ନିଖିଳ ଓଡ଼ିଶା ଆୟୁଷ ଡାକ୍ତର ସଂଘର ସ୍ଥାୟୀ ନିଯୁକ୍ତି ଦାବି

ଓଡ଼ିଶା ତାଜା ନ୍ୟୁଜ୍ (୨୯ ସେପ୍ଟେମ୍ବର ବୁଧବାର ) କଳାହାଣ୍ଡି :- କଳାହାଣ୍ଡି ଜିଲ୍ଲା ଆୟୁଷ ଡାକ୍ତର ସଂଘ ପକ୍ଷରୁ ସ୍ଥାୟୀ ନିଯୁକ୍ତି ଦାବିରେ ନିଖିଳ ଓଡ଼ିଶା ଆୟୁଷ ଡାକ୍ତର ରାଜ୍ୟ ସଂଘର ନିର୍ଦ୍ଦେଶକ୍ରମେ କଳାହାଣ୍ଡି ଜିଲ୍ଲାପାଳ ଓ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି। କଳାହାଣ୍ଡି ଜିଲ୍ଲାରେ ବିଭିନ୍ନ ପ୍ରାଥମିକ ଓ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ୨୦୦୭ ମସିହାରୁ ୧୪ ବର୍ଷ ଧରି ଆୟୁଷ ଡାକ୍ତରମାନେ କାର୍ଯ୍ୟ କରି ଆସୁଛନ୍ତି। ସେହିପରି କଳାହାଣ୍ଡି ଜିଲ୍ଲାରେ ୨୮ ଜଣ ଆୟୁଷ ଡାକ୍ତର କାର୍ଯ୍ୟରତ ଅଛନ୍ତି। ସାରା ଓଡ଼ିଶାରେ ୧୧୫୫ ଜଣ ଆୟୁଷ ଡାକ୍ତର ନିଷ୍ଠାର ସହ ରୋଗୀ ମାନଙ୍କୁ ଚିକିତ୍ସା ସେବା ଯୋଗାଇ ଆସୁଛନ୍ତି । ଡାକ୍ତରଗଣ ଜାତୀୟ ସ୍ଵାସ୍ଥ୍ୟ ମିଶନ ଅଧିନରେ କାର୍ଯ୍ୟରତ ଥିବା ବେଳେ ରାଜ୍ୟ ସଂଘର ଆହ୍ବାନ କ୍ରମେ ଗତ ୧୫ ତାରିଖ ଦିନ ରାଜ୍ୟ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରିଛନ୍ତି ।

ତେବେ ସେପ୍ଟେମ୍ବର ୩୦ ତାରିଖ ସୁଦ୍ଧା ଦାବି ପୂରଣ ନହେଲେ ଆସନ୍ତା ଅକ୍ଟୋବର ୨ ତାରିଖ ଗାନ୍ଧୀ ଜୟନ୍ତୀ ଠାରୁ କେବଳ ଆୟୁଷ ଡାକ୍ତରମାନେ ଓପିଡି କରିବେ ଏବଂ ଅନ୍ୟ କାର୍ଯ୍ୟ ଯଥା ଇମରଜେନସି, ଟେଲିମେଡିସିନ, ଏମ୍ଓ, ପୋର୍ଟାଲ ଭଳି ସମସ୍ତ ଜାତୀୟ କାର୍ଯ୍ୟକ୍ରମକୁ ଅସହଯୋଗ କରିବେ ବୋଲି ଘୋଷଣା କରିଛନ୍ତି। ୨୦୧୯ ମସିହାରେ ପାରା ମେଡିକାଲକୁ ନିୟମିତ କରିଥିବା ବେଳେ ଆୟୁଷ ଡାକ୍ତରଙ୍କୁ ବାରମ୍ବାର ପ୍ରତିଶ୍ରୁତି ଦେଇ ନିୟମିତ କରୁ ନ ଥିବା ଅଭିଯୋଗ କରିଛନ୍ତି ।

ଅଲ ଓଡ଼ିଶା ଡାକ୍ତର ସଂଘର ଅସହଯୋଗ ଆନ୍ଦୋଳନ ଅକ୍ଟୋବର ୨ ତାରିଖରେ ହେବାକୁ ଥିବା ବେଳେ ଏହାକୁ ସମର୍ଥନ ଜଣାଇ କଳାହାଣ୍ଡି ଜିଲ୍ଲା ଆୟୁଷ ଡାକ୍ତର ସଂଘ ପକ୍ଷରୁ ସଭାପତି ଡ଼ା ଦୁର୍ଯ୍ୟୋଧନ ପ୍ରଧାନ, ସାଧାରଣ ସମ୍ପାଦକ ଡ଼ା ସତ୍ୟନାରାୟଣ ମଲ୍ଲିକ, ସହ ସଂପାଦିକା ଡ଼ା ପୁଷ୍ପାଞ୍ଜଳି ନାୟକ ଓ ବହୁ ଡାକ୍ତରଗଣ ଏକତ୍ରିତ ହୋଇ କଳାହାଣ୍ଡି ଜିଲ୍ଲାପାଳ ଓ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କୁ ଏକ ଦାବିପତ୍ର ପ୍ରଦାନ କରିଥିଲେ। (ରିପୋର୍ଟ ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିଫ )