ବିଧାନ ସଭା ବିଦ୍ୟୁତ ସବ୍ କମିଟି ର ବରଗଡ଼ ଜିଲ୍ଲା ପରିଦର୍ଶନ

ତାଜା ନ୍ୟୁଜ୍ (୨୫ ସେପ୍ଟେମ୍ୱର ଶନିବାର ) ବରଗଡ଼ :- ଓଡ଼ିଶା ବିଧାନ ସଭାର ବିଦ୍ୟୁତ ବିଭାଗର ସବ୍ କମିଟି ର ସଦସ୍ୟ ମାନେ ଆଜି ବରଗଡ଼ ଜିଲ୍ଲା ର ବିଭିନ୍ନ ଅଞ୍ଚଳ ରେ ଥିବା ବିଦ୍ୟୁତ ଯୋଗାଣ ର ନିରୀକ୍ଷଣ କରି ସେଠାରେ ଦେଖାଦେଉଥିବା ସମସ୍ୟା ର ତୁରନ୍ତ ସମାଧାନ କରି ଜନସାଧାରଣ ଙ୍କୁ ନିର ବିଛିନ୍ନ ଭାବେ ବିଦ୍ୟୁତ ସେବା ଯୋଗାଇ ଦେବା କୁ ଉପସ୍ଥିତ ବିଭାଗୀୟ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ। କମିଟି ର ଅଧ୍ୟକ୍ଷ ବିଧାୟକ ନରସିଂହ ମିଶ୍ର ଙ୍କ ନେତୃତ୍ବରେ କମିଟି ର ସଦସ୍ୟ ଦେବଗଡ଼ ବିଧାୟକ ସୁବାଷ ପାଣିଗ୍ରାହୀ, ବ୍ରଜରାଜନଗର ବିଧାୟକ କିଶୋର ମହାନ୍ତି ବିଭିନ୍ନ ସ୍ଥାନରେ ଥିବା ବିଦ୍ୟୁତ ଯୋଗାଣ ର ଭିତ୍ତି ଭୂମିକୁ ବୁଲି ଦେଖିଥିଲେ ।

ପରେ ଜିଲ୍ଲାପାଳ ଙ୍କ ସମ୍ମିଳନୀ କକ୍ଷଠାର ଜିଲ୍ଲା ପ୍ରଶାସନ ର ଅଧିକାରୀ ଏବଂ ଟିପିଡବ୍ଲୁଓଏସଏଲର ପଦାଧିକାରୀ ମାନଙ୍କ ସହ ସମୀକ୍ଷା ଆଲୋଚନା କରିଥିଲେ। ପରେ ସାମ୍ବାଦିକ ମାନଙ୍କୁ ସାକ୍ଷାତ କରି ବରଗଡ଼ ଜିଲ୍ଲା ରେ ବିଶେଷ କରି ବିଦ୍ୟୁତ୍ ବିଭ୍ରାଟ ସମସ୍ୟା ଚରମ ସୀମାରେ ପହଞ୍ଚିଛି ବୋଲି କ୍ଷୋଭ ପ୍ରକାଶ କରିଥିଲେ । ଜିଲ୍ଲା ର ସହର ଠୁ ଆରମ୍ଭ କରି ଗ୍ରାମାଞ୍ଚଳ ପର୍ଯ୍ୟନ୍ତ ଏହି ସମସ୍ୟା ରହିଛି। ବିଶେଷ କରି ଗ୍ରାମାଞ୍ଚଳ ର ଲୋକେ ୪ ଘଣ୍ଟା ବିଦ୍ୟୁତ କାଟ ହେଲେ ୨ ଘଣ୍ଟା ବିଦ୍ୟୁତ ପାଉଥିବା ଅଭିଯୋଗ ଆସିଛି । ସେହିପରି ବିଦ୍ୟୁତ ଟ୍ରାନ୍ସଫରମର ପୋଡ଼ି ଗଲେ ତାହା ବଦଳାଇବାକୁ ମାସ ମାସ ସମୟ ଲାଗୁଛି । ଅନେକ ସ୍ଥାନରେ ବକେୟା ବିଲ୍ ନ ଦେଲେ ଏହା ନୂତନ ଟ୍ରାନ୍ସଫରମର ଲଗାଯାଉ ନାହିଁ ।

ଏହା ବେ ନିୟମ ଅଟେ। ନିୟମ ମୁତାବକ ସହରାଞ୍ଚଳ ରେ ଏହି କାର୍ଯ୍ୟ ୨୪ ଘଣ୍ଟା ରେ ଏବଂ ଗ୍ରାମାଞ୍ଚଳରେ ଏହା ୪୮ ଘଣ୍ଟା ହୋଇ ବିଦ୍ୟୁତ ସେବା ଯୋଗାଇ ଦେବା କଥା । ବିଦ୍ୟୁତ ବିଲ୍ ନିୟମ ମୁତାବକ ଅସୁଲିରେ ଅସୁବିଧା ନାହିଁ ବୋଲି କହିଥିଲେ । ବିଦ୍ୟୁତ ଚୋରୀ କୁ ରୋକିବା ସକାଶେ ବିଭାଗୀୟ ଅଧିକାରୀ ମାନେ ଯତ୍ନବାନ ହେବା କଥା। କିନ୍ତୁ ଏହା ରୋକିବାରେ ବିଫଳ ହେଉଥିବା ଦେଖାଯାଇଛି । ଆଜି ସବ୍ କମିଟି ଜିଲ୍ଲା ର ଏକ ରାଇସ ମିଲ୍ କୁ ଯାଇଥିଲେ ତେବେ ସେଠାରେ ବିଦ୍ୟୁତ ନିୟମ ମୁତାବକ ଚାଲିଛି କି ଚୋରା ରେ ଚାଲିଛି ବିଭାଗର ଅଧିକାରୀ ମାନେ ଜାଣିପାରିନଥିଲେ । ଏମିତି କାର୍ଯ୍ୟ ବିଳମ୍ବ ହେଲେ ନିହାତି ଭାବେ ସଂଦେହ ସୃଷ୍ଟି ହେବ । ତେଣୁ ଏହି ସବୁ କାର୍ଯ୍ୟ ଉପରେ ସେ ବିଭାଗୀୟ ଅଧିକାରୀ ମାନଙ୍କୁ ଦୃଷ୍ଟି ଦେବାକୁ ନିର୍ଦ୍ଦେଶ ଦେଇଥିବା ସେ କହିଥିଲେ । (ସତ୍ୟ ନାରାୟଣ ପ୍ରଧାନ)