ଗଛ ଡାଳରୁ ଝୁଲନ୍ତା ଶବ ଉଦ୍ଧାର

ତାଜା ନ୍ୟୁଜ୍ (୨୩ ସେପ୍ଟେମ୍ବର ଗୁରୁବାର) କଳାହାଣ୍ଡି :- ନର୍ଲା ଥାନା ଅନ୍ତର୍ଗତ ଘଣ୍ଟମାଳ ନିକଟସ୍ଥ ବଡ଼ ଡଙ୍ଗର ଜଙ୍ଗଲ ମଧ୍ୟରୁ ଏକ ଝୁଲନ୍ତା ଶବକୁ ପୋଲିସ ଉଦ୍ଧାର କରିଛି । ଜଙ୍ଗଲ ମଝିରେ ଥିବା ଏକ ଗଛ ଡାଳରେ ଶବ ବେକରେ ଫାସ ପଡ଼ି ଝୁଲନ୍ତା ଅବସ୍ଥାରେ ଥିବା ବେଳେ ନର୍ଲା ପୋଲିସ କୈାଣସି ସୂତ୍ରରୁ ସୂଚନା ପାଇ ଘଟଣା ସ୍ଥଳକୁ ଯାଇ ଶବଟିକୁ ଉଦ୍ଧାର କରିଥିଲା । ଶବଟିକୁ ମଧ୍ୟ ପୋଲିସ ଚିହ୍ନଟ କରିବାରେ ସକ୍ଷମ ହୋଇଛି ।

ନର୍ଲା ପଞ୍ଚାୟତ ପଡ଼ାର ତୁଲସୀରାମ ଚନ୍ଦନ ( ୫୪) ନବାନ୍ନ ପର୍ବ ପୂର୍ବରୁ ନିଖୋଜ ଥିବା ବେଳେ ପରିବାର ଲୋକଙ୍କ ସହାୟତାରେ ମୃତ ତୁଲସୀର ଶବ ଚିହ୍ନଟ କରାଯାଇଛି । ଶବଟି ପଚିସଢି ଯାଇଥିବାରୁ ଘଟଣା ସ୍ଥଳରେ ହିଁ ଶବ ବ୍ୟବଚ୍ଛେଦ ପରେ ନର୍ଲା ପୋଲିସ ପରିବାର ଲୋକଙ୍କୁ ଶବ ହସ୍ତାନ୍ତର କରିଛନ୍ତି । ନର୍ଲା ଥାନା କେସ ନଂ ୧୭/୨୧ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇ ଥିବା ନର୍ଲା ଆଇଆଇସି ରେଣୁକା ସୁନା ଆମ ପ୍ରତିନିଧିଙ୍କୁ ସୂଚନା ଦେଇଛନ୍ତି । (ରିପୋର୍ଟ ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିଫ)