ଷଢେଇକଳା ଓ ଖରସୁଆଁର ଓଡ଼ିଆ ପିଲାମାନଙ୍କୁ ସ୍କୁଲରେ ଓଡ଼ିଆ ନପଢେଇବା ଚକ୍ରାନ୍ତରୁ ଝାଡ଼ଖଣ୍ଡ ସରକାର କ୍ଷାନ୍ତରହୁ

ଓଡ଼ିଶା ତାଜା ନ୍ୟୁଜ୍ (୨୯ ସେପ୍ଟେମ୍ବର ବୁଧବାର) କଟକ :- ଗତ କିଛିଦିନ ହେଲାଣି ଝାଡ଼ଖଣ୍ଡ ସରକାର ଏବଂ ଝାଡ଼ଖଣ୍ଡର ଓଡ଼ିଆ ନାଗରିକଙ୍କୁ ତାଙ୍କର ନ୍ଯାର୍ଯ୍ଯ ଦାବିକୁ ଅଣଦେଖା କରିବା ସହିତ ଚକ୍ରାନ୍ତ କରୁଛନ୍ତି ଆଉ ଝାଡ଼ଖଣ୍ଡରେ ଓଡ଼ିଆ ପିଲାଙ୍କୁ ଓଡ଼ିଆ ପଢେଇଦେବେନି । ଓଡ଼ିଶାର ବିଛିନ୍ନାଞ୍ଚଳ ଖରସୁଆଁ ଓ ଷଢେଇକଳାର ଓଡ଼ିଆ ଭାଷାଭାଷୀ ମାନଙ୍କ ଅନେକ ବର୍ଷର ଆନ୍ଦୋଳନ ଓ ଦାବି ପରେ ୨୦୧୧ ମସିହା ସେପ୍ଟେମ୍ବର ୧୧ ତାରିଖରେ ଝାଡ଼ଖଣ୍ଡ ସରକାର ଓଡ଼ିଆ ଭାଷାକୁ ଦ୍ବିତୀୟ ରାଜ୍ଯଭାଷା ମାନ୍ଯତା ଦେଇଥିଲେ । ଫଳରେ ରାଜ୍ୟରେ ଓଡ଼ିଆ ପିଲାମାନେ ଓଡ଼ିଆ ଭାଷାରେ ପଢୁଥିଲେ ।

ହେଲେ ବିଡମ୍ବନାର ବିଷୟ ଝାଡ଼ଖଣ୍ଡ ରାଜ୍ୟ ସରକାରଙ୍କ ଗଣଶିକ୍ଷା ବିଭାଗ ନିଷ୍ପତି ନେଇଛନ୍ତି ୨୦୨୧ – ୨୦୨୨ ଶିକ୍ଷା ବର୍ଷରେ ଦ୍ବିତୀୟ ଭାଷା ଓଡ଼ିଆକୁ ଉଛେଦ କରିବେ । ଫଳରେ ଝାଡ଼ଖଣ୍ଡରେ ରହୁଥିବା ଓଡ଼ିଆ ଭାଷାଭାଷୀ ଏବଂ ଓଡ଼ିଶାର ବିଛିନ୍ନାଞ୍ଚଳ ଷଢେଇକଳା ଓ ଖରସୁଆଁର ଓଡ଼ିଆ ଭାଇ ଓ ଭଉଣୀ ମାନେ ଚାହିଁଲେବି ସ୍କୁଲରେ ଆଉ ଓଡ଼ିଆ ପଢ଼ି ପାରିବେ ନାହିଁ । ଏହାକୁ ନିନ୍ଦା କରିବା ସହିତ ଝାଡ଼ଖଣ୍ଡ ରାଜ୍ୟ ସରକାରଙ୍କୁ ଏଭଳି ନିଷ୍ପତିରୁ ଓହରିବା ପାଇଁ ନୀଳଶୈଳ ଏବଂ ବିଶ୍ବ ଓଡ଼ିଆ ସମ୍ମିଳନୀ ପକ୍ଷରୁ ଦାବି କରାଯାଉଛି । (ରିପୋର୍ଟ/ବିଭୁ ପ୍ରସାଦ ନାୟକ)