟତ ନିର୍ବାଚନ କୁ ଆଖି ଆଗରେ ରଖି ବ୍ଲକର ସମସ୍ତ ଦଳ ପକ୍ଷରୁ ମିଶ୍ରଣ ପର୍ବ ଆୟୋଜନ କରି ଯୁବଗୋଷ୍ଠୀକୁ ନିଜ ଦଳ ରେ ସାମିଲ କରି ପଞ୍ଚାୟତକୁ ନିଜ ଅଧିନ କୁ ନେବା ପାଇଁ ଲାଗିପଡିଥିବା ବେଳେ ବିଜେପିଦଳ ପକ୍ଷରୁ ମଧ୍ୟ କେନ୍ଦୁଗୁଡା ପଞ୍ଚାୟତର ଭାତଡଙ୍ଗର ଠାରେ କାର୍ଯ୍ୟକାରିଣୀ ବୈଠକ କରି ୨୦ ରୁ ଉର୍ଦ୍ଧ ଯୁବକଙ୍କୁ ବିଜେପି ଦଳରେ ସାମିଲ କରିଥିବାର ଜଣାପଡିଛି ! ବିଜେପି ପକ୍ଷରୁ ଆୟୋଜିତ ପଞ୍ଚାୟତ ସ୍ତରୀୟ କାର୍ଯ୍ୟକାରିଣୀ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଭରସା କରି ଓ ବିଜେପି ଦଳର ନିତୀ ଓ ଆଦର୍ଶରେ ଅନୁପ୍ରାଣିତ ହୋଇ ପଞ୍ଚାୟତର ବିକାଶ ଲକ୍ଷ୍ୟରେ ବୈପାରିଗୁଡା ମଣ୍ଡଳ ସଭାପତି ଉମେଶ ଚନ୍ଦ୍ର ପଟନାୟକ ଓ କେନ୍ଦୁଗୁଡା ପଞ୍ଚାୟତ ସଭାପତି ରଘୁନାଥ ପ୍ରଧାନୀଙ୍କ ନେତୃତ୍ୱରେ ୨୦ରୁ ଉର୍ଦ୍ଧଯୁବକ ବିଜେପି ଦଳରେ ଯୋଗ ଦେଇଛନ୍ତି ।

କେନ୍ଦୁଗୁଡା ପଞ୍ଚାୟତ ସଭାପତି ରଘୁନାଥ ପ୍ରଧାନୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକାରିଣୀ ବୈଠକରେ ବୈପାରିଗୁଡା ମଣ୍ଡଳସଭାପତି ଉମେଶ ପଟନାୟକ. ସମ୍ପାଦକ ମକର ମାଳୀ,କଷାଧିକ୍ଷ ପ୍ରତାପ ମୁଜିଆ, ସାଧାରଣ ସମ୍ପାଦକ ଚକ୍ର ବୈରାଣୀ, ବ୍ଲକ ଆଦିବାସୀ ମୋର୍ଚ୍ଛା ସଭାପତି ଧନପତି ନାୟକ,ପ୍ରମୁଖ ଅତିଥି ଭାବେ ଯୋଗଦେଇ କେନ୍ଦ୍ର ମୋଦୀ ସରକାରଙ୍କ ବିଭିନ୍ନ ଗରୀବକଲ୍ୟାଣ ଯୋଜନା ସଂପର୍କରେ ଆଲୋକପାତ କରିଥିଲେ ।

ଦଳରେ ଯୋଗ ଦେଇଥିବା ଯୁବକ ମାନଙ୍କୁ ଅତିଥିମାନେ ଦଳୀୟ ଉତ୍ତରୀୟ ଦେଇ ସ୍ୱାଗତ କରିଥିଲେ। ପଞ୍ଚାୟତ ଉନ୍ନତି ସହ ରାଜ୍ୟସରକାରଙ୍କ ବିଫଳତା ଲୋକଲୋଚନକୁ ନେଇ ପଞ୍ଚାୟତ ନିର୍ବାଚନ ରେ ବିଜେପି ଦଳ ପକ୍ଷରୁ ଠିଆ ହୋଇ କେନ୍ଦ୍ର ସରକାର ଙ୍କ ସମସ୍ତ ଯୋଜନା ଜନସାଧାରଣଙ୍କ ନିକଟ ରେ ଉପସ୍ଥାପନା କରାଯିବ ବୋଲି ମଣ୍ଡଳ ସଭାପତି ଉମେଶ ଚନ୍ଦ୍ର ପଟନାୟକ କହିଛନ୍ତି ! ଜନସାଧାରଣ ମାନେ କେମିତି ସରକାରୀ ସହାୟତାରୁ ବଞ୍ଚତ ନ ହେବେ ସେଥି ପ୍ରତି ଏହି ଯୁବକ ମାନଙ୍କ ନଜର ରହିବ ବୋଲି ଜଣାପଡିଛି !କେନ୍ଦ୍ରସରକାର ପ୍ରଧାନମନ୍ତ୍ରୀ ଆବାସ ଯୋଜନା କେହିଁ ମଧ୍ୟ କେମିତି ବାଦ ନ ପଡିବେ ସେଥି ପ୍ରତି ଗୁରୁତ ଦେବ ବୈପାରିଗୁଡା ବିଜେପି ! (ରିପୋର୍ଟ – ବିକ୍ରାନ୍ତ କୁମାର ବେବର୍ତ୍ତା/ବୈପାରିଗୁଡା)